Система Orphus

Алматыда алғашқы қолжетімді тұрғын үйдің құрылысы басталды

27.09.2012, 14:29 827

Алматы. 27-қыркүйек. Kazakhstan Today - Алматыда "Қолжетімді баспана-2020" бағдарламасы аясындағы алғашқы жаңа үйлер тұрғызыла бастады, деп хабарлайды Kazakhstan Today агенттігінің тілшісі.

Жобаны "Самұрық-Қазына" жылжымайтын мүлік қоры" АҚ қаржыландырады.

Аталған қор баспасөз қызметінің хабарлауынша, бірінші кезектегі тұрғын үй - Алматы қаламаңы аумағындағы келешегі кемел өңірде орналасқан "Асыл Арман" тұрғын үй кешені 2012 жылдың 28 қыркүйегінде таныстырылады.

"Асыл Арман" ТК-дегі пәтер саны - 2 376, аталған кешен жайлылығы 3- санаттағы тоғызқабатты 9 үйден тұрады. Пәтерлер энергия үнемдейтін технологиялар қолданыла отырып, жақсартылған күйде таза әрленеді. Жобада тұрғындардың автокөліктеріне арналған жалпыға қолжетімді 2 мыңнан астам тұрақ орны көзделген, оның шығындары жайластырудың сметалық құнына енгізілген. Құрылыстың жалпы құны - 17 млрд. 800 млн. теңге.

Жобаны инвестициялау шартына 2012 жылғы 4 қыркүйекте қол қойылды. "Жылжымайтын мүлік қоры пәтерлерді екі жолмен - тікелей сату және жалға бере отырып сату тәсілі арқылы өткізетінін естеріңізге сала кетейік. Өтінімдер жаңа үйлер пайдалануға берілерден 3 ай бұрын Интернет арқылы берілетін болады.

Тікелей сатылатын пәтердің шаршы метрі 180 мың теңгеден аспайды, ал жалдау арқылы сатып алу кезінде - 1 ш.м. құны 1600 теңгеден аспайды", - делінген хабарламада.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны