АЛМАТЫ. 27-желтоқсан. Kazakhstan Today. Түрікменстанның Халық кеңесінің мүшелері президенттіктен үміткер 11 адамның атын ұсынды деп хабарлайды Kazakhstan Today тілшісі Ресейдің "Новости" ақпараттық агенттігінің хабарламасына сілтеме жасай отырып.
Кешегі Кеңес отырысында Түрікменстанның демократиялық партиясының саяси кеңесінің хатшысы Онжук Мусаев үміткерлікке Түрікменстан президентінің уақытша міндетін атқарушы Гурбангулы Бердымухаммедованы ұсынды.
Лебаб велаяты президенттіктен үміткер Қарабек ауылы ауданының хякимі мен Атамурад атындағы аудан хякимі Атамурад Алтынбаевты ұсынды.
Түрікменстанның барлық бес велаяты мен ел астанасы Ашхабад өздерінің үміткерлерін ұсынады деп күтілуде.
Бұрын үміткерлікке Дашогузск велаятының хякимының бірінші орынбасары Аманнияз Атаджиков, Сапармурат Ниязовтың атындағы аудан хякимі Батыр Чошшиев, мұнай-газ өнеркәсібі мен минералды ресурстар министрінің орынбасары Ишанкули Нурыев, туризм және спорт комитеті төрағасының орынбасары Дурды Дурдыев, Абадан қаласының хякимі Оразмурат Караджаев, Ахалск велаятының хякимликі бөлімінің меңгерушісі Аннаберды Чупанов, Түрікменбасы қаласының хякимі Аширнияз Помманов және мәжіліс депутаты, Түрікменстанның Демократиялық партияларының Балканск велаяты комитетінің хатшысы Реджепмаммед Дараклиевтер ұсынылған.
Түрікменстанның президенттігіне үміткерлерді бекіту үшін Халық Кеңесі мүшелерінің 2 мың 507 дауысының үштен екісін жинау қажет.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Түрікменстанның Халық кеңесінің мүшелері президенттіктен үміткер 11 адамның атын ұсынды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.