ҰҚШҰ елдері таяу уақыттарда бітімгершілік күштерді бірлесе дайындауға кіріседі
ҰҚШҰ елдері таяу уақыттарда бітімгершілік күштерді бірлесе дайындауға кіріседі
Мәскеу. 14 мамыр. Kazakhstan Today - ҰҚШҰ елдері таяу уақыттарда бітімгершілік күштерді бірлесе дайындауға кіріседі. Бұл туралы бүгін Мәскеуде ҰҚШҰ бас хатшысы Николай Бордюжа журналистерге берген сұхбатында мәлімдеді, деп хабарлайды Kazakhstan Today.
"ҰҚШҰ бітімгершілік күштері қалыптасты, үйымға мүше барлық мемлекеттер ұжымдық бітімгершілік күштердің құрамына өз бөлімдерін ұсынды. Біз таяу уақыттарда оларды бірлесе жауынгерлік дайындауға кірісетін боламыз", - деді Н. Бордюжа.
Сондай-ақ, Қазақстан аумағында Қырғызстан аумағындағы "Манас" секілді әскери базаның құрылу мүмкіндігі жайлы сауалға Н. Бордюжа бұл орынсыз деп жауап берді. "Ол орынды деп санамаймын. "Манас" базасы нақты маңызды мақсаттарды шешуде. Ол Ауғанстандағы тұрақтылық үшін жұмыс істеп, тәлібтермен күрес жүргізіп жатқан топты қамтамасыз етеді. Бұл - аса маңызды мақсат. Меніңше, бұл базаның Қырғызстан аумағында уақытша орналасуы ақтауға тұрарлық, ол бүгін Орталық Азия өңірінің тұрақтылығына қызмет етуде. Тағы бір базаны құрудың қандай қажеттігі бар, ол қандай мақсат үшін керек?" - деді ол.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.