ҚР Президенті ерікті медициналық сақтандыру жүйесін іске қосуды тапсырды
Ол денсаулық сақтау саласында біраз реформа жүргізілгенін айтты. Дегенмен, оның жағдайы әлі де мәз емес.
Әрине, жылдар бойы қордаланған түйткілдер бір мезетте шешілмейді. Сондықтан, аса маңызды мәселелерді ретке келтіруге баса мән берген жөн. Соның бірі – қаржыландыру жүйесі. Осы салаға қаржының жеткілікті бөлінбеуі қалыпты жағдайға айналған. Соның кесірінен, жұрт сақтандыру жүйесіне қосылса да, медициналық қызмет толық көлемде көрсетілмей отыр. Бүгінде медициналық көмек мемлекет кепілдік берген және сақтандыру пакеті деп екіге бөлінген. Ашығын айтсақ, мұндай жүйенің тиімділігі төмен. Тіпті, сақтандыру моделі тұрақсыз әрі жүйесіз дамуда. Бұл – үлкен олқылық", - деді Тоқаев.
Мемлекет басшысы ерікті медициналық сақтандыру жүйесін енгізетін уақыт әлдеқашан жеткенін айтты.
Үкіметке денсаулық сақтау саласын және жалпы әлеуметтік саланы қаржыландыру жүйесін қайта қарауды тапсырамын", - деді ол.
Оның айтуынша, медициналық инфрақұрылымды кешенді түрде жақсартуға баса назар аудару керек. Мемлекет пен жекеменшіктің серіктестігін тиімді пайдаланған жөн.
Медицина – инвестиция салуға қолайлы сала. Тек оған дұрыс жағдай жасау қажет.
Мен келесі жылдан бастап ұлттық жобаны жүзеге асыруды тапсырдым. Бұл құжат, ең алдымен, ауыл тұрғындарының сұранысын қанағаттандыруға арналған. Бүгінде еліміздегі 650 елді мекенде емдеу мекемесі жоқ. Алдағы екі жылда бұл ауылдарда медициналық және фельдшерлік-акушерлік бөлімшелер салынып, қажетті құрал-жабдықпен толық қамтамасыз етіледі. Осылайша, мемлекет бір миллионнан астам адамның алғашқы медициналық-санитарлық көмек алуына мүмкіндік жасайды. Ұлттық жоба аясында 32 аудандық аурухана заманға сай жаңарып, енді ауданаралық көпбейінді мекемеге айналады. Онда инсульттен емдеу орталықтары, хирургия, жансақтау және оңалту бөлімдері ашылады. Бұл төрт миллионнан астам адамға көрсетілетін медициналық қызметтің сапасын арттырады", - деді ҚР Президенті.
Сонымен қатар, телемедицина бағыты дамытылады. Сол арқылы шалғайда тұратын халыққа сапалы медициналық қызмет көрсетілетін болады.
Денсаулық сақтау саласы бәсекеге қабілетті болуы үшін дәрігерлер дайындау жүйесін жетілдірген жөн. Медициналық жоғары оқу орындарының жанынан көпбейінді ауруханалар және клиникалар ашылады. Алдағы үш жылда резидентураға бөлінетін грант саны 70 пайызға көбейеді", - деді Тоқаев.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Алматы облысы су тасқыны қаупі бар аймақ деп жарияланды
Сурет: telegram/ortcom.kz
Өңірде ерте көктем шығады және белсенді қар ериді деп болжануда
Алматы. 3 ақпан. KAZAKHSTAN TODAY - Алматы қаласы мен Алматы облысында ақпан және наурыз айларында температура фонының күрт көтерілуі және нөсер жаңбыр кезінде су тасқыны болуы мүмкін, деп хабарлады "Қазгидромет" РМК Гидрология департаментінің директоры Әділ Ахметов өңірлік коммуникациялар қызметінде өткен брифингте.
Әділ Ахметовтың айтуынша, алдын ала болжам бойынша, Алматыда көктем ерте шығады. Наурыздың бірінші онкүндігінде ауа температурасы +2+7°С, күндіз +10+15°С дейін көтеріледі деп күтілуде. Орташа алғанда ауа температурасы климаттық нормадан 1 градусқа жоғары болады деп күтілуде. Алматы қаласы бойынша 2023 жылдың наурыз айына арналған толығырақ болжам 15 ақпанда жарияланады (және он күндік және апталық болжамдармен жаңартылады).
Журналистердің сұрақтарына жауап берген Әділ Ахметов Алматыда ауа толқындарында жылылық сезіліп, ауасының температурасы айтарлықтай көтеріліп келе жатқанын айтты. 1976 жылдан бастап орташа жылдық температура әр 10 жыл сайын шамамен 0,5°С-қа көтерілді. Жылдың барлық айларында температура тұрақты түрде көтеріледі. Температура ең жоғары жылдамдықпен наурызда көтеріледі - 10 жыл сайын 1,3 °С-қа, ал ақпанда - 10 жыл сайын 1,3 °С-қа көтеріледі.
Алматыда да температуралық режим келесідей өзгерістерге байланысты сипатталады:
- температурасы нөлден төмен және айтарлықтай аязды (минус 20 °С төмен) күндер саны азаяды;
- температурасы 30 35 °С жоғары ыстық күндер саны артады.
Наурыз айындағы орташа айлық температураның нормасы - 2,7 ° C, мұндай кезде наурыз айында күннің бірден жылынуы жағымсыз жағдайға жатады. Және дәл осы айда ауа температурасының қатты жоғарылау үрдісі байқалады. Мұндай кезде қыс бойы қордаланған қалың қардың бірден еру қаупі жоғары. Сондай-ақ, Алматыда жылу толқындарының қайталану жиілігі артып келеді, сондықтан қыстың соңы мен көктемнің басында ауа температурасының күр жылынуынан қауіп артады", - деді Қазгидромет өкілі.
Көршілес облыстардағы жағдайға келетін болсақ, спикердің айтуынша, 5 ақпанда Алматы облысында, облыстың таулы аймақтарында жауын-шашын, қар жауады. Таулы және тау бөктеріндегі аудандарда тұман, көктайғақ күтіледі. Оңтүстік-батыстан соғатын жел шығысқа ауысады, облыстың оңтүстігінде екпіні 15-20 м/с.
1 ақпандағы жағдай бойынша Іле Алатауының солтүстік беткейіндегі, Жетісу Алатауының өзен алаптарында ылғал жиналу кезеңіндегі жауын-шашын мөлшері орташа жылдық мәннен 15-21%-ға жоғары, ал Іле Алатауының оңтүстік беткейі мен Кетмен жотасының солтүстік беткейіндегі өзендердің бассейндерінде орташа жылдық мәндер шегінде 15-21%-ға жоғары.
Жетісу Алатауы өзендерінің бассейндеріндегі тау өзендерінің бассейндерінде қар қоры орташа көпжылдық мәннен 39%-ға жоғары, Іле Алатауының солтүстік беткейіндегі, Іле Алатауының оңтүстік беткейіндегі және Кетмен жотасының солтүстік беткейі өзендердің бассейндерінде қар қоры орташа көпжылдық мәндер шегінде.
27 қаңтарда "Қазгидромет" РМК 2023 жылдың 1-10 ақпанына Қазақстанның оңтүстік облыстары үшін ауа райы болжамы бойынша жаңбыр түріндегі жауын-шашын, қардың қарқынды еруі, еріген ағынды сулардың пайда болуы мүмкін екенін ескертті. Қызылорда, Түркістан, Жамбыл, Алматы, Жетісу облыстарындағы өзендерде көктайғақ құбылыстарыныңбаяулайтынын және су деңгейінің көтерілуі мүмкін", - деп жалғастырды сөзін Әділ Ахметов.
30 қаңтарда Қазгидромет 2023 жылдың 1 ақпаны мен 3 ақпаны аралығында Қызылорда, Түркістан қалаларында қардың қарқынды еруі күтіледі. Жамбыл, Алматы және Жетісу облыстарында жаңбыр және бұрқасын түріндегі қатты жауын-шашын болжамына, сондай-ақ температура фонының жоғарылауына байланысты дауылды ескерту жариялады, еріген және еңіс ағынының қалыптасуы, мұз құбылыстарының әлсіреуі және өзендерде су деңгейі көтеріледі деп күтілуде.
Жоғарыда аталған факторларды ескере отырып, ақпан және наурыз айларында температурасының күрт көтерілуі және қатты жаңбыр салдарынан еріген жаңбырлы су тасқыны болуы мүмкін. Алматының оңтүстік жартысында ақпан айында жауатын жауын-шашын мөлшері нормадан жоғары болады деп болжануда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ТМД-да сейсмикаға төзімді құрылыс бағытында бірыңғай нормалар әзірленеді
Тиісті ұлттық нормативтік актілерге талдау жүргізілді
Астана. 3 ақпан. KAZAKHSTAN TODAY - Қазір базалық ұйымның қызметі аясында ТМД-ның мүшелігіне кіретін барлық елге арналып, сейсмикаға төзімді құрылыс саласы бойынша бірыңғай нормаларды әзірлеу қолға алынды. Бұл туралы "Қазақ құрылыс және сәулет ғылыми-зерттеу және жобалау институты" АҚ бас директоры Бегман Құлбаев мәлімдеді, деп хабарлайды ҚР Индустрия және инфрақұрылымдық даму министрлігінің баспасөз қызметі.
Оның айтуынша, тиісті ұлттық нормативтік актілерге талдау жүргізіліп, келесі кезекте мақұлданған бірыңғай нормалар мен олардың ұлттық қосымша құжаттарын әзірлеу міндеті тұр. Осы бірыңғай нормалар ТМД кеңістігінде сейсмикаға төзімді құрылыстың дамуына серпін беріп қана қоймай аталған саланы реттейтін ұлттық заңнамалардағы олқылықтың орнын толтыру тиіс.
Бұған қоса осы амал арқылы біз жас ғалымдардың арасында сейсмикаға төзімді құрылыс ғылымын насихаттау жөніндегі мәселені шешіп келеміз. Қазір университеттермен белсенді байланыс орнатылып, дарынды түлектер мен аспиранттардың дамуына жан-жақты мүмкіндіктер ұсынылып отыр. Білікті әрі қажетті дағдыға ие мамандармен кәсіби қызметкерлердің пулын үздіксіз жасақтау - ғылымға икемделген және жоғары технологиялы сейсмикаға төзімді құрылыс саласын одан әрі дамытудың кепілі", деді Б.Құлбаев.
Индустрия және инфрақұрылымдық даму министрлігінің деректері бойынша, Қазақ құрылыс және сәулет ғылыми-зерттеу және жобалау институтына ТМД Атқару комитетінің делегациясы арнайы келді. Оның құрамында ТМД-ның Бас хатшысы Сергей Лебедев пен аталған ұйымның Экономикалық ынтымақтастық жөніндегі департаментінің директоры Михаил Мыскин болғанын айта кетейік.
2019 жылы институтқа ТМД-ға мүше мемлекеттердің сейсмикаға төзімді құрылыс саласы жөніндегі базалық ұйымы ретінде мәртебесі берілген болатын. Оның негізгі қызметіне жобалау ұйымдары мен ғылыми-зерттеу институттары арасында сейсмикаға төзімді құрылыс саласында тәжірибе алмасып, тиімді ынтымақтастықты нығайтуға қолғабыс ету, нормативтік-техникалық базаны жетілдіріп, ғылыми әрі тәжірибелік-теориялық зерттеулерді жүргізу, сондай-ақ ТМД елдеріндегі ғимараттар мен құрылыстарға тербелісті динамикалық (натуралық) сынақты жүргізу кіреді.
Бұған дейін хабарланғандай, 9 балдық сейсмикалық аймақта орналасқан Алматыда қаланың жоғарғы бөлігіндегі ғимараттардың биіктігін шектеуді көзделіп отыр. Айта кетейік, соңғы кездері Алматы тұрғындары қаланың тығыздау құрылысына шағымдана бастады, бұл коммуникациялар, көлік тұрағындағы қиындықтар, экологиялық проблемалардың шиеленісуіне ғана емес, сонымен қатар су және электр желілерінің шамадан тыс жүктелуіне әкеледі.
Сарапшылардың бағалауы бойынша, Алматыда жойқын жер сілкінісі болған жағдайда ғимараттардың 60%-ы қирауы мүмкін.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыдағы "Оңтүстік" саябағы мемлекеттік меншікке қайтарылды
Сурет: Vecher.kz
Бұрын учаскеде көп қабатты тұрғын үй салу жоспарланған болатын
Астана. 2 ақпан. KAZAKHSTAN TODAY - Алматыда "Оңтүстік" саябағының жер телімін мемлекеттік қажеттілік үшін қайтарып алу рәсімі аяқталды, деп хабарлайды Алматы қаласының әкімдігінің баспасөз қызметі.
Еске салсақ, 2007 жылы Бостандық ауданындағы Си Синхай көшесінің оңтүстігінде, Жароков көшесінің шығысында жер телімі көпқабатты тұрғын үй салу және пайдалану үшін "Turkuaz Invest" ЖШС жеке меншігіне берілген болатын. Кейін учаске "Jusan Property" ЖШС-не берілді.
Алматы әкімі Ерболат Досаевтың Бостандық ауданы тұрғындарымен кездесулерінің бірінде қала тұрғындарымен аталған жер учаскесін мемлекеттік меншікке алу және саябаққа абаттандыру жұмыстарын жүргізу қажеттілігі туралы бастама көтерілген болатын.
2022 жылғы 5 қазанда Алматы қаласы Мамандандырылған ауданаралық экономикалық сотының шешімімен әкімдіктің жер учаскесін мемлекет қажеттілігіне қайтару жөніндегі талабы қанағаттандырылды, өтемақы сомасы 2 338 817 000 теңге мөлшерінде айқындалды. 2022 жылғы 22 желтоқсанда Алматы қалалық соты бірінші сатыдағы соттың шешімін өзгеріссіз қалдырды.
2023 жылғы 13 қаңтарда өтемақы сомасы "Jusan Property" ЖШС-не аударылды.
Қазіргі кезде Алматы қаласының экология және қоршаған орта басқармасы "Оңтүстік" саябағын абаттандыру бойынша жобалау-сметалық құжаттаманы әзірлеу үшін қажетті құжаттарды дайындауда.
Естеріңізге сала кетейік, бұған дейін Алматыда қаланың жаңа бас жоспарының қоғамдық талқылауы өткен болатын. Талқылау нәтижелері бойынша оған тау бөктерін салу бойынша қатаң шектеулер енгізілді. Бас жоспарды талқылау кезінде алматылықтарды ауа сапасы, экология, көлік және нүктелік құрылыс толғандырды.
Сондай-ақ, Алматы әкімдігі Медеу ауданындағы салынған тау беткейіне қосымша сараптама жүргізетіні хабарланды. Естеріңізге сала кетейік, Алматыда 14 мыңға жуық үй заңсыз салынған. Алматының тау бөктеріндегі аудандарының құрылысы ерекше алаңдаушылық туғызады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Сенатор: Цифрлық аутизм - ХХІ ғасырдың дерті
Балалар смартфонды ұзақ ұстауы салдарынан есте сақтау, көру және сөйлеу қабілетінен айырылып жатыр
Астана. 2 ақпан. KAZAKHSTAN TODAY - Ғалымдардың айтуынша, аутизм - "ХХ ғасырдың обасы". Ал цифрлық аутизм - ХХІ ғасырдың дерті. Сенатор Нұртөре Жүсіп өзінің депутаттық сауалында осындай пікір айтты.
Депутат қазіргі таңда бүкіл әлемде, оның ішінде Қазақстанда да "цифрлық аутизм" белгілері байқала бастағанын атап өтті.
Балалар смартфонды ұзақ ұстауы салдарынан есте сақтау, көру және сөйлеу қабілетінен айырылып жатыр. Олардың өз бетінше ойлауы, ұзақ мәтіндерді қабылдауы, айналаға назар аударуы қиынға соғып отыр ", - деді сенатор.
Сенатор гаджетизация мен заманауи технологияға қарсы тұру да дұрыс емес екенін айтты. Депутат осыған байланысты мектептер мен балабақшалардағы ата-аналар комитеттеріне, сондай-ақ салалық үкіметтік емес ұйымдарға киберманияның зияны туралы белсенді түрде айтып беруін ұсынды.
Бұған дейін Премьер-Министрдің орынбасары Ералы Тоғжанов депутаттық сауалға берген жауабында оқытуды компьютерлендіру қазақстандық оқушылардың көру қабілетінің нашарлауына әкеп соқтырғанын айтқан болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Отбасы банк мемлекеттен 116 мың теңге алуға болатындығы туралы ақпаратты жоққа шығарды
Отбасы банк тек банктің ресми көздеріне сенуді сұрайды
Астана. 1 ақпан. KAZAKHSTAN TODAY - Интернет кеңістігінде Отбасы банктің қолдауымен мемлекеттен 116 680 теңге алуға болатындығы туралы жалған ақпарат тарады, деп хабарлайды Отбасы банктің баспасөз қызметі.
Алаяқтар 10 жылдан астам еңбек өтілі бар ҚР әр азаматы Отбасы Банкінің қолданыстағы шоттарына еңбек шегерімін ала алады деп мәлімдейді. Алаяқтар сілтеме арқылы өтіп, WhatsApp-қа "сәлем" сөзін жіберуді сұрайды екен.
Сіздің қауіпсіздігіңіз үшін, күдікті сілтемелер бойынша өтпеуіңізді, жеке деректеріңізді бөліспеуіңізді және тек Банктің ресми ақпарат көздеріне сенуіңізді сұраймыз", - деп хабарлады Отбасы банкінің баспасөз қызметі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
CIS mission to observe parliamentary elections in Kazakhstan
Сурет: https://t.me/KZgovernment
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Иранда зардап шеккендердің арасында ҚР азаматтары жоқ - СІМ
Сурет: gov.kz
Елшілікке мұндай ақпарат түскен жоқ
Астана. 30 қаңтар. KAZAKHSTAN TODAY - ҚР Сыртқы істер министрлігіне Ирандағы жер сілкінісі мен жарылыс кезінде зардап шеккен Қазақстан азаматтары туралы ақпарат түскен жоқ. Бұл туралы ведомствоның ресми өкілі Айбек Смадияров айтты.
Иран билігінің мәліметінше, зардап шеккендер арасында Қазақстан азаматтары жоқ. Елшілікке мұндай ақпарат түскен жоқ", - деді ҚР СІМ ресми өкілі.
Еске салсақ, сенбі күні Иранның солтүстік-батыс 5,9 балдық жер сілкінісі болды. Оқиғаның салдарынан екі адам қаза тауып, 816 адам зардап шеккен.
Сонымен қатар, дәл сол күні Иранның әскери инфрақұрылымдарында бірнеше қуатты жарылыс болды.
Атап айтқанда, Шахид-Салими қаласында қозғалтқыш майын шығаратын ірі зауыт өртенді.
Ұшқышсыз ұшатын аппараттар орталық провинциядағы Исфахан қаласында әскери қойма мен оқ-дәрі өндіретін орталыққа шабуыл жасаған.
Сонымен қатар Иранның батысындағы Дизфуль қаласында авиабазада жарылыс болып, елдің батысындағы Хамадан мен солтүстігіндегі Решт қалаларында өрт болған.
Жергілікті тұрғындардың хабарлауынша, әкімшілік ғимараттарға шабуыл жасалған.
Ақпарат көзі: inform.kz
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.