Адвокаттық қызмет тәуелсіздігіне және азаматтардың білікті заңгерлік көмекті алумен байланысты құқығына қауіп төніп тұр
Адвокаттар адвокаттық қызметтің тәуелсіздігі мен бостандығына қол сұғылып отырғандығына, адвокаттық қызметке берілетін кепілдіктің нашарлап кеткендігіне, демек, елімізде адам құқықтарымен байланысты жағдайдың нашарлап бара жатқандығына жұртшылықтың назарын аудартуға мәжбүр болып отыр.
Алматы. 11 наурыз. Kazakhstan Today - 2020 жылғы 11 наурызда Қазақстан Баспасөз клубында "Адвокаттық қызмет тәуелсіздігіне және азаматтардың білікті заңгерлік көмекті алумен байланысты құқығына қауіп төніп тұр" деген тақырыпта баспасөз мәжілісі өтті.
Адвокаттар адвокаттық қызметтің тәуелсіздігі мен бостандығына қол сұғылып отырғандығына, адвокаттық қызметке берілетін кепілдіктің нашарлап кеткендігіне, демек, елімізде адам құқықтарымен байланысты жағдайдың нашарлап бара жатқандығына жұртшылықтың назарын аудартуға мәжбүр болып отыр.
Кез келген адам қылмыстық қудалауға ұшырап, басқа да заңгерлік қиындықтардың өткелінен өтуге мәжбүр болуы мүмкін, ондай сынақтан өтпесіне ешкімде кепіл жоқ. Осы тұста мемлекет тарапынан болатын қандай да бір қысым мен қауіптен еркін әрі тәуелсіз адвокаттан білікті заңгерлік көмекті алуға мүмкіндіктің болуы сіздің құқықтарыңыздың сақталып, заңның бұзылмауына жол бермейтін басты кепілдік болып табылады.
Адвокаттар өздерінің процессуалдық қарсыластарынан - құқық қорғаушы және басқа да атқарушы билік органдарының әрекеттерінен қазіргі таңда өздерін қорғай алмай отырғандығына қоғамның назарын аудартуға мәжбүр. Мәселен, атап айтқанда, халықаралық стандарттарға сәйкес адвокатқа қатысты тәртіптік өндіріс адвокаттық қызметтің өзі құратын органдардың ғана құзыреттілігіне тиесілі болуы тиіс. Алайда қазіргі таңда Әділет министрлігі адвокаттар қауымдастығының пікірін ескерместен және тәртіптік рәсімдерден өтпестен кез келген адвокатты өмірбақи лицензиясынан айыру туралы талап жібере алады. Өкінішке орай, өзінің белседі құқық қорғаушы ұстанымы арқылы жұртшылыққа танылған адвокаттарды осындай жолмен қудалау оқиғалары орын алуда.
ҚР Парламент Мәжілісінде отырған жекелеген депутаттардың "Адвокаттық қызмет және заңгерлік көмек туралы" ҚР заңына түзетулер енгізу жобасы Қазақстанда адвокаттық қызметті күшейтіп дамытудың орнына, керісінше, азаматтардың білікті заңгерлік көмекті алуға деген құқығын шектеуге әкеліп соғуы мүмкін.
Мәселен, құқық қорғау органдарының тарапынан болатын қудалаулардан адвокаттарды қорғайтын тиімді тетіктерді құрып, адвокаттық құпияны сақтау және адвокаттар қауіпсіздігін қорғау қажеттілігімен айналысудың орнына, депутаттар неліктен екені белгісіз, бірақ заңгерлік ақыл-кеңестерді алып тастаудың қамын ойлап отыр, ал бұл қызметтер адвокаттық қызметті ұйымдастырудың басты үлгісі екені белгілі. Көптеген адвокаттар аймақтық адвокаттар алқасының құрамында заңгерлік ақыл-кеңестерді ұсынғанды жөн көреді. Сондықтан дәл осындай қызмет түрлері арқылы халық мемлекеттің кепілдік берген заңгерлік көмегімен қамтамасыз етіліп, сондай-ақ, кешенді әлеуметтік заңгерлік көмекті көрсету бойынша басты міндет атқарылып отыр. Заңгерлік көмекке мұқтаж азаматтар бірінші кезекте дәл осы заңгерлік ақыл-кеңестерге жүгінетіндігі мәлім.
Заңгерлік ақыл-кеңестерді алып тастайтын болса, азаматтарға білікті заңгерлік көмекті көрсету үшін көптеген жылдар бойы қызмет етіп келе жатқан тетік бір мезетте қиратылып тасталмақ. Осы тұста заң жобасын дайындап отырған депутаттардың пікірінше ескіріп кеткен адвокаттық қызметті ұйымдастыру үлгісіне балама болатын қандай да бір ұсыныс көтеріліп отырған жоқ.
Шындығына келгенде, адам құқықтарының кепілдігін ары қарай жетілдіру, әділ сотты реттейтін заңнаманы демократияландыру және ізгілендірудің орнына, уәкілетті орган бірқатар депутаттар арқылы бейкоммерциялық, тәуелсіз, өзін-өзі басқаратын адвокаттар ұйымының қызметіне кезекті мәрте қол сұғуға әрекет жасап отыр.
Біздің елдегі адвокаттық қызмет мемлекеттің негізсіз араласып қол сұғушылығынан тәуелсіз әрі еркін болуы тиіс. Сондай-ақ, адам құқығы мен сот әділдігі үшін күресіп жүрген адвокаттарды қудалап жатқан уәкілетті органның содыр амал-әрекеттеріне заңнама деңгейінде тоқтау салу қажет.
Баспасөз мәжілісі кезінде спикерлер "Адвокаттық қызмет және заңгерлік көмек туралы" ҚР заңының қабылдануына байланысты, өкінішке орай, соңғы уақыттарда адвокаттарды қудалау оқиғалары жиілеп кеткенін атап өтіп отыр. Шындығына келгенде, бұл әрекеттер адвокатардың сот ісінде азаматтарды белсенді түрде қорғау мүмкіндігіне қауіп төндіріп отыр, ал бұл ақыр соңында азаматтардың сеніп тапсырған құқығын батыл әрі білікті түрде қорғап жүрген адвокаттарды басып жаншып, елімізде азаматтардың өзін қорғап, білікті көмекті алуға деген құқығын күйретіп тастауы мүмкін.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
Алматылық меценаттар жаңа буын жатақханаларын салып жатыр
Алматы әкімі Ерболат Досаев жеке инвестициялар есебінен салынған болашақ ұстаздарға арналған жаңа заманауи студенттер жатақханасына барды, деп хабарлайды Алматы қаласы әкімдігінің баспасөз қызметінен.
1 млрд 350 млн теңгенің жобасын "Karazhal operating", "Rise capital", "Daco Motors KZ", "San tyres", "Pine education", "Kazintel group" және т.б. 50-ден астам компанияны, меценат пен инвесторды біріктірген "Mugalim" қоғамдық бірлестігі жүзеге асырды.
Бұған дейін Алматының Бостандық ауданындағы Жароков және Дунаевский көшелерінің бойындағы осы учаскеде 6 жылдан астам уақыт бойы иесіз қалған қараусыз қалған ғимарат болған. Ауданы 2 мың шаршы метр және жобалық қуаты 200 адамға дейінгі студенттердің жаңа үйі Йель, Оксфорд университеттері сияқты жоғары оқу орындарының жатақханаларының халықаралық стандарты бойынша салынған, мұнда тұратындар үшін коворкинг-орталық, конференц-зал, Study room, шатырдағы үлкен терраса және т.б. барлық жағдай жасалған.
Жатақхана Абай атындағы Қазақ ұлттық педагогикалық университеті, Қазақ ұлттық қыздар педагогикалық университеті, Қазақ ұлттық университеті, С. Демирель атындағы университет және т.б. жоғары оқу орындарының болашақ оқытушы-студенттеріне арналған.
Жаңа заманауи жағдайда жайлы өмір сүру мүмкіндігінің пайда болғанына қуаныштымыз. Мұнда жобалармен жұмыс істеуге, шығармашылықпен айналысуға болатын коворкинг орталығы бар, ол үшін барлық жағдай жасалған. Бұл пәтер жалдауға қалтасы көтермейтін студенттерге таптырмас дүние", - деді Абай атындағы Қазақ ұлттық педагогикалық университетінің студенті Жанерке Тоқтарова.
Сапар барысында Алматы әкімі Ерболат Досаев бұл нысандардың қаланың әлеуметтік инфрақұрылымын жақсарту үшін маңызы зор екенін атап өтті. "Мұғалімдердің мәртебесін көтеру үшін уақыт талабына сай қолайлы жағдай жасау маңызды. Заманау мұғалім тек мұғалім ғана емес, сонымен қатар әдіскер, тәлімгер, тәрбиеші. Қала атынан алғыс айтып, бизнеске, меценаттарға осындай маңызды әлеуметтік жобаларды іске асыруға белсенді қатысуға шақырамын", - деді Е.Досаев.
Mugalim" ҚБ-ның айтуынша, тағы бірнеше білім беру нысанын салу жоспарланған. Жыл соңына дейін Zhibek Dorm қоғамдық бірлестігінің меценаты тағы 100 орындық жатақхана салуды жоспарлап отыр. Сондай-ақ, "Mugalim" ҚБ 110 орындық студенттер үйін (меценат - Yamoto ЖК) және 135 орындық жатақхананы ("Кемел" жеке қоры) жүзеге асыруды жоспарлап отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда тағы күн суытады
Болжам бойынша, сәуірдің соңғы күні мен мамырдың басында ауа температурасы төмендейді деп күтілуде, деп хабарлайды "Zakon.kz "Қазгидромет" РМК сілтеме жасай отырып.
Батыс Ресей облыстарынан соққан антициклонның екпіні солтүстік, шығыс және орталық облыстарда ауа температурасының түнде 0+5°С, аяз -1-6°С, күндіз +5°С дейін төмендеуіне әкеледі. Сондай-ақ, +13°C суық фронт республиканың оңтүстік аймақтарына біртіндеп ауысып, ауа температурасы түнде +2+7°С, аяз -2°С, күндіз. +15+25°C".
Синоптиктер республиканың басым бөлігінде атмосфералық фронтальды бөліктердің өтуімен жауын-шашын күтілетінін атап өтті: 1-2 мамырда еліміздің солтүстігінде, шығысында, оңтүстік-шығысында және орталығында қатты жауын-шашын болады, түнде жауын-шашын болады. жаңбыр қарға айналуы мүмкін.
Елдің оңтүстік-шығысында да найзағай ойнап, бұршақ жаууы мүмкін. Республика бойынша екпінді жел күшейеді, түнде солтүстік және шығыс облыстарда тұман күтіледі".
Бұдан бұрын хабарланғандай, 2024 жылдың 29 сәуірінде Астанада және еліміздің 10 облысында дауылды ескерту жарияланған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда субұрқақтар 1 мамырда іске қосылады
1 мамырда Алматы қаласында 60 субұрқақ іске қосылады. Қала балансында барлығы 66 субұрқақ бар, оның 6-ын қайта жаңғыртуда ("Одуванчик", "Аққу", "Қызғалдақ" субұрқақтары, М. Әуезов Қазақ ұлттық драма театрының алдында Әл-Фараби атындағы ҚазҰУ және ҚР Мемлекеттік мұражайы), деп хабарлайды Алматы қаласы әкімдігінің баспасөз қызметінен.
Алматы - біздің ортақ үйіміз" науқаны аясында субұрқақтардың тостағандары, түптері, қабырғалары тазартылып, гранит плиталарын қалпына келтіру бойынша дайындық жұмыстары жүргізілді. Мамандар субұрқақтардың сәндік элементтерін бояды, электр жабдықтары мен сорғыларына, электр энергиясының инженерлік желілеріне, суық сумен жабдықтауға және кәрізге ревизия жүргізді. Коммуналдық қызметтерді жеткізушілермен сумен жабдықтау және электрмен жабдықтау жүйелері қайта консервацияланды. Дайындық жұмыстары барысында авариялық учаскелер анықталды, қазіргі уақытта инженерлік сумен жабдықтау және электрмен жабдықтау желілерін қалпына келтіру жұмыстары аяқталуда.
Естеріңізге сала кетейік, 8 сәуірден 8 мамырға дейін "Алматы - біздің ортақ үйіміз" науқаны өтіп жатыр, оның аясында қалада және таулар, өзендер мен көлдер аумағында қоқыстардан тазарту, ағаштарды, гүлдер мен бұталарды жаппай отырғызу, ғимараттардың қасбеттерін жуу, шағын сәулет нысандарын, қоршауларды, балалар жән спорт алаңдары жөнделіп, айнала абаттандырылуда.
Әрбір алматылық қаланың тазалығы мен игілігіне үлес қоса алады. Толық ақпарат аlmaty.kz сайтында, Алматы әкімдігінің әлеуметтік желілерінде орналастырылған. Веб-сайтқа қала бойынша орналастырылған баннерлер, постерлер мен афишалардағы арнайы QR-код арқылы кіруге болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда 27 сәуірде жаппай алма ағаштары отырғызылады
«Алматы – бақ қала» акциясы аясында осы жылдың 27 сәуірінде сағат 10.00-ден 13.00-ге дейін «Алматы – біздің ортақ үйіміз» науқанының аясында жасыл желек егумен қатар, жаппай алма ағаштары отырғызылады. 7705 жасыл желек, оның ішінде 4015 жеміс (3855 алма ағашы) және 1090 жапырақты ағаш, 2600 бұта (сәнтал, ырғай, қабыржық, қаржеміс және т.б.) отырғызылады, деп хабарлайды Алматы қаласы әкімдігінің баспасөз қызметінен.
«Алматы - бақ қала» жалпықалалық акциясына қатысуға Алматының барлық тұрғыны мен қонағы шақырылады. Акция барысында шығармашылық байқаулар (таңертеңгілік жаттығу, би флешмобы, йога, викторина, шеберлік дәрісі және т.б.) өткізу көзделген.
Көшет егу жоспарланған негізгі орындар:
- ҮАК бойындағы көшенің солтүстігінде, Жаңа Сайын көшесінің шығысында орналасқан саябақ аумағында 500 жеміс ағашы (алма ағашы – 250 дана, өрік – 250 дана);
- «ALA» саябағының аумағында 2 270 алма көшеті;
- Боралдай өзенінің бойындағы бақылау алаңында 1000 жапырақты ағаш.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда жаңа жағалау салынуда
Сурет: gov.kz
Қарғалы" жобасы: Алматыда өзен жағасында ыңғайлы демалыс аймағы пайда болады, деп хабарлайды Алматы қаласы әкімдігінің баспасөз қызметінен.
Алматы қаласының Наурызбай ауданында "Алматы - біздің ортақ үйіміз" науқаны аясында 7,7 шақырымға созылып жатқан "Қарғалы" өзенінің жағалауы қайта жаңғыртылуда.
Естеріңізге сала кетейік, науқанның үшінші аптасы "Біздің қала - біздің таулар, өзендер мен көлдер" ұраны аясында өтуде. Апта ішінде жағалаулар мен су айдындары, саябақтар, скверлер мен тау бөктері тазартылады.
Қарғалы жобасының мақсаты - бұл аймақтың экожүйесін сақтай отырып, қала тұрғындарының демалуы үшін неғұрлым ыңғайлы әрі тартымды орта жасау.
Мұнда өзен арнасын тазартып, серуендеу аймағын құру жоспарланған. 3 мыңға жуық ағаш отырғызылады. Сондай-ақ көпжылдық гүлдер мен шөптердің гүлзары, қылқан жапырақты және жапырақты ағаштар мен бұталар егіледі. Жалпы ұзындығы 2,7 шақырымға жететін суармалы су құбыры тартылады.
Ұзындығы 4,3 шақырым болатын 196 жарық бағанасы орнатылады. Келушілердің жайлылығы үшін 135 орындық пен қоқыс жәшігіне қою жоспарда бар.
Жобаның маңызды бөлігі сол, балалар мен спорт алаңдары, жаяу жүру жолдары мен өзен жағасында демалу мүмкіндігі бар жаңа қоғамдық кеңістік құру. Әткеншек, сырғанақ және өрмелеу сияқты ашық ойын элементтері балалардың моторикасы мен физикалық белсенділігін арттырады. Балаларға арналған құмсалғыштар мен су аймақтарын, сондай-ақ ата-аналарға арналған орындықтары мен үстелдері бар демалыс аймағын құру жоспарлануда.
Түрлі ерекшелігі бар балалар үшін де ойын алаңдарында инклюзивті элементтер қойылатындығын атап өткен жөн.
Көпір жолын қайта құрып, жаяу жүргіншілер мен велосипедшілерге қауіпсіздік пен қолжетімділік қамтамасыз етілмек. Тротуарлар мен велосипед жолдарын орнату қарастырылған.
Бұл жоба "Қарғалы" өзенінің жағалауын қала шетіндегі бірегей табиғи саябаққа айналдырады. Құрылыс жұмыстарын 2024 жылдың қараша айына дейін аяқтау жоспарда бар.
Алматы - біздің ортақ үйіміз" науқаны туралы барлық ақпарат https://www.almaty.kz/ сайтында, Алматы әкімдігінің әлеуметтік желілерінде орналастырылған. Сондай-ақ, веб-сайтқа қала бойынша баннерлерде, плакаттарда арнайы орналастырылған QR-код арқылы да кіруге болады.
Әлеуметтік медиа науқанының белсенді қатысушыларына арналған хэштегтер:
#АлматыНашОбщийДом, #НасМногоГородОдин, #АлматыБіздіңОртақҮйіміз, #БізКөппізҚалажалғыз.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.