ТМД аясында біртұтас баспа органын құру жөнінде шешім қабылданды
ТМД аясында біртұтас баспа органын құру жөнінде шешім қабылданды
Душанбе. 2 сәуір. "Қазақстан Бүгін" - ТМД елдерінің мерзімді басылым, кітап шығару, кітап тарату және баспа ісі саласындағы ынтымақтастық жөніндегі мемлекетаралық кеңесі бүгін Душанбеде өткен ХІІ жиында ТМД аясында біртұтас баспа органын құру жөнінде шешім қабылдады, деп хабарлайды "Қазақстан Бүгін" агенттігінің тілшісі.
Сонымен бірге, жиында кітапты қолдау жөніндегі декларация мен ТМД елдерінің өзара баспа өнімдерін алмасуына қолайлы жағдайлар жасау жөніндегі келісімнің жобасы бекітілді.
Бұған қоса жиынға қатысушылар 2009 жылды - ТМД елдеріндегі жастар жылы деп жариялауды ұйғарды. Отырыс қорытындысы бойынша кеңестің 2009 жылғы жұмыс жоспары бекітілді. ТМД елдерінің мерзімді басылым, кітап шығару, кітап тарату және баспа ісі саласындағы ынтымақтастық жөніндегі мемлекетаралық кеңесінің келесі ХІІІ жиыны 2009 жылдың қараша-желтоқсан айларында Минск қаласында өтеді.
Душанбеде өткен жиынға Изербайжан, Беларусь, Қазақстан, Қырғызстан, Ресей Федерациясы мен ТМД Атқару комитетінің өкілдері қатысты.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.