"Протонның" екінші сатысы құлаған жерде зымыранның сынықтарын жинау және топырақты залалсыздандыру шаралары жалғасуда
"Протонның" екінші сатысы құлаған жерде зымыранның сынықтарын жинау және топырақты залалсыздандыру шаралары жалғасуда.
Астана. 17 қыркүйек. "Қазақстан Бүгін"- "ПротонМ" зымыран тасығышының екінші сатысы құлаған жерде зымыранның сынықтарын жинау және топырақты залалсыздандыру шаралары жалғасуда, деп хабарлайды ҚР Төтенше жағдайлар министрлігі.
""Инфракос-Экос" мемлекеттік кәсіпорнының мамандары "Бриз-М" үдеткіш блогының жоғарғы бөлігі мен ғарыштық аппараттың өтпелі бөлігі құлаған жерде залалсыздандыру шаралары жүргізілетін аумақта қайталап алынған 29 сынаманың он жетісінің қорытындысы шығарылып, 9 сынамада гептилдің шектеулі мүмкін концентрациясы артық болып шыққан", - делінген баспасөз қызметінің хабарламасында.
Министрлік ақпаратына сәйкес, бұл ауданда залалсыздандыру шараларын қайталап өткізуге шешім қабылданды. Баспасөз қызметінің түсініктемесіне сәйкес, "зымыран сынықтары құлаған 119 жерде түгелдей сынықтар жиналып, ауданды ұсақ сынықтардан тазарту жұмыстары жалғасуда".
Сонымен бірге, баспасөз қызметінің мәліметінше, халық пен малдардың ахуалына мониторинг жүргізу жұмыстары одан әрі жалғасуда, ауру белгілері анықталған жоқ.
Сондай-ақ, министрліктің хабарлауынша, 16 қыркүйекте 16 сағатта үкіметтік комиссиялардың біріккен штабының жұмыс кеңесі өткізіліп, оның барысында қорытындыс есепке қол қойылды.
Бұдан бұрын да хабарлағанымыздай, 6 қыркүйекте Байқоңыр ғарыш айлағынан жүзеге асырылған ұшырылым сәтсіздікке ұшырауға байланысты "Протон-М" зымыран тасығышы Қарағанды облысының Ұлытау ауданына, Жезқазғаннан оңтүстік-батысқа қарай 40 шақырым жерге құлаған. Апат болған сәттен бері ҚР Төтенше жағдайлар министрлігінің құрылымдық бөлімшелері, Ұлттық аэроғарыш агенттігі мен Реесй жағы өкілдерінің құрамындағы іздестіру тобы зымыран тасығыш құлаған болуы мүмкін жерлерді он мәрте айнала ұшып қайтты. Ұшу аумағы жалпы алғанда 3500 шақырымға жетті. 1743 шаршы шақырым аумақ тексерілді.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Білім министрлігі Қазақстан мектептерінде соңғы қоңырау қалай өтетіні туралы мәлімдеме жасады
2023-2024 оқу жылын 3,8 млн-нан астам қазақстандық оқушы аяқтайды, оның 186 мыңы мектеп түлектері, деп хабарлайды ҚР Оқу-ағарту министрлігінің баспасөз қызметі.
Биылғы оқу жылының ұзақтығы 34 аптаны құрайды, оқу 25 мамырда аяқталады.
Су тасқынынан орын алған жағдайға және 25 мамырдың демалыс күніне сәйкес келуіне байланысты 24 мамыр күні барлық мектептерде сабақта 2023-2024 оқу жылының аяқталуына арналған сынып сағаты ұйымдастырылады. Онда сынып жетекшілері оқушылармен бірге өткен оқу жылын қорытындылайды. Су тасқыны болған өңірлердегі сабақ қашықтықтан ұйымдастырылған балалар үшін сынып сағаттары онлайн форматта болады" - деп атап өтті Тәрбие жұмысы және қосымша білім беру департаменті директорының орынбасары Қарлығаш Құрманбекова.
11 (12) сынып түлектеріне аттестат тапсыру және ерекше үлгідегі "Алтын белгімен" марапаттау 12-15 маусым аралығында мектептердегі барлық емтихандар аяқталғаннан кейін өтеді. Айта кетейік, 9-11 сынып түлектерінің қауіпсіздігін және емтихандарға сапалы дайындығын қамтамасыз ету мақсатында ақша жинауға, салтанатты іс-шаралар, банкеттер ұйымдастыруға және автомобильдермен шығуға тыйым салынады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Оқулықтар 100% цифрлық форматқа көшірілді
Бүгінде мектеп оқулықтарының цифрлық форматқа көшірілу көрсеткіші 100%-ды құрайды. Оқулықтар мемлекеттік сараптамадан өтіп, оқу-әдістемелік кешендер тізіміне енгізілді. Цифрлық оқулықтар елімізде 13 баспаның 11 платформасында әзірленуде, деп хабарлайды ҚР Оқу-ағарту министрлігінің баспасөз қызметінен.
Пәндерді оқытуда инновациялық әдіс-тәсілдерді енгізу мақсатында педагогтердің қолдануы үшін әдістемелік ұсыныстар әзірленді. Мұғалімдер сабақтарды заманауи цифрлық технологияларды, онлайн коммуникацияларды, саралау мен даралауды пайдалана отырып өткізеді, сондай-ақ онлайн ресурстарды қолдану бойынша білімдерін жетілдіреді", - деп атап өтті ҚР ОАМ Білім саласында сапаны қамтамасыз ету комитеті төрағасының орынбасары Майра Мелдебекова.
Бұдан басқа, робототехника, STEM, химия, физика, биология пәндері бойынша 1345 заманауи кабинет ашу жұмыстары жүргізілуде. Жыл соңына дейін 20 өңірдегі 1072 мектеп заманауи кабинеттермен жабдықталды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Су тасқынынан аса зардап шеккен өңірлердегі оқушылар ағымдағы емтихандар мен сынақтардан босатылды
Cу тасқынынан аса зардап шеккен өңірлердегі оқушылар ағымдағы емтихандар мен сынақтардан босатылды, деп хабарлайды Оқу-ағарту министрлігінің баспасөз қызметінен.
Атап айтқанда, Атырау мен Ақтөбе облысындағы оқушылар үшін БЖБ мен ТЖБ алынып тасталды. Бұл туралы Республикалық ақпараттық штабта өткен брифингте ҚР ОАМ ресми өкілі Мереке Амангелдіқызы хабарлады.
Білім алушылардың білім жетістіктері мониторингінен Атырау, Ақтөбе, Қостанай және Батыс Қазақстан облыстарынан 28 мектеп босатылды. Алты өңірде мониторинг 15 сәуірден 22 сәуірге ауыстырылды (Ақмола, Атырау, Ақтөбе, СҚО, Қостанай және БҚО). Қалған өңірлерде оқу штаттық режимде жүргізілуде", - деді спикер.
Министрлік оқу процесін ұйымдастыру бойынша жұмыстарды жалғастыруда. Эвакуациялық пункттердегі балаларды орналастыру бойынша жұмыстар жүргізілуде. Бүгінгі таңда 2393 бала оқу процесін ұйымдастырумен бірге орналастырылды: бастауыш сынып оқушылары сауықтыру орталықтарына ата-аналарымен бірге жіберіледі; орта буындағы оқушылар республикалық маңыздағы инновациялық мектеп лицейлердің жатақханаларына орналастырылады ("Дарын", РФММ, БИЛ және НЗМ); жоғарғы сынып оқушылары (9-11 сыныптар) уақытша колледждерге орналастырылады.
Министрлік балаларға қосымша 3182 орын әзірлеп қойды", - деді ведомствоның ресми өкілі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
2024 жылдың соңына дейін мектепке дейінгі ұйымдарда 77 мыңнан астам жаңа орын ашылады
Балаларды мектепке дейінгі тәрбиемен және оқытумен қамтуды арттыру мақсатында Мемлекет басшысының тапсырмасы бойынша 2023-2027 жылдарға арналған мектепке дейінгі ұйымдарды іске қосудың қадамдық жоспары әзірленіп, бекітілді. Биылдың өзінде балабақшаларда 77 мыңнан астам орын ашылады деп жоспарлануда, деп хабарлайды ҚР Оқу-ағарту министрлігінің баспасөз қызметінен.
ҚР Оқу-ағарту министрлігі Мектепке дейінгі білім беру департаменті директорының айтуынша, 2024 жылдың үш айында 8849 орынға арналған 125 мектепке дейінгі ұйым ашылды.
Жаңа орындар ашу - мектепке дейінгі ұйымдарды салу, жұмыс істеп тұрғандарын реконструкциялау және кеңейту, жалпы білім беретін мектептер жанындағы, тұрғын үй кешендерінің бірінші қабаттарындағы шағын орталықтар желісін кеңейту, жекеменшік мектепке дейінгі ұйымдарда мемлекеттік білім беру тапсырысын орналастыру арқылы көзделуде. Соңғы бес жылда балабақшаға жолдама алудың кезектілігі екі есеге төмендетілді. Бүгінгі таңда 2-6 жастағы балаларды қамту 91% құрайды. Биыл бұл көрсеткішті 92,5%-ға жеткізуді жоспарлап отырмыз", - деп атап өтті Манар Адамова.
Сонымен қатар балабақшаларда орындарды бөлу процесінің ашықтығы үшін кезектілікті есепке алудың бірыңғай базасы құрылды. Өтінішті электрондық үкімет порталы, екінші деңгейдегі банктердің мобильді қосымшалары және жергілікті атқарушы органдардың платформалары арқылы беру сияқты бірнеше тәсілдермен жүзеге асыру мүмкіндіктері іске қосылды. Қазір жоба еліміздің төрт өңірінде жүргізілуде.
Жалпы елімізде 11 472 мектепке дейінгі ұйым жұмыс істейді, онда 1 миллионға жуық бала қамтылған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.