АСТАНА. 16-қазан. Kazakhstan Today. Бүгін Минск қаласында ТМД-ға қатысушы елдердің сыртқы істер министрлерінің отырысы өтеді . Отырыста қаралатын шешуші мәселе - ТМД-ны одан әрі жетілдіру проблемасы болып табылады.
Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Kazakhstan Today тілшісі.
"Кездесудің басты мақсаты - мемлекет басшыларының кеңесі отырысының күн тәртібін дәйектеу",- деді Е.Ашықбаев. Е.Ашықбаевтың айтуынша, "мемлекет басшыларының кеңесінің осының алдындағы отырысында Қазақстан жағы екі маңызды мәселені қарау жөнінде ұсыныс енгізген. Біріншісі - Елбасы Нұрсұлтан Назарбаев шілде айында Мәскеуде өткен ТМД-ның бейресми саммиті барысында ұсынған ТМД-ны реформалау бағдарламасының жобасы мен осы құжаттан туындайтын ТМД-ның жарғысына өзгерістер мен толықтырулар енгізу жөніндегі ұсыныстар болмақ. Ал екінші бір шешуші мәселе - көші-қон саласында келісілген саясат жүргізу",- деді ол.
Қазақстан жағының пікірінше, "ТМД аясындағы ынтымақтастықты дамытуда басымдық бес бағытта шоғырлануға тиіс". "Бұл - келісілген көші-қон саясаты, біртұтас транспорттық коммуникацияларды дамыту саласындағы ынтымақтастық, ғылым және білім саласындағы интеграция, мәдени-гуманитарлық ынтымақтастық, трансшекаралық қылмыспен күрес",- деді Е.Ашықбаев.
СІМ өкілінің айтуынша, "аталған бағыттар негізгі екі критерийге сай келеді: ТМД елдерінің басым көпшілігі үшін тартымды әрі перспективалы және тәжірибелік жағынан маңызды".
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
ТМД-ға қатысушы елдердің сыртқы істер министрлерінің отырысында достастықты одан әрі жетілдіру мәселесі басты мәселе ретінде талқыланады - ҚР СІМ
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.