ТМД елдерінің "Достық-2008" атты бірлескен арнайы операциясының аясында Қырғызстанда 2 тонна есірткі тәркіленді
ТМД елдерінің "Достық-2008" атты бірлескен арнайы операциясының аясында Қырғызстанда 2 тонна есірткі тәркіленді
Бішкек. 21 тамыз. "Қазақстан Бүгін" - ТМД елдерінің "Достық-2008" атты бірлескен арнайы операциясының аясында Қырғызстанда 2 тонна есірткі тәркіленді, деп хабарлайды "Қазақстан Бүгін" агенттігінің тілшісі Қырғызстанның Шекара қызметінің баспасөз қызметіне сілтеме жасай отырып.
Ведомствоның хабарлауынша, операцияның басты мақсаты ТМД елдеріне Ауғанстан жағынан заңсыз содырлық құрылымдардың, лаңкестердің, есірткі заттарының енуінің жолын кесу, заңсыз миграцияға тосқауыл қою болған. "Достық-2008" Ресей, Қазақстан, Қырғызстан, Тәжікстан және Өзбекстан аумақтарында өткізілді.
Қырғызстандағы операция нәтижесінде мемлекеттік шекараны бұзған 154 адам қамауға алынып, 80 қару, 11 тонна тауарлық-материалдық құндылық, 1994 кг есірткі тәркіленіп, жалпы құны 11 мың АҚШ долларын құрайтын 8 контрабанда оқиғасы тіркеліп, 88 заңсыз мигрант анықталған.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.