Таиланд өкіметі тұтқындалған қазақстандық ұшқыштарға жаңа айып таққан жоқ - ҚР СІМ
Таиланд өкіметі тұтқындалған қазақстандық ұшқыштарға жаңа айып таққан жоқ - ҚР СІМ
Астана. 11 қаңтар. Kazakhstan Today - Таиланд өкіметі 12 желтоқсанда тұтқындалған Ил-76 ұшағының экипажына жаңа айып таққан жоқ. Бұл туралы бүгін ҚР СІМ-нің ресми өкілі Асқар Ибдірахманов Kazakhstan Today тілшісіне берген сұхбатында құлағдар етті.
"Бізге белгілі ақпаратқа сәйкес, бұл - жаңа айыптар емес, бұған дейінгі айыптарды нақтылау", - деді Асқар Ибдірахманов.
Оның осы орайда нақтылауынша, айыптардың жаңаша атауы соттың талқылауы барысына әсерін тигізбейді.
Бұдан бұрын да хабарлағанымыздай, Таиландта осыдан бір ай бұрын ұсталған Ил-76 ұшағының экипажына жаңа айыптар тағылды, деп Вести.Ru сайты кеше хабарлады.
Ұшқыштарға заңсыз қару тасу, оны елге заңсыз әкелу, сондай-ақ, ұшақ бортында қару-жарақ бар екендігі жайлы хабарламау жөніндегі айыптар тағылып отыр, деп жазады "Бангкок Пост" газеті.
Мақалада нақтыланғанындай, бастапқыда ұшқыштарға заңсыз қару сақтау және тасымалданатын жүктің сипаты туралы қасақана жалған ақпарат беру туралы айып тағылған.
Сондай-ақ, тергеу тарапынан сотқа экипажды қамауда ұстау мерзімін ұзартуды сұрап өтініш жолданды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.