Ташкентке АҚШ Орталық Қарулы күштерінің басшысы келеді-ақпарат көздері
Ташкентке АҚШ Орталық Қарулы күштерінің басшысы келеді-ақпарат көздері
Ташкент. 24 қаңтар. "Қазақстан Бүгін" - Ташкентке бүгін Орталық Азия мемлекеттеріне сапары аясында АҚШ -тың Қарулы күштерінің Орталық басқармасының басшысы, адмирал Уильям Фэллон келеді, деп хабарлайды агенттік тілшісі. Бұл туралы агенттікке Өзбекстанның сыртқы істер министрлігінің ақпарат көздері мәлім еткен.
Оның алдында ол Қырғызстан, Тәжікстан, Ауғанстан және Пәкістан елдеріне барып қайтқан. Америкалық адмирал президент Ислам Кәрімовпен кездесіп, Өзбекстанның сыртқы істер министрлігінде, қорғаныс министрлігі мен Сенатта келіссөздер жүргізеді,
Ақпарат көздерінің айтуынша, екі жақты келіссөздері барысында, АҚШ пен Өзбекстан арасында әскери-техникалық қарым -қатынастарын кеңейту және Ауғанстан мен Пәкістандағы оқиғаларға орай, халықаралық лаңкестікке қарсы күрес мәселелері тақыланады.
Бұдан бұрын хабарланғанындай, амирикандық әскери базасының Өзбекстан жерінде қайта тұрақталуы жөнінде келіссөздер жүргізілмейді.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.