Ташкентте Орталық Азия + Жапония атты диалог шеңберінде аға лауазымды тұлғалардың 4-ші отырысы өтеді
Ташкентте Орталық Азия + Жапония атты диалог шеңберінде аға лауазымды тұлғалардың 4-ші отырысы өтеді
Астана. 14 шілде. "Қазақстан Бүгін" - Ташкент қаласында (Өзбекстан Республикасы) ҚР СІМ өкілдерінің қатысуымен 15 шілдеде Орталық Азия + Жапония атты диалог шеңберінде аға лауазымды тұлғалардың 4-ші отырысы өтеді. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Қазақстан Бүгін тілшісі.
Е.Ашықбаевтың айтуынша, ақпараттық - телекоммуникациялық технологиялар мен көлік, құрылыс, энергетика және минералдық ресурстар салаларындағы ынтымақтастық диалогтың негізгі бағыты болып табылады.
"Алдағы келе жатқан отырыс күн тәртібінің бас мәселесі үстіміздегі жылы жазда Ташкент қаласында аталған диалог шеңберінде өтетін сыртқы істер министрлері кеңесінің 3-ші кездесуінің хаттамасын талқылау болып табылады",- деді ресми өкіл.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.