Изербайжанда президент сайлауы 2008 жылдың 15 қазанында болады - Изербайжан Республикасының Орталық сайлау комиссиясы
Изербайжанда президент сайлауы 2008 жылдың 15 қазанында болады - Изербайжан Республикасының Орталық сайлау комиссиясы
Баку. 8 сәуір. "Қазақстан Бүгін" - Изербайжанда президент сайлауы 2008 жылдың 15 қазанында болады, деп хабарлады брифингте тілшілерге Орталық сайлау комиссиясының төрағасы Мазахир Панахов.
"Изербайжанның конституциясына сәйкес президент сайлауы президенттіктің бесінші жылында қазан айының үшінші сәрсенбісінде өткізіледі. Ал ол биыл 15 қазанға сәйкес келеді. Ресми түрде сайлау мерзімі сайлаудан 120 күн бұрн жарияланады және сол күннен бастап президенттікке үміткерлерді тіркеу басталады", - деді М. Панахов.
М. Панахов сондай-ақ, жақын уақыттарда ОСК халықаралық бақылаушыларды сайлауға шақыру мәселесін қарастыру мәселесіне кіріседі.
"Изербайжанда бақылаушыларды шақыру құқына парламент, Орталық сайлау комиссиясы мен Сыртқы істер министрлігі ие және біз жақында осы мәселе бойынша шешім қабылдауға кірісеміз", - деді ОСК басшысы.
Ол сондай-ақ, 2008 жылдың қаңтар айынан бері сайлаушылар тізімін нақтылау үрдісі басталғанын хабарлады. Алайда, олардың нақты саны тек мамыр айының аяғына қарай ғана анықталады. Алдын ала мәліметтер бойынша сайлауға қатысуға 4 834 584 адам құқылы. Олардың 52 пайызы нәзік жандылар болып табылады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.