АСТАНА. 28-желтоқсан. Kazakhstan Today. Иділет министрлігі Қазақстанның оңшылцентристік "Атамекен" партиясын тіркеу туралы өтінішті қабылдады. Бұл туралы Kazakhstan Today тілшісіне партияның баспасөз қызметі хабарлады.
"Қазақстан Республикасының саяси партиялар туралы заңнамасына сәйкес, әділет министрлігі Қазақстанның оңшылцентристік "Атамекен" партиясын тіркеу туралы өтінішті қабылдады. Партия құрылтай сьезінен кейін заңда белгіленген 2 айдың ішінде "Атамекен" партиясына мүшелікке өткен 60 мыңнан астам азаматтың тізімін әкелді",- делінген баспасөз баянында.
Осы орайда еске сала кетсек, қазан айында "Атамекен" партиясының құрылтай сьезіне қатысушылар өздері құрған партияның Қазақстан президенті алға қойған мақсат-міндеттерді қолдайтынын мәлімдеген. "Біз саяси партияны мемлекет басшысын қолдау үшін және ол алға қойған Қазақстанды әлемдегі бәсекеге қабілетті 50 елдің санатына қосу мақсатына жету үшін құрдық",- деді жаңа саяси бірлестіктің төрағасы - Қазақстан президентінің жанындағы кәсіпкерлер кеңесінің мүшесі Ержан Досмұхамедов.
Жаңа партия "Қазақстан экономикасының сыбайлас жемқорлыққа белшесінен батуына жол бермеу мақсатын көздейді". "Оңшылцентристік партия бизнесті мемлекеттендіруге және шенеуніктерді жекешелендіруге қарсы тұрады. Біз мемлекеттің коммерцияға ден қоюын және оның экономикаға араласуын күшейтуді қолдамаймыз",- делінген партия бағдарламасының жобасында.
Партия күн тәртібіндегі кезек күттірмес міндеттер ретінде әскери, әлеуметтік, тұрғын-үй-коммуналдық, әкімшілік, банк салаларында реформалар жүргізіп, көші-қон және тіл, ауыл саясатын өзгертуді ұсынады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Иділет министрлігі оңшылцентристік "Атамекен" партиясын тіркеу туралы өтінішті қабылдады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.