Украинаның Орталық сайлау комиссиясы Януковичті ресми түрде ел президенті деп жариялады
Украинаның Орталық сайлау комиссиясы Януковичті ресми түрде ел президенті деп жариялады
Алматы. 15 ақпан. Kazakhstan Today - Украинаның Орталық сайлау комиссиясы "Партия регионов" жетекшісі Виктор Януковичті ресми түрде ел президенті деп жариялады, деп хабарлайды Kazakhstan Today "РосБизнесКонсалтинг" (РБК) агенттігіне сілтеме жасап.
Украина президенті сайлауының 2010 жылдың 7 ақпанында өткен екінші турының қорытындысы бар хаттаманы 14 ақпанда мәскеу уақытымен сағат 16.50-де Орталық сайлау комиссиясының барлық 15 мүшесі, соның ішінде бес адам "айрықша пікірмен" бекітті. Дауыс беру қорытындысын Украина ОСК төрағасы Владимир Шаповал жария етті.
ОСК мәліметінше, В. Янукович үшін 12 млн 481 мың 266 адам, немесе сайлаушылардың 48,95%-ы дауыс берді. Ю. Тимошенконы 11 млн 593 мың 357 адам , немесе сайлаушылардың 45,47%-ы қолдады. Барлығына қарсы дауыс берген азаматтар 4,36% болды. Барлығы дауыс беруге 25 млн 493 мың 529 адам (69,07%) қатысқан, ал дауыс берушілер тізіміне 37 млн астам адам енгізілген.
Жаңа мемлекет басшысы бір айдың ішінде жұмысқа кірісуге тиіс.
Украинаның Орталық сайлау комиссиясындағы В. Януковичтің уәкілетті өкілі, Жоғарғы рада төрағасының бірінші орынбасары Александр Лавриновичтің журналистерге хабарлауынша, жаңадан сайланған Украина президентін ұлықтау рәсімі 2010 жылдың ақпан айының аяғында өтеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.