Таиланд полициясы Қазақстандық журналистерді соғып, қашып кеткен жүргізушінің аты-жөнін анықтады
Таиланд полициясы Қазақстандық журналистерді соғып, қашып кеткен жүргізушінің аты-жөнін анықтады
Астана. 6 қаңтар. Kazakhstan Today - Таиланд полициясы Қазақстандық журналистерді соғып, қашып кеткен жүргізушінің аты-жөнін анықтады. Бұл туралы ҚР Сыртқы істер министрлігінің баспасөз хатшысы Ілияс Омаров мәлім етті, деп хабарлайды Kazakhstan Today.
Еске сала кетейік, Таиланд елінің Паттайя курортында сәрсенбіге қараған түні жол апатынан "Интерфакс-Қазақстан" агенттігінің PR-бөлімінің директоры Ирина Голдырева мен "Сезон" журналының бас редакторы Жанна Мушраунова қаза тапты. Жолдағы апаттан Ж. Мушраунованың қызы Зарина ауыр жарақаттанған, ол ауруханаға жатқызылды. Екі әйел мен жасөспірім қызды Паттайя курортындағы бір қонақүйдің маңында жолдан өтіп бара жатқанда бір көлік соғып кеткен.
"Жедел іздестіру шараларының қорытындысы бойынша Таиланд полициясы Қазақстандық журналистерді соғып, қашып кеткен жүргізушінің аты-жөнін, көліктің мемлекеттік нөмірін және автокөліктің маркасын анықтады", - деді бүгін І. Омаров.
Оның айтуынша, Қазақстанның дипломатиялық миссиясы " Таиланд құқық қорғау органдары жүргізіп жатқан тексерудің барысына тұрақты мониторинг жүргізуде ".
Сондай-ақ, оның хабарлауынша, Зарина бүгін Қазақстанға ұшып шығуға тиіс. "Қазір оның денсаулығы біршама жақсарды", - деді І. Омаров.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.