Словакиялық дипломат БҰҰ-ның Орталық Азиядағы превентивті дипломатия жөніндегі орталығының жетекшісі болып тағайындалды
Словакиялық дипломат БҰҰ-ның Орталық Азиядағы превентивті дипломатия жөніндегі орталығының жетекшісі болып тағайындалды
Алматы. 30 сәуір. "Қазақстан Бүгін" - Словакиялық дипломат БҰҰ-ның Орталық Азиядағы превентивті дипломатия жөніндегі орталығының жетекшісі болып тағайындалды, деп хабарлайды агенттік БҰҰ жаңалықтар орталығына сілтеме жасап.
29 сәуірде БҰҰ бас хатшысы Пан Ги Мун Мирослав Йенчаны Түрікменстан астанасы Ашхабадта өткен жылдың желтоқсан айында ашылған БҰҰ-ның Орталық Азиядағы превентивті дипломатия жөніндегі орталығының жетекшісі әрі өзінің арнаулы өкілі қызметіне тағайындады. БҰҰ-ның Ашхабадтағы орталығы БҰҰ хатшылығының саяси мәселелер жөніндегі департаменті таяу уақыттарда ашуды жоспарлап отырған бес өңірләік өкілдіктің біріншісі болды.
Орталық Азиядағы БҰҰ орталығы Түрікменстан, Қазақстан, Қырғызстан, Тәжікстан және Өзбекстанның үкіметтеріне дау-дамайларды бейбіт жолмен шешу әлеуетін арттыруға және шиеленістердің алдын диалог және халықаралық қолдау тарту арқылы алу жөнінде үкіметтерге көмек көрсететін болады. Орталық өңірлік ұйымдармен жақын ынтымақтастық орнатып, өңірдегі бейбітшілік пен тұрақтылық, Орталық Азия елдерінің мүддесіне сай олардың өзара ықпалдастық орнату және оны тереңдету сахнасына айналмақ.
Орталықта БҰҰ-ның халықаралық қызметкерлерінің тобы жұмыс істеп жатыр. Оны қаржыландыруға бастапқыда $2,3 млн бөлінді. Орталықты Мирослав Йенча басқарады, ол бұған дейін Словакия сыртқы істер министрлігінің хатшылығын басқарған.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.