АСТАНА. 27-маусым. Kazakhstan Today. Саяси партиялардың мәжіліс сайлауына қатысу үшін партиялық тізімдерін тіркемей тұрып өз іс-қызметіне жарнама жасауы заңды болып табылады, деп хабарлайды Kazakhstan Today тілшісі Орталық сайлау комиссиясы төрағасының орынбасары Владимир Фоостың түсініктемесіне сілтеме жасап.
"Жарнама жөніндегі және саяси партиялар туралы заңдарға сәйкес олар өз партиясының іс-қызметіне жарнама жасай алады. Бұған заң жүзінде тыйым салынбаған",- деді бүгін В.Фоос ОСК отырысынан кейін журналистерге берген сұхбатында. "Саяси науқан тек сайлау қарсаңында қызады. Өз қатарынан ресми түрде үміткерлердің атын ұсынған саяси партия осы сәттен бастап сайлауға қатысатын саяси партия, үміткер атанады",- деді ол. "Ал үміткерлердің атын ұсыну процессі партиялық тізім құру үшін құрылтай өткізу мен осы тізімді Орталық сайлау комиссиясына таныстырудан тұрады",- деді В.Фоос. "Осы сәтке дейін жарнама жасауға болады. Осы сәттен бастап "Сайлау туралы" заңның үгіт-насихат туралы 28-бабы күшіне енеді. ОСК бұдан кейінгі жарнаманы жанама жарнама деп санайды",- деді ол.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Заң саяси партияларға сайлауға қатысу үшін тіркелуге дейін өз іс-қызметін жарнамалауға тыйым салмайды - ОСК
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.