Изербайжан Республикасы президентінің сайлауына бақылау жасаған халықаралық бақылаушылар құрамында Қазақстан өкілдері де бар
Изербайжан Республикасы президентінің сайлауына бақылау жасаған халықаралық бақылаушылар құрамында Қазақстан өкілдері де бар
Астана. 16 қазан. "Қазақстан Бүгін" - Изербайжан Республикасы президентінің сайлауына бақылаушы ретінде ТМД Парламентаралық Ассамблеясының мүшелері қатысты. Изербайжанның мемлекет басшысын сайлауға бақылау жасаған халықаралық бақылаушылар құрамында мәжілістің экология мәселелері және табиғат пайдалану комитетінің төрағасы Ерлан Нығматулин бар, деп хабарлайды Қазақстан Бүгін тілшісі мәжілістің баспасөз қызметіне сілтеме жасап.
ТМД ПАА-ның бақылаушылар тобы құрамына ТМД елдері парламенттерінің 33 депутаты мен сарапшы-өкілдері енген. Бақылаушылар делегациясының жетекшісі - Ресей Федерациясы Федералдық Жиналысы Федералдық Кеңесі төрағасының орынбасары Светлана Орлова.
Айта кету керек, Изербайжан Республикасының президенті жалпы ашық және құпия дауыс беру нәтижесінде 5 жылға сайланады. 2003 жылғы қазанның 15-і күні Ильхам Илиев Изербайжан Республикасының президенті болып сайланды.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.