Система Orphus

Атырау облыстық перинаталдық орталығының басшысы бірқатар сыбайлас жемқорлық қылмыс жасады деп айыпталуда

03.10.2019, 18:48 15661

Алматы. 3 қазан. Kazakhstan Today - Атырау облысының сыбайлас жемқорлыққа қарсы қызметі бірқатар сыбайлас жемқорлық қылмыстар жасады деген күдікпен "Атырау облыстық перинаталдық орталығы" ШЖҚ РМК басшысына қатысты сотқа дейінгі тергеуді бастады.

Ол "Атырау облысы бойынша сот-медициналық сараптама институты" РМҚ басшылығына босанған әйелдің қайтыс болу фактісі бойынша сараптаманың оң қорытындысын бергені үшін 300 мың теңге сомасында пара беруді деген күдікке ілініп отыр.

Аталған лауазымды тұлғаның босанушы әйелдерден қолайлы жағдай жасау үшін бірнеше рет пара алуға қатысы бар-жоғы тексеріліп жатыр.

Бұдан бөлек, осы басшының лауазымдық өкілеттіктерін асыра пайдалану, 1,5 млн. теңге сомасында демеушілік қаражатты өз қажеттіліктеріне (шетелде демалуға) қолдану күдігі бойынша тергеу жүргізілуде.

Көрсетілген қаражат дәрігерлердің біліктілігін арттыруға шетелдік іссапар жолдамасын төлеу үшін жеке компанияның директорынан демеушілік көмек ретінде алынған.

Сот санкциясымен күдікті қамауға алынды. Сотқа дейінгі тергеу жалғасуда.

Күдіктіге қатысты түпкілікті шешімді оның кінәсінің деңгейін анықтау арқылы сот қабылдайтын болады.

Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны