ТМД елдерінің Үкімет басшылары Ялтада кездеседі
ҚазАқпарат агенттігінің хабарлауынша, ТМД елдерінің Үкімет басшылары жұма, 28 қыркүйек күні Ялтада кездесіп, жан-жақты ынтымақтастық мәселелерін талқылайды.
Мәскеу. 25-қыркүйек. Kazakhstan Today - ТМД елдерінің Үкімет басшылары Ялтада кездеседі, деп хабарлайды Kazakhstan Today агенттігінің тілшісі.
ҚазАқпарат агенттігінің хабарлауынша, ТМД елдерінің Үкімет басшылары жұма, 28 қыркүйек күні Ялтада кездесіп, жан-жақты ынтымақтастық мәселелерін талқылайды.
ТМД Атқарушы комитетінің баспасөз қызметінен хабарлағандай, ТМД елдерінің инновациялық ынтымақтастығының 2020 жылға дейінгі Мемлекетаралық бағдарламасын іске асырудың 2012-2014 жылдарға арналған шаралар Кешенін қарастыру көзделуде. Талқылау тақырыбына сондай-ақ ТМД мемлекеттерінің ақпараттық қоғамды құру және дамытудағы ынтымақтастық Стратегиясы мен оны 2015 жылға дейінгі кезеңде іске асыру бойынша әрекеттер Жоспары кіріп отыр.
Өзбекстан Республикасының еркін сауда аймағы туралы Келісімге қатысуы қарастырылмақ. Сондай-ақ Достастық елдеріндегі бөлшек сауда желілеріндегі азық-түлік тауарларын сату нарығындағы бәсекелестік жағдайы сараланатын болады. Үкімет басшыларына Мәскеуде Бүкілресейлік көрме орталығының базасында Достастық мемлекеттерінің ұдайы жұмыс істейтін көрмелерін құру бойынша жұмыс барысы туралы ақпарат ұсынылады. Отырыс қатысушылары "Мир" Мемлекетаралық телерадиокомпаниясында "Мир 24" ақпараттық телеарнасының Тұжырымдамасын ортаға салады.
Бұдан бөлек Достастық қызметіндегі бірқатар бюджеттік-қаржылық және ұйымдастырушылық мәселелер қарастырылады. Күн тәртібіне Достастық аясындағы ықпалдастықтың өзара әрекеттестігінің түрлі аспектілерін қозғайтын барлығы жиырмадан астам мәселелер енгізіліп отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.