Система Orphus

Қарағандыда "Пандемия кезеңіндегі облыс волонтерлерінің қызметі және тәжірибе алмасу" атты онлайн-коференциясы болып өтті

18.04.2020, 15:20 9613

Қарағанды. 18 сәуір. Kazakhstan Today - 2020 жылдың 17 сәуірінде Қарағанды облысының жастар саясаты мәселелері жөніндегі басқармасының ұйымдастыруымен облыс көлеміндегі белсенді волонтерлердің қатысуымен "Пандемия кезеңіндегі облыс волонтерлерінің қызметі және тәжірибе алмасу" атты онлайн-коференция өткізілді.

Конференция аясында пандемия кезіндегі волонтерлікке қатысты ортақ мәселелер талқыланды, волонтерлік саласындағы тиімді жұмыс тәсілдері ортаға салынып, жаңа волонтерлерді қайырымдылық іс-шараларға тарту, белсенді волонтерлерді марапаттау және олардың қауіпсіздігін қаматамасыз ету мәселелері төңірегінде ойлар, пікір алмастырылды.

Сонымен қатар, іс-шараға өңірлік жастар ресурстық орталықтары, бастамашыл волонтерлық топтар, волонтерлер, кәсіпкерлер қатысты.

Бүгінгі таңда облыс бойынша 1722 волонтер қоғам игілігі үшін қызмет етуде. Қарағанды облысында ағымдағы жылдың 16 наурызынан бастап осы уақытқа дейін волонтерлермен және кәсіпкерлердің жәрдемдесуімен көпбалалы және аз қамтылған отбасыларға, жалғызбасты қарт адамдарға, мүгедектерге және барлық мұқтаж жандарға көмек көрсету бойынша 401 акция өткізілді. Облысымыздың 33198 тұрғынына жалпы сомасы 30 млн теңгеден астам қаражатқа 70 тоннаға жуық азық-түлік пен тұрмысқа қажетті заттар жеткізілді.

Әр өңірде ашылған волонтерлік штабтарға көмекке зәру адамдар түрлі өтінішпен қоңырау шалуда. Негізінен тұрғындар тегін азық-түлік себеттері, дүкеннен азық-түлік жеткізу, дәріханадан дәрі-дәрмек жеткізу, волонтер қатарына қосылу т. б. сұрақтар бойынша хабарласуда.

Сын сағатта волонтерлер қатарынан табылған жастардың еңбегі ерлікке пара-пар. Нағыз патриоттықтың үлгісін танытып жүрген қайырымды жандардың басын қосқан онлайн-конференция біраз түйткілді мәселелердің түйінін шешіп, ортақ бағыт ұстануға септігін тигізді.

Осылайша Қарағанды облысының волонтерлері жаңа технологиялардың мүмкіндігін пайдалана отырып, жұмыстарын жандандыра түсуде.

Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны