Байқоңырда ғарыштық кешен нысандары мен мүліктерінің санағы жүргізілді
Байқоңырда ғарыштық кешен нысандары мен мүліктерінің санағы жүргізілді
Байқоңыр. 19 желтоқсан. "Қазақстан Бүгін" - Байқоңырда ғарыштық кешен нысандары мен мүліктерінің санағы жүргізілді, деп хабарлайды агенттік тілшісі мемлекеттік мүлік және жекешелендіру жөніндегі Байқоңыр аумақтық комитетінің төрағасы Мағауия Ажмолдаевқа сілтеме жасап.
""Байқоңыр" кешенінде аумақтық комитет Байқоңырда жұмыс істейтін Қазақстан Республикасының мемлекеттік заңды тұлғаларының иелігіндегі мүліктің мақсатты пайдаланылуы мен тиімділігіне, мемлекеттік республикалық меншіктегі мүліктің жалға берілуіне, "Байқоңыр" кешенінің жалға берілетін нысандарының құрамына енгізілген және оның құрамынан шығарылатын нысандардың ашық саудалардың өткізілуіне, жекешелендіруден кейінгі бақылау жағдайына тексеру жүргізді", -деді М. Ажмолдаев.
Құрамында мемлекеттік мүлік және жекешелендіру жөніндегі Байқоңыр аумақтық комитетінің, ҚР Қаржы министрлігі мен "Қазғарыш" Ұлттық ғарыш агенттігінің және Ресей Федерациясының өкілдері кірген комиссияның жұмыс топтары "Байқоңыр" кешенінің жалға берілген нысандары мен мүлкіне санақ жүргізіп, Ресейдің Федералдық ғарыш агенттігінің 41 кәсіпорны мен ұйымының, Байқоңыр қалалық әкімшілігіне қарасты 73 кәсіпорны мен ұйымның, Ресей Федерациясы Қорғаныс министрлігінің әскери бөлімдерінің 23 қызметі мен бөлімдерінің санақ тізбесін жасады.
"Комиссия "Байқоңыр" кешеніндегі ұйымдар, кәсіпорындар мен бөлімдердің нысандарды Қазақстан Республикасы үкіметі мен Ресей Федерациясы үкіметтері арасындағы 1994 жылдың 10 желтоқсанындағы "Байқоңыр" кешенін жалға алу жөніндегі келісім-шартының мақсаттарына сәйкес пайдаланып отырғанын, нысандардың негізінен техникалық тұрғыда жарамды және жұмысқа қабілетті жағдайда, ғарыштық аппараттардың ұшырылымдарын қамтамасыз етуге дайындық жағдайында тұтынылып отырғанын анықтады", - деді М. Ажмолдаев.
"Тараптардың мәмілесіне сәйкес, комиссия жұмысының қорытындысы бойынша анықталған ескертулерді Ресей жағы Қазақстан жағымен келісілген мерзімде жояды", - деді М.Ажмолдаев.
М. Ажмолдаевтың айтуынша, Федералдық ғарыш агенттігінің, Байқоңыр қаласының әкімшілігі мен РФ Қорғаныс министрлігінің кәсіпорындары мен ұйымдарының иелігіндегі "Байқоңыр" кешенінің нысандары мен мүліктерінің пайдаланылу жағдайы мен сақталуын қадағалдау жөніндегі комиссияның негізгі жұмысы 2007 жылдың 26-шы маусымы мен 30 қарашасы аралығында жүзеге асырылды.
М. Ажмолдаевтың атап өткеніндей, пайдаланудағы нысандардың техникалық мүмкіндіктерін арттыру, ғарыштық техниканың жаңа үлгілерін сынауды қамтамасыз ету үшін Ресей жағы ғарыш айлағында жаңалау және жөндеу жұмыстарын одан әрі жүргізуде.
2003 жыл мен 2007 жылдың желтоқсан айы аралығында Байқоңыр ғарыш айлағынан 83 зымыран ұшырылды, оның 10 ұшырылымы РФ Қорғаныс министрлігінің жоспары бойынша, 41 ұшырылымы федералдық ғарыштық бағдарламаның жоспары бойынша, 32 ұшырылым коммерциялық бағдарламалар бойынша жүзеге асырылды.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Білім министрлігі Қазақстан мектептерінде соңғы қоңырау қалай өтетіні туралы мәлімдеме жасады
2023-2024 оқу жылын 3,8 млн-нан астам қазақстандық оқушы аяқтайды, оның 186 мыңы мектеп түлектері, деп хабарлайды ҚР Оқу-ағарту министрлігінің баспасөз қызметі.
Биылғы оқу жылының ұзақтығы 34 аптаны құрайды, оқу 25 мамырда аяқталады.
Су тасқынынан орын алған жағдайға және 25 мамырдың демалыс күніне сәйкес келуіне байланысты 24 мамыр күні барлық мектептерде сабақта 2023-2024 оқу жылының аяқталуына арналған сынып сағаты ұйымдастырылады. Онда сынып жетекшілері оқушылармен бірге өткен оқу жылын қорытындылайды. Су тасқыны болған өңірлердегі сабақ қашықтықтан ұйымдастырылған балалар үшін сынып сағаттары онлайн форматта болады" - деп атап өтті Тәрбие жұмысы және қосымша білім беру департаменті директорының орынбасары Қарлығаш Құрманбекова.
11 (12) сынып түлектеріне аттестат тапсыру және ерекше үлгідегі "Алтын белгімен" марапаттау 12-15 маусым аралығында мектептердегі барлық емтихандар аяқталғаннан кейін өтеді. Айта кетейік, 9-11 сынып түлектерінің қауіпсіздігін және емтихандарға сапалы дайындығын қамтамасыз ету мақсатында ақша жинауға, салтанатты іс-шаралар, банкеттер ұйымдастыруға және автомобильдермен шығуға тыйым салынады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Оқулықтар 100% цифрлық форматқа көшірілді
Бүгінде мектеп оқулықтарының цифрлық форматқа көшірілу көрсеткіші 100%-ды құрайды. Оқулықтар мемлекеттік сараптамадан өтіп, оқу-әдістемелік кешендер тізіміне енгізілді. Цифрлық оқулықтар елімізде 13 баспаның 11 платформасында әзірленуде, деп хабарлайды ҚР Оқу-ағарту министрлігінің баспасөз қызметінен.
Пәндерді оқытуда инновациялық әдіс-тәсілдерді енгізу мақсатында педагогтердің қолдануы үшін әдістемелік ұсыныстар әзірленді. Мұғалімдер сабақтарды заманауи цифрлық технологияларды, онлайн коммуникацияларды, саралау мен даралауды пайдалана отырып өткізеді, сондай-ақ онлайн ресурстарды қолдану бойынша білімдерін жетілдіреді", - деп атап өтті ҚР ОАМ Білім саласында сапаны қамтамасыз ету комитеті төрағасының орынбасары Майра Мелдебекова.
Бұдан басқа, робототехника, STEM, химия, физика, биология пәндері бойынша 1345 заманауи кабинет ашу жұмыстары жүргізілуде. Жыл соңына дейін 20 өңірдегі 1072 мектеп заманауи кабинеттермен жабдықталды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Су тасқынынан аса зардап шеккен өңірлердегі оқушылар ағымдағы емтихандар мен сынақтардан босатылды
Cу тасқынынан аса зардап шеккен өңірлердегі оқушылар ағымдағы емтихандар мен сынақтардан босатылды, деп хабарлайды Оқу-ағарту министрлігінің баспасөз қызметінен.
Атап айтқанда, Атырау мен Ақтөбе облысындағы оқушылар үшін БЖБ мен ТЖБ алынып тасталды. Бұл туралы Республикалық ақпараттық штабта өткен брифингте ҚР ОАМ ресми өкілі Мереке Амангелдіқызы хабарлады.
Білім алушылардың білім жетістіктері мониторингінен Атырау, Ақтөбе, Қостанай және Батыс Қазақстан облыстарынан 28 мектеп босатылды. Алты өңірде мониторинг 15 сәуірден 22 сәуірге ауыстырылды (Ақмола, Атырау, Ақтөбе, СҚО, Қостанай және БҚО). Қалған өңірлерде оқу штаттық режимде жүргізілуде", - деді спикер.
Министрлік оқу процесін ұйымдастыру бойынша жұмыстарды жалғастыруда. Эвакуациялық пункттердегі балаларды орналастыру бойынша жұмыстар жүргізілуде. Бүгінгі таңда 2393 бала оқу процесін ұйымдастырумен бірге орналастырылды: бастауыш сынып оқушылары сауықтыру орталықтарына ата-аналарымен бірге жіберіледі; орта буындағы оқушылар республикалық маңыздағы инновациялық мектеп лицейлердің жатақханаларына орналастырылады ("Дарын", РФММ, БИЛ және НЗМ); жоғарғы сынып оқушылары (9-11 сыныптар) уақытша колледждерге орналастырылады.
Министрлік балаларға қосымша 3182 орын әзірлеп қойды", - деді ведомствоның ресми өкілі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
2024 жылдың соңына дейін мектепке дейінгі ұйымдарда 77 мыңнан астам жаңа орын ашылады
Балаларды мектепке дейінгі тәрбиемен және оқытумен қамтуды арттыру мақсатында Мемлекет басшысының тапсырмасы бойынша 2023-2027 жылдарға арналған мектепке дейінгі ұйымдарды іске қосудың қадамдық жоспары әзірленіп, бекітілді. Биылдың өзінде балабақшаларда 77 мыңнан астам орын ашылады деп жоспарлануда, деп хабарлайды ҚР Оқу-ағарту министрлігінің баспасөз қызметінен.
ҚР Оқу-ағарту министрлігі Мектепке дейінгі білім беру департаменті директорының айтуынша, 2024 жылдың үш айында 8849 орынға арналған 125 мектепке дейінгі ұйым ашылды.
Жаңа орындар ашу - мектепке дейінгі ұйымдарды салу, жұмыс істеп тұрғандарын реконструкциялау және кеңейту, жалпы білім беретін мектептер жанындағы, тұрғын үй кешендерінің бірінші қабаттарындағы шағын орталықтар желісін кеңейту, жекеменшік мектепке дейінгі ұйымдарда мемлекеттік білім беру тапсырысын орналастыру арқылы көзделуде. Соңғы бес жылда балабақшаға жолдама алудың кезектілігі екі есеге төмендетілді. Бүгінгі таңда 2-6 жастағы балаларды қамту 91% құрайды. Биыл бұл көрсеткішті 92,5%-ға жеткізуді жоспарлап отырмыз", - деп атап өтті Манар Адамова.
Сонымен қатар балабақшаларда орындарды бөлу процесінің ашықтығы үшін кезектілікті есепке алудың бірыңғай базасы құрылды. Өтінішті электрондық үкімет порталы, екінші деңгейдегі банктердің мобильді қосымшалары және жергілікті атқарушы органдардың платформалары арқылы беру сияқты бірнеше тәсілдермен жүзеге асыру мүмкіндіктері іске қосылды. Қазір жоба еліміздің төрт өңірінде жүргізілуде.
Жалпы елімізде 11 472 мектепке дейінгі ұйым жұмыс істейді, онда 1 миллионға жуық бала қамтылған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.