Үндістан кәсіпкерлері Қырғызстан Республикасында бірсыпыра инвестициялық жобаларды іске асыруға қызығушылық танытты
Үндістан кәсіпкерлері Қырғызстан Республикасында бірсыпыра инвестициялық жобаларды іске асыруға қызығушылық танытты
Бішкек. 6 ақпан. "Қазақстан Бүгін" -Үндістан кәсіпкерлері Қырғызстан Республикасында көлік, туризм саласында, тау-кен, қайта өңдеу өндірісінде инвестициялық жобаларды іске асыруға қызығушылық танытты, деп хабарлайды агенттік тілшісі Қырғызстан Республикасының СІМ баспасөз қызметіне сілтеме жасай отырып.
"Қырғызстан Республикасының сыртқы істер министрі Эднан Қарабаев биылғы жылдың 5 ақпанында Делиде сауда-өндіріс палатасында Үндістанның іскертоптары қоғамымен кеңейтілген жиын өткізіп, онда Қырғызстан мен Үндістан арасындағы іскерлік қарым-қатынастардың тиімді салалары талқыланды ", -деп хабарлады СІМ баспасөз қызметі.
Бұдан бұрын хабарланғанындай, Қырғызстан Республикасының министрі Үндісатанға үш күндік ресми сапармен барды.
Бүгін Э. Қарабаев сондай-ақ, Махатма Гандидің мемориалдық кешеніне ресми түрде гүл шоқтарын қою рәсіміне қатысты.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.