Солтүстік Атлантикалық Альянстың Бас хатшысының Орта Азия және Кавказдағы арнайы өкілі Қазақстанға келеді
Солтүстік Атлантикалық Альянстың Бас хатшысының Орта Азия және Кавказдағы арнайы өкілі Қазақстанға келеді
Астана. 7 сәуір. "Қазақстан Бүгін" - Солтүстік Атлантикалық Альянстың Бас хатшысының Орта Азия және Кавказдағы арнайы өкілі Роберт Симмонс Қазақстанға келеді. Бұл туралы бүгін брифингте Қазақстан Республикасы Сыртқы істер министрлігінің ресми өкілі Ержан Ашықбаев мәлімдеді, деп хабарлайды "Қазақстан Бүгін" агенттігінің тілшісі.
Ол сапардың үстіміздегі жылдың 10 - 11 сәуіріне жоспарланғанын хабарлады.
"Сапар мақсаты Қазақстанның Солтүстік Атлантикалық Альянспен серіктестік іс-әрекетінің жеке жоспарының негізгі бағыттарын Қазақстан жағымен талқылау болып табылады", - деп түсіндірді Е. Ашықбаев.
Сапар барысында Р. Симмонс Қазақстанның министрліктері мен ведомстволарында кездесулер өткізіп, Л. Н. Гумилев атындағы Еуразия ұлттық университетінде профессорлар-оқытушылар құрамының алдында сөз сөйлейді. Сондай-ақ, НАТО-ның депозитарлық кітапханасының ашылуы болатын Ұлттық академиялық кітапхананы тамашалайды.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.