Түркітілдес елдердің Іскерлік кеңесі құрылды
ҚР премьер-министрінің ресми сайтында Алматыда Түркітілдес мемлекеттердің ынтымақтастық кеңесі саммитінің аясында бизнес-форум өткендігі туралы хабарланған. Оның барысында Түркітілдес елдердің Іскерлік кеңесін құру туралы келісімге қол қойылды.
Алматы. 20-қазан. Kazakhstan Today - Түркітілдес елдердің Іскерлік кеңесі құрылды, деп хабарлайды Kazakhstan Today агенттігінің тілшісі.
ҚР премьер-министрінің ресми сайтында Алматыда Түркітілдес мемлекеттердің ынтымақтастық кеңесі саммитінің аясында бизнес-форум өткендігі туралы хабарланған. Оның барысында Түркітілдес елдердің Іскерлік кеңесін құру туралы келісімге қол қойылды.
Кеңес құрамына түркітілдес елдердің ірі компаниялары мен ұйымдарының өкілдері кіріп отыр. Қазіргі таңда Іскерлік кеңестің алдында екі негізгі міндет тұр - кедендік кедергілерді алып тастау және ынтымақтастық үшін жаңа жобалар әзірлеу.
"Барлық кәсіпкерлер кеден амалдарына шағымданады. Елдер арасындағы сауда-саттық туралы сөз болған кезде, кеден мәселесі және транзит туралы құжаттар алу мәселесі туындайды. Біз елдеріміз үшін жеңілдетілген жүйе құруымыз керек",- деді ТМЫК Бас хатшысы Халиль Акынжы.
Осыған байланысты, Іскерлік кеңестің аясында Көлік және байланыс агенттігін құрудың мүмкіндігін қарастыру жоспарлануда. Іскерлік кеңестің қорытындысы бойынша нақты ұсыныстар әзірленеді.
ТМЫК елдерінің бірінші саммиті 20-21 қазан күндері Алматыда өтуде. Түркі халықтарының бірлігін нығайтуды мақсат ететін бұл Ұйымға Қазақстан, Қырғызстан, Изірбайжан және Түркия елдері мүше.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.