Вильнюс қаласында ГУАМ-ға мүше мемлекеттердің саммиті болып өтті
Вильнюс қаласында ГУАМ-ға мүше мемлекеттердің саммиті болып өтті.
Баку. 11-қазан. "Қазақстан Бүгін" - Вильнюс қаласында ГУАМ-ға мүше мемлекеттердің ұйымның құрылуына 10-жыл толуына арналған саммит болып өтті, деп хабарлайды "Қазақстан Бүгін" агенттігінің тілшісі Изербайжан президентінің әкімшілігіне сілтеме жасай отырып.
Саммит жұмысына Изербайжан президенті Ильхам Илиев, Украина президенті Виктор Ющенко, Грузия президенті Михаил Саакашвили, Литва президенті Валдас Адамкус, Латвия президенті Валдис Затлерс, Литвадағы Молдова істерін жауаптанған уақытша сенімді өкілі Иона Сиорни және АҚШ энергетика министрі Клейтон Селл қатысты.
Саммитті аша отырып, Изербайжан президенті өткен он жылдықта ГУАМ Еуроодақ пен басқа да халықаралық құрылымдардың қолдауына ие болған маңызды халықаралық ұйымға айналғандығын атап көрсетті. Ұйым өзге мемлекеттермен байланыстарын кеңейте түсуде. ГУАМ-АҚШ, ГУАМ-Польша, ГУАМ-Жапония аясында кездесулер өткізілген.
И. Илиев ГУАМ аясындағы бірлескен қызметтің негізгі бағыттары еуроатлантикалық интеграция, демократиялық үрдістердің дамуы, экономикалық ынтымақтастық екендігін атап өтті.
"Біздің серіктестікті кеңейтуге, еуроатлантикалық интеграцияға және экономикалық ынтымақтастықты нығайтуға бағытталған бірлескен іс-әркеттеріміз осы мәселелерді шешуге көмектеседі", - деді И. Илиев.
ГУАМ елдерінің өзге мемлекеттермен ынтымақтастығы туралы сөз қозғай отырып, Виктор Ющенко, Украинаның Балтық жағалауы мемлекеттеріне электр қуатын жеткізу ниетін ортаға салды.
Саммит қорытындысы бойынша Декларация қабылданды.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.