АСТАНА. 14-тамыз. Kazakhstan Today. Шанхай ынтымақтастығы ұйымына мүше елдердің транзиттік әлеуетін дамыту жөніндегі арнаулы жұмыс тобының үшінші отырысы 21-тамызда Ташкентте өтеді, деп хабарлайды Kazakhstan Today тілшісі ҚР көлік және коммуникациялар министрлігінің баспасөз қызметіне сілтеме жасап.
Алдағы шараның барысында күн тәртібіне сәйкес кезек күттірмес жобаларды айқындау, бекітілген шаралар жоспарына сәйкес кезек күттірмес "пилотты" жобаларды жүзеге асыру шаралары қарастырылады.
Сондай-ақ, жұмыс тобының мүшелері халықаралық автокөлік тасымалына қолайлы жағдайлар жасау жөніндегі үкіметаралық келісімнің жобасы мен арнаулы жұмыс тобының 2006-жылдың екінші жартысы мен келесі жылға арналған жұмыс жоспарын талқылайды.
Ташкентте өтетін арнаулы жұмыс тобының отырысында Шанхай ынтымақтастығы ұйымына мүше елдердің транзиттік әлеуетінің дамуы талқыланады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.