БАЙҚОҢЫР. 31 - мамыр. Kazakhstan Today. Маусымда Байқоңыр ғарыш айлағынан екі ұшырылым жоспарланған. Бұл туралы Kazakhstan Today агенттігінің тілшісіне "Байқоңыр" Федеральдық ғарыш орталығының баспасөз қызметінен хабарлады.
Баспасөз қызметінің ақпараттарына сүйенсек, қазіргі уақытта ғарыш айлағында маусымда жоспарланған үш ұшырылымның екеуіне дайындық жұмыстары жүргізілуде.
Баспасөз қызметінен еске сала кеткендей, "Днепр" зымыран тасығышын "TerraSAR-X" ғарыш аппаратымен ұшыру маусымның ортасына жоспарланған, алдын ала белгіленген ұшыру уақыты - 15 маусым. Бұрындары "TerraSAR-X" спутнигін "Днепр" зымыран тасығышының көмегімен ұшыру 2007 жылдың наурызына жоспарланған болатын, бірақ ол үстіміздегі жылдың маусымына ауыстырылды.
"TerraSAR-X" спутнигін Германияның әуеғарыш орталығы (DLR) мен "EADS Astrium GmbH" компаниясы шығарған. "Ғарыш аппараты 514 шақырым биіктіктегі синхронды полярлық орбитада 97,44 градусқа еңкейтіле орнатылады. "TerraSAR-X аппаратының орбитадағы жұмыс мерзімі" шамамен 5 жылға жоспарлануда. Баспасөз қызметінің ақпараттарына сүйенсек, жер серігі жаңаша радармен жабдықталған, ол жер бетінің интерферометрлік суретін түсіруге және Жерге қашықтан тиімді зонд жүргізуге мүмкіндік береді. Сонымен қатар, баспасөз қызметіндегілердің айтуынша, ғарыш айлағынан "теңіздегі ұшырылым" бағдарламасы бойынша ұшырылады. 2006 жылдың қыркүйегінен бастап 42-ші алаңның жөндеу-сынақ корпусында ғарыш айлағының мамандары "Зенит-2М" зымыран тасымалдағашын "Космос" сериялы ресейлік спутнигімен ұшыруға дайындау жұмыстарын жүргізген.
"Зениттің бұл ұшырылымы Байқоңыр ғарыш айлағындағы "Даладағы ұшырылым" бағдарламасы бойынша жуықта жаңартылған ұшыру кешенінде алғаш рет жүргізіледі",- деп хабарлады баспасөз қызметіндегілер. Мамандардың түсіндіруінше, "бұрындары "Зенит" зымыран тасымалдағышы "Теңіздегі ұшырылым" халықаралық бағдарламасы бойынша Тынық мұхитындағы қалқымалы морской платформасынан ұшырылып жүргендіктен, бағдарлама осындай атқа ие болған". "Енді Байқоңыр ғарыш айлағында жерден ұшыруды пайдалануға қайта оралуға шешім қабылданды",- деп атап өтті баспасөз қызметіндегілер.
Зенит-2М" зымыран тасымалдағашын "Космос" ғарыш аппаратымен 45 алаңнан ұшыру екі рет 2006 жылдың желтоқсанына және 2007 жылдың қаңтарына ауыстырылған. Зенит-2М" зымыран тасымалдағашын "Космос" ғарыш аппаратымен ұшыру уақыты әзірше нақты анықталған жоқ, ұшырылым маусымның аяғына жоспарланып отыр.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Маусымда Байқоңыр ғарыш айлағынан екі ұшырылым жоспарланған
тақырып бойынша жаңалықтар
Білім министрлігі Қазақстан мектептерінде соңғы қоңырау қалай өтетіні туралы мәлімдеме жасады
2023-2024 оқу жылын 3,8 млн-нан астам қазақстандық оқушы аяқтайды, оның 186 мыңы мектеп түлектері, деп хабарлайды ҚР Оқу-ағарту министрлігінің баспасөз қызметі.
Биылғы оқу жылының ұзақтығы 34 аптаны құрайды, оқу 25 мамырда аяқталады.
Су тасқынынан орын алған жағдайға және 25 мамырдың демалыс күніне сәйкес келуіне байланысты 24 мамыр күні барлық мектептерде сабақта 2023-2024 оқу жылының аяқталуына арналған сынып сағаты ұйымдастырылады. Онда сынып жетекшілері оқушылармен бірге өткен оқу жылын қорытындылайды. Су тасқыны болған өңірлердегі сабақ қашықтықтан ұйымдастырылған балалар үшін сынып сағаттары онлайн форматта болады" - деп атап өтті Тәрбие жұмысы және қосымша білім беру департаменті директорының орынбасары Қарлығаш Құрманбекова.
11 (12) сынып түлектеріне аттестат тапсыру және ерекше үлгідегі "Алтын белгімен" марапаттау 12-15 маусым аралығында мектептердегі барлық емтихандар аяқталғаннан кейін өтеді. Айта кетейік, 9-11 сынып түлектерінің қауіпсіздігін және емтихандарға сапалы дайындығын қамтамасыз ету мақсатында ақша жинауға, салтанатты іс-шаралар, банкеттер ұйымдастыруға және автомобильдермен шығуға тыйым салынады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Оқулықтар 100% цифрлық форматқа көшірілді
Бүгінде мектеп оқулықтарының цифрлық форматқа көшірілу көрсеткіші 100%-ды құрайды. Оқулықтар мемлекеттік сараптамадан өтіп, оқу-әдістемелік кешендер тізіміне енгізілді. Цифрлық оқулықтар елімізде 13 баспаның 11 платформасында әзірленуде, деп хабарлайды ҚР Оқу-ағарту министрлігінің баспасөз қызметінен.
Пәндерді оқытуда инновациялық әдіс-тәсілдерді енгізу мақсатында педагогтердің қолдануы үшін әдістемелік ұсыныстар әзірленді. Мұғалімдер сабақтарды заманауи цифрлық технологияларды, онлайн коммуникацияларды, саралау мен даралауды пайдалана отырып өткізеді, сондай-ақ онлайн ресурстарды қолдану бойынша білімдерін жетілдіреді", - деп атап өтті ҚР ОАМ Білім саласында сапаны қамтамасыз ету комитеті төрағасының орынбасары Майра Мелдебекова.
Бұдан басқа, робототехника, STEM, химия, физика, биология пәндері бойынша 1345 заманауи кабинет ашу жұмыстары жүргізілуде. Жыл соңына дейін 20 өңірдегі 1072 мектеп заманауи кабинеттермен жабдықталды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Су тасқынынан аса зардап шеккен өңірлердегі оқушылар ағымдағы емтихандар мен сынақтардан босатылды
Cу тасқынынан аса зардап шеккен өңірлердегі оқушылар ағымдағы емтихандар мен сынақтардан босатылды, деп хабарлайды Оқу-ағарту министрлігінің баспасөз қызметінен.
Атап айтқанда, Атырау мен Ақтөбе облысындағы оқушылар үшін БЖБ мен ТЖБ алынып тасталды. Бұл туралы Республикалық ақпараттық штабта өткен брифингте ҚР ОАМ ресми өкілі Мереке Амангелдіқызы хабарлады.
Білім алушылардың білім жетістіктері мониторингінен Атырау, Ақтөбе, Қостанай және Батыс Қазақстан облыстарынан 28 мектеп босатылды. Алты өңірде мониторинг 15 сәуірден 22 сәуірге ауыстырылды (Ақмола, Атырау, Ақтөбе, СҚО, Қостанай және БҚО). Қалған өңірлерде оқу штаттық режимде жүргізілуде", - деді спикер.
Министрлік оқу процесін ұйымдастыру бойынша жұмыстарды жалғастыруда. Эвакуациялық пункттердегі балаларды орналастыру бойынша жұмыстар жүргізілуде. Бүгінгі таңда 2393 бала оқу процесін ұйымдастырумен бірге орналастырылды: бастауыш сынып оқушылары сауықтыру орталықтарына ата-аналарымен бірге жіберіледі; орта буындағы оқушылар республикалық маңыздағы инновациялық мектеп лицейлердің жатақханаларына орналастырылады ("Дарын", РФММ, БИЛ және НЗМ); жоғарғы сынып оқушылары (9-11 сыныптар) уақытша колледждерге орналастырылады.
Министрлік балаларға қосымша 3182 орын әзірлеп қойды", - деді ведомствоның ресми өкілі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
2024 жылдың соңына дейін мектепке дейінгі ұйымдарда 77 мыңнан астам жаңа орын ашылады
Балаларды мектепке дейінгі тәрбиемен және оқытумен қамтуды арттыру мақсатында Мемлекет басшысының тапсырмасы бойынша 2023-2027 жылдарға арналған мектепке дейінгі ұйымдарды іске қосудың қадамдық жоспары әзірленіп, бекітілді. Биылдың өзінде балабақшаларда 77 мыңнан астам орын ашылады деп жоспарлануда, деп хабарлайды ҚР Оқу-ағарту министрлігінің баспасөз қызметінен.
ҚР Оқу-ағарту министрлігі Мектепке дейінгі білім беру департаменті директорының айтуынша, 2024 жылдың үш айында 8849 орынға арналған 125 мектепке дейінгі ұйым ашылды.
Жаңа орындар ашу - мектепке дейінгі ұйымдарды салу, жұмыс істеп тұрғандарын реконструкциялау және кеңейту, жалпы білім беретін мектептер жанындағы, тұрғын үй кешендерінің бірінші қабаттарындағы шағын орталықтар желісін кеңейту, жекеменшік мектепке дейінгі ұйымдарда мемлекеттік білім беру тапсырысын орналастыру арқылы көзделуде. Соңғы бес жылда балабақшаға жолдама алудың кезектілігі екі есеге төмендетілді. Бүгінгі таңда 2-6 жастағы балаларды қамту 91% құрайды. Биыл бұл көрсеткішті 92,5%-ға жеткізуді жоспарлап отырмыз", - деп атап өтті Манар Адамова.
Сонымен қатар балабақшаларда орындарды бөлу процесінің ашықтығы үшін кезектілікті есепке алудың бірыңғай базасы құрылды. Өтінішті электрондық үкімет порталы, екінші деңгейдегі банктердің мобильді қосымшалары және жергілікті атқарушы органдардың платформалары арқылы беру сияқты бірнеше тәсілдермен жүзеге асыру мүмкіндіктері іске қосылды. Қазір жоба еліміздің төрт өңірінде жүргізілуде.
Жалпы елімізде 11 472 мектепке дейінгі ұйым жұмыс істейді, онда 1 миллионға жуық бала қамтылған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.