АЛМАТЫ. 28-тамыз. Kazakhstan Today. Жапония үкімет басшысы Дзюнъитиро Коидзуми бүгін Елбасы Нұрсұлтан Назарбаевтың шақыруы бойынша ресми сапармен елімізге келді,- деп хабарлайды Kazakhstan Today тілшісі.
Шамамен бір сағат бұрын Жапония үкімет басшысы мінген ұшақ Елордасы әуежайына келіп қонды.
Иуежайда Жапония үкімет басшысын ҚР СІМ Қасымжомарт Тоқаев, еліміздің энергетика және минералды ресурстар министрі Бақтықожа Ізмұхамбетов, Жапониядағы Қазақстан елшісі Болат Нұрғалиев пен Астана әкімінің орынбасары Марат Толыбаев күтіп алды.
Бұдан бұрын да хабарлағанымыздай, сапар барысында Дзюнъитиро Коидзуми ел басшылығымен кездесулер өткізіп, олардың барысында халықаралық ахуал және БҰҰ мен БҰҰ Қауіпсіздік кеңесін жаңалау мәселелері талқыланады. Сонымен бірге Қазақстан президенті мен Жапония үкімет басшысы "Орталық Азия+Жапония" диалогын дамыту, Орталық Азия аймағындағы ахуал, екі жақты қарым-қатынас, экономика саласындағы ынтымақтастық проблемаларын талқылайды.
Жапония қаржы министрлігінің мәліметіне сәйкес, Қазақстан мен Жапония арасындағы тауар айналымы 2005-жылдың қорытындысы бойынша 512 млн. долларды құрап, Жапонияның Қазақстан экономикасына жұмсаған инвестициясының көлемі 1993-2005-жылдар аралығында 1 млрд. долларға жетті.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Жапония үкімет басшысы ресми сапармен елімізге келді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.