ТМД Экономикалық кеңесінің отырысын осы аптада Мәскеуде өткізу жоспарланған
"15наурызда Мәскеуде Тәуелсіз Мемлекеттер Достастығы Экономикалық кеңесінің 57-ші отырысы өткізіледі", - деді А.Ибибуллаев.
Астана. 11-наурыз. Kazakhstan Today - Алдағы аптада Мәскеуде ТМД Экономикалық кеңесінің отырысын өткізу жоспарланған, деп хабарлайды Kazakhstan Today агенттігінің тілшісі.
Бұл туралы ОКҚ-нің Ресми өкілі Алтай Ибибуллаев баспасөз мәслихатында мәлім етті.
"15наурызда Мәскеуде Тәуелсіз Мемлекеттер Достастығы Экономикалық кеңесінің 57-ші отырысы өткізіледі", - деді А.Ибибуллаев.
Ресми өкілдің мәліметінше Қазақстанның үкімет делегациясының қатысуымен өтетін отырыста ТМД қатысушы мемлекеттердің
2020 жылға дейінгі инновациялық ынтымақтастық мемлекетаралық бағдарламасын жүзеге асыру барысы туралы мәселелерді қарастыру жоспарланған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.