Ұжымдық қауіпсіздік келісім-шарты ұйымы қатысушы елдердің әскери-экономикалық ынтымақтастығы жөніндегі ұзақ мерзімді бағдарламаның жобасын жасайды
АСТАНА. 14-наурыз. Kazakhstan Today. Ұжымдық қауіпсіздік келісім-шарты ұйымының әскери-экономикалық ынтымақтастық жөніндегі мемлекетаралық комиссиясы ұйымға қатысушы елдердің әскери-экономикалық ынтымақтастығы жөніндегі ұзақ мерзімді бағдарламаның жобасын жасайды. Бұл туралы бүгін Ұжымдық қауіпсіздік келісім-шарты ұйымының әскери-экономикалық ынтымақтастық жөніндегі мемлекетаралық комиссиясының үшінші отырысының қорытындысы бойынша өткен баспасөз мәслихатында комиссия төрағасы Иван Матеров мәлім етті, деп хабарлайды Kazakhstan Today тілшісі.
"Біз әскери-экономикалық ынтымақтастық жөніндегі ұзақ мерзімді бағдарламаның жобасын жасамақшымыз. Онда бейбіт және соғыс уақытында қарулы күштер саласындағы бағдарламаларды жүзеге асыруды ұйымдастыру мен қамтамасыз ету форматтары қамтылады",- деді И.Матеров.
"Біздің болжауымызша, бағдарлама 2015-жылы аяқталуға тиіс. Ирине, әріқарай ол ұзартыла беретін болады",- деді ол. Комиссия төрағасының айтуынша, бұл бағдарлама комиссияның былтыр Бішкекте өткен екінші отырысы кезінде талқыланған.
"Комиссияның шешімімен барлық елдер 30-сәуірге дейін бағдарламаның жобасын жасауға қатысты өз ұсыныстарын хатшылыққа таныстыруға тиіс",- деді ол.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.