АСТАНА. 26-маусым.Kazakhstan Today. 20 маусымда Тегеранда Каспий маңы мемлекеттері сыртқы істер министрлерінің үшінші мәжілісі өтті. Кездесудің басты тақырыбы -Каспий маңы мемлекеттері басшыларының алда болатын екінші саммитінің мерзімі мен оның қорытынды құжаты - декларация жобасын талқылау болды. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Kazakhstan Today тілшісі.
Күрделі консультациялардың нәтижесінде Сыртқы істер министрлері реттелмей қалған тармақтарды келісімдеді. Бұл - Каспий маңы мемлекеттері басшыларының саммитін өткізуге жол ашып отыр.
Бұл ретте, мәмілегерлік ұсыныстардың бәрі Қазақстан тарапынан жасалғанын атау керек. Осылайша, Каспий бестігі президенттерінің екінші саммитінде қабылдау жоспарланып отырған Каспий маңы мемлекеттері декларациясының мәтіні толықтай келісімделіп, қол қоюға әзір болды.
Сондай-ақ, Қазақстан әзірлеген Каспий теңізіндегі тұрақтылық пактісі жобасындағы Каспий аймағында қауіпсіздік пен тұрақтылықты қамтамасыз ету жөніндегі ұсыныстардың Декларация жобасына түгелдей кіргенін атап айту керек. Сайып келгенде, бұл - Елбасы Н.Назарбаевтың аталған пактіні қабылдау жөніндегі бастамасының жүзеге асырылғаны.
Саммит күн тәртібінің күн тәртібі мен оны өткізу мерзімі дипломатиялық арналар арқылы келісіледі.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Тегеранда өткен Каспий маңы сыртқы істер министрлері мәжілісінің қорытындысы бойынша Каспий маңы мемлекеттері басшыларының екінші саммитінің декларациясы қабылданды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.