ҰҚШҰ елдері лаңкестік және экстремистік ұйымдардың тізімін келісті
ҰҚШҰ елдері лаңкестік және экстремистік ұйымдардың тізімін келісті
Алматы. 7 мамыр. "Қазақстан Бүгін" - Ұжымдық қауіпсіздік шарты ұйымына мүше елдер лаңкестік және экстремистік ұйымдардың тізімін келісті. Бұл туралы бүгін Мәскеуде ҰҚШҰ баспасөз хатшысы Виталий Струговец мәлім етті, деп хабарлайды "Қазақстан Бүгін" агенттігі "РосБизнесКонсалтинг" (РБК) агенттігіне сілтеме жасап.
"ҰҚШҰ елдері ұйымға мүше мемлекеттерде лаңкестік және экстремистік ұйымдар деп танылған ұйымдардың тізімінің жобасын келісті,- деп хабарлайды РБК.
В. Струговецтің мәлімдеуінше, алғаш рет мұндай тізім 2004 жылдың қараша айында келісілген, ол кезде оған 22 ұйым енгізілген, алайда, өткен жылдарда ҰҚШҰ елдерінің ұлттық тізімдеріне тағы да бірқатар ұйымдар қосылды.
"Қазіргі жағдаймен жаңа тізімнің жобасында 31 заңсыз ұйым тіркелген. Атап айтсақ, тізімге "Ил-Каида", "Талибан", "Аум Синрике", "Сұр қасқырлар", "Мұсылман бауырлар", "Ұлы Сирия жасағы", "Ислам жихады" секілді ұйымдар енгізілген",- деді В. Струговец.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.