ҰҚШҰ ақпараттық қауіпсіздік жүйесін қалыптастыру бойынша бірлескен әрекеттер бағдарламасын талқылады
ҰҚШҰ ақпараттық қауіпсіздік жүйесін қалыптастыру бойынша бірлескен әрекеттер бағдарламасын талқылады
Мәскеу. 10 маусым. "Қазақстан Бүгін" - Мәскеуде бүгін Ұжымдық қауіпсіздік шарты ұйымының жанындағы Тұрақты кеңес отырысында ҰҚШҰ мүше мемлекеттердің ақпараттық қауіпсіздік жүйесін қалыптастыру бойынша бірлескен әрекеттер бағдарламасы талқыланды. Бұл туралы "Қазақстан Бүгін" агенттігінің тілшісіне ҰҚШҰ Хатшылығының баспасөз қызметінен хабарлады.
Бағдарламаға сәйкес, ұйымға мүше мемлекеттердің ақпараттық қауіпсіздік жүйесін қалыптастыру аталмыш саладағы бірлескен ұғымдар аппаратын жасауды, ұйым мемлекеттерінің ақпараттық қауіпсіздігінің қаупін талдауды, ақпараттық қауіпсіздік жүйесінің үлгісін жасауды және осы сала бойынша ҰҚШҰ мүше мемлекеттердің ынтымақтастығы жөніндегі келісім жобасына шығуды қарастырады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.