Алматы әуежайы штаттық режимде жұмыс істейді

350 мыңнан астам қазақстандық құмар ойындарынан зардап шегуде

20.05.2022, 17:33 13501

Сурет: Depositphotos

НҰР-СҰЛТАН. 20 МАМЫР - Қазақстан жастары конгресінің атқарушы директоры Тоқтар Болысов микрокредит беру жасын 21-ге дейін көтеруді ұсынды.

Бүгін сенатта "Жаңа Қазақстан: жастар және жаңғыру" тақырыбында өткен парламенттік тыңдаулар кезінде конгресс басшысы маңызды мәселені көтерді. Оның айтуынша, елімізде лудомания лудомания (құмар ойындарға тәуелді болу. - Ескерт. KAZAKHSTAN TODAY) проблемасы ушығып барады, құмар ойындарға тәуелді жастардың саны көбейді.

Қазірдің өзінде, шамамен, 350 мың қазақстандық құмар ойын құрсауынан шыға алмай жүр. Олардың басым бөлігі – жасөспірімдер.

Мысалы, студенттер ойнаймын деп, микрокредит ұйымдарынан шағын несие алады. Бірақ артынан тәуелді болып кетеді. Ал қарызды ата-анасы төлейді. Осыған байланысты біз микрокредиттерді беру жасын 18-ден 21-ге дейін көтеруді сұраймыз", - дейді Болысов.

Бұған дейін жарияланған статистикаға сәйкес, қазақстандықтардың 70 проценттен астамы 25-45 жасында алғаш рет кредит рәсімдейді. Соңғы кезде халық тұрмыстық заттарға ғана емес, тамақ пен киімге де кредит ала бастады. Баласын мектепке дайындау үшін қарыз рәсімдейтін ата-аналар да аз емес.

Ақпарат көзі: sputnik.kz

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

"Отбасы Банктің" жеңілдетілген ипотекасы Қазақстанның барлық өңірлерінде қолжетімді болады - Тоғжанов

20.05.2022, 17:22 13976

НҰР-СҰЛТАН. 20 МАМЫР - "Отбасы банктің" жеңілдетілген ипотекасы бағдарламасы 2025 жылға дейін бүкіл Қазақстан бойынша кеңейтіледі. Бұл туралы "Жаңа Қазақстан: жастар және жаңғыру" атты парламенттік тыңдау барысында вице-премьер Ералы Тоғжанов мәлімдеді.

Оның айтуынша, "Ұлттық рухани жаңғыру" ұлттық жобасында барлық тұрғын үй құрылысы бағдарламасы аясында жас отбасылар үшін 25% квота енгізу көзделген.

2025 жылға дейін барлық өңірде әкімдіктермен бірлесіп "Отбасы банктің жеңілдетілген ипотекасы бағдарламасын іске қосу жоспарланып отыр. Қазіргі таңда жастарға арналған өңірлік тұрғын үй бағдарламалары үш қалада – Нұр-Сұлтан, Алматы және Шымкентте жүзеге асырылады. Жыл соңына дейін осындай бағдарламаларды басқа өңірлерде де іске қосу жоспарда бар", - деді Үкімет басшысының орынбасары.

Тоғжанов 2019 жылдан бері жұмыс істейтін жастарға 7000 арендалық баспана берілгенін атап өтті. 2025 жылға дейін тағы 12 мың пәтер беру жоспарланған.

Жыл соңына дейін арендалық тұрғын үй беру ережесіне өзгеріс енгізіледі. Дәлірек айтқанда, жастар үшін ай сайынғы табысты растау талабы 40 АЕК-тен 25 АЕК-ке дейін (127 200 теңгеден 79 500 теңгеге дейін) төмендетіледі. Вице-премьердің пікірінше, бұл жастардың арендалық үй алуға деген мүмкіндігін әжептәуір кеңейтеді.

Бұған қоса, үкімет 2025 жылға қарай "Отбасы банктің" жинақтаушы депозиттерінің санын 500 мыңнан (250 млрд теңге) 800 мыңға дейін жеткізуді жоспарлап отыр.

Ақпарат көзі: sputnik.kz

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Смайылов: Импортты алмастыру – бұл қазақстандық өндірушілер үшін үлкен мүмкіндік

20.05.2022, 17:10 14236

Сурет: primeminister.kz

НҰР-СҰЛТАН. 20 МАМЫР - ҚР Премьер-Министрі Әлихан Смайылов бүгін Нұр-Сұлтан қаласында ашылған қазақстандық өндірушілердің жыл сайын өтетін VI Ulttyq Onim көрмесіне барып, құттықтау сөз сөйледі, деп хабарлайды KAZAKHSTAN TODAY ҚР Премьер-Министрінің баспасөз қызметіне сілтеме жасап.

Үкімет басшысының айтуынша, импортты алмастыру – кәсіпкерлер үшін даму әлеуеті зор бағыттардың бірі, тек өңдеу өнеркәсібіндегі импорттың үлесі өткен жылы $38 млрд-ты құрады.

Бұл біздің отандық өндірушілерге өз ісін дамытуға және жаңа тауарлардың өндірісіне инвестициялар бағыттау үшін үлкен мүмкіндік береді. Бүгінде Үкімет 717 инвестициялық жобаның пулын құрды, олардың 286-сы – 9,9 трлн теңге сомасына импортты алмастыратын жобалар", — деді Әлихан Смайылов.

Үкімет басшысы 2022 жылы жалпы құны 1,7 трлн теңге болатын 165 жобаны іске асыру жоспарланғанын атап өтті. Осындай әр жобаның айналасында шағын және орта бизнес компанияларының белдеуі дамитын болады.

Сондай-ақ бизнеске әкімшілік жүктемені төмендетуге мүмкіндік беретін Кәсіпкерлік саласындағы реттеушілік саясат жөніндегі заң қабылданды.

Үкімет бизнес жүргізу және нарықтағы монополияларды жою үшін бәсекелестік аясын кеңейту жұмыстарын жалғастырып жатыр. Отандық компаниялардың квазимемлекеттік сектордың сатып алуына қол жеткізуді жеңілдету бағытында белсенді жұмыс жүргізуде", - деді Смайылов.

Ол Мемлекет басшысы жариялаған билік пен бизнестің сындарлы өзара іс-қимылы әлеуметтік-экономикалық тұрақтылықтың негізін құрайтынын айтты.

Еске сала кетейік, Қасым-Жомарт Тоқаев кеше Ақордада қазақстандық бизнесмендермен кездесу өткізіп, онда бизнесті артық тексерулерден қорғау шараларын айтқан болатын.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

1 қыркүйектен бастап қазақстандық мектептерде жаңа пән пайда болады

20.05.2022, 16:59 14426

Сурет: Depositphotos

НҰР-СҰЛТАН. 20 МАМЫР - Премьер-Министрдің орынбасары Ералы Тоғжанов 1-қыркүйектен бастап Қазақстан мектептерінде жаңа пән пайда болатынын жеткізді.

Вице-премьер жас ұрпақты еңбекке баулудың маңызын атап өтті.

Жаңа оқу жылында бірінші сыныптан бастап "Еңбекке баулу" пәні енгізіледі. Жоба мектептер жанынан жылыжайлар ашуды көздейді. Қазірдің өзінде мектептердің 7 пайызға жуығы бұл тәжірибеден өтті. Сонымен қатар, биылдан бастап мектептерде педагог-кәсіптік бағдар беруші болады, ол оқушының болашақ мамандығын таңдауға көмектеседі", - деді ол.

Бұған дейін қаңтар айынан бастап қазақстандық мектептерде бірінші сынып оқушылары үшін "цифрлық сауаттылық" пәні енгізілгені жарияланған.

Ақпарат көзі: tengrinews.kz

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Тоқаевқа экологиялық мәселелерді шешу туралы баяндалды

20.05.2022, 16:51 14571

НҰР-СҰЛТАН. 20 МАМЫР - Президент Қасым-Жомарт Тоқаевқа Экология, геология және табиғи ресурстар министрлігінің биылғы бірінші тоқсанда атқарған қызметінің негізгі қорытындылары және алдағы кезеңге арналған жоспары жөнінде ведомство басшысы Серікқали Брекешев есеп берді, деп хабарлайды KAZAKHSTAN TODAY Ақорданың баспасөз қызметіне сілтеме жасап.

Атап айтқанда, министр еліміздің экологиялық ахуалын жақсарту үшін қабылданып жатқан шаралар туралы баяндады. Оның айтуынша, жаңа Экологиялық кодекстің нормаларына сәйкес 83 ірі компанияға технологиялық аудит жүргізілген. Бұл олардың 2025 жылға дейін жаңа технологияға көшуге дайындығын бағалауға мүмкіндік берді", - деп хабарлайды Ақорда.

Қасым-Жомарт Тоқаевқа "Жасыл Қазақстан" ұлттық жобасы мен экологиялық проблемаларды шешуге бағытталған өңірлік Жол карталарының жүзеге асырылу барысы таныстырылды. Сонымен қатар Мемлекет басшысына геологиялық саланың жағдайы мен Ұлттық геологиялық қызметті құру жұмыстары туралы баяндалды.

Бұдан бөлек Президентке су шаруашылығы инфрақұрылымының ахуалы, вегетациялық кезеңді өткізу, жаңа Су кодексі, сондай-ақ орман шаруашылығы мен жануарлар әлемінің жай-күйі жөнінде ақпарат берілді.

Кездесу соңында Мемлекет басшысы министрлікке экологиялық мәселелерді шешу, су шаруашылығы инфрақұрылымын жақсарту және геологиялық саланы дамыту жөнінде бірқатар нақты міндет жүктеді.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Алматылық дәрігерлер апалы-сіңілі қыздардың жүрегіне күрделі ота жасады

20.05.2022, 16:12 14816

Сурет: Almaty.tv

АЛМАТЫ. 20 МАМЫР - Алматыда апалы-сіңілі қыздарға күрделі ота жасалды. Қазір бүлдіршіндердің жағдайы жақсы.

Жүректеріне бірдей диагноз қойылған бір отбасының екі баласына алматылық дәрігерлер күрделі ота жасады.

Апалы-сіңілі бүлдіршіндер Қызылорда қаласынан келген. Ақ халаттылар қыздардың жүрегіне миниинвазивті, яғни операцияның бірегей жаңа әдісін қолданып, отаны сәтті аяқтаған. Дәрігерлер бүгінде балаларға жасалатын мұндай оталардың артқанын алға тартады.

Қызылордалық Айнұр Нұрымованың қыздарының бірі - үш жарымда, енді бірі - екіде. Екеуінің де жүректеріне туа бітті ашық артериалды өзек деген диагноз қойылған. Яғни жүректерінде тесік бар депті. Кейін бітеліп кетеді делінгенімен біраз уақыт өткенде қыздары пневмониямен қайта-қайта ауыра берген.

Пульмонологтар кардиохирургтың кеңесінен өтіңіз деді, сосын диагнозды білдік. Зерттей келе 2-қызымды да тексертім, жүректегі тесік бітелмеген екен. Негізі бала шақалақ кезінде бітеліп кетуі керек. Екеуіне ота жасатайық деп шештік", – деді Қызылорда қаласының тұрғыны Айнұр Нұрымова.

Мұндай отаны елімізде Нұр-Сұлтаннан бөлек Алматыдағы Перинатология және балалар кардиохирургиясы орталығында да жасайды. Орталықтағы дәрігерлер бірегей операцияны денеге зақым келтірмей жабық түрде сәтті жасап шыққан. Мұнда 150-ден астам балаға ота жасалып, 100-ден аса сәбидің жүрегі емделеді. Орталыққа Алматы тұрғындарынан бөлек өзге де өңірдің балалары келеді екен. Қазір бүлдіршіндердің жағдайы жақсы. Бірер күнде үйге шығарылады. Дәрігерлер сәбидің жүрегінің тесік болып туылуына тұқым қуалаушылық, әйелдердің жүкті екенін білмей дәрілер ішуі, флюография сияқты зерттеулерден өтіп қоюы әсер етіп жатады дейді.

Жиі жасалады қазіргі кезде. Жылдан жылға миниинвазивті жасалатын отаның саны көбеюде. Сыртқы ортаның әсері, аналардың аяғы ауыр кезінде вирустық аурумен ауруы іштегі баланың дамуына әсер етіп жатыр", – деді Перинатология және балалар кардиохирургиясы орталығының кардиохирургі Ерлан Бейсенбаев.

Медицина мамандары жүрегінде саңылауы бар балалар көбіне вирустық инфекцияға көп шалдығатынын айтады. Өкпесіне көп күш түсетіндіктен тез суық тиіп, бронхит сияқты дертке ұласып кетеді екен. Сондықтан дәрігерлер егер балалар өкпе ауруларымен көп сырқаттана берсе, онда кардиологқа көрінген жөн екенін ескертеді.

Ақпарат көзі: almaty.tv

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Қазақстанда бір тәулік ішінде COVID-19-дың 16 жаңа жағдайы тіркелді

20.05.2022, 16:06 15086

Сурет: pexels.com

НҰР-СҰЛТАН. 20 МАМЫР - Қазақстанда өткен тәулікте ПТР-тестінің (КВИ+) оң нәтижесімен коронавирус ауруының 16 жаңа жағдайы тіркелді, пандемия басталғаннан бері барлығы - 1 305 683 жағдай, деп хабарлайды KAZAKHSTAN TODAY.

Денсаулық сақтау министрлігінің мәліметінше, 18 мамырда елде коронавирус (КВИ -) белгілері бар пневмонияның 10 жағдайы тіркелді.

Өлім жағдайлары тіркелген жоқ.

20 мамырға КВИ-ден 151 адам (92 КВИ+ және 59 КВИ -) ем алуды жалғастыруда, оның ішінде:

- стационарларда - 56 пациент бар;

- амбулаториялық деңгейде - 95 пациент.

КВИ+ және КВИ- науқастарының ішінде:

- ауыр халде – 8 пациент,

- аса ауыр халде – 0 пациент,

- ӨЖЖ аппаратында – 1 пациент бар.

2022 жылғы 20 мамырдағы жағдай бойынша, Қазақстанда коронавирустық инфекцияға қарсы 1-ші компонентпен 9 496 050 адам, 2-ші компонентпен - 9 267 945 адам вакцинацияланды. Ревакцинациялаудан өткен - 4 251 535 адам.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Маңғыстау облысында өлі итбалықтар тағы табылды

19.05.2022, 15:20 19366

Сурет: lada.kz

АҚТАУ. 19 МАМЫР - Форт-Шевченко орталық жағалауынан өлі итбалықтар табылды.

Жергілікті тұрғын Ғалияның айтуынша, 18 мамырда Форт-Шевченко жағалауында баламен серуендеп жүрген кезде 2 өлі итбалықты байқаған, деп хабарлайды lada.kz.

Әрі қарай жүрсек, тағы да өлі итбалықтар болуы мүмкін, өйткені алыстан құстар бірдеңе шұқып жатқанын көрдім", - дейді Ғалия.

Түпқараған аудандық әкімдігінің қызметкері қазір өлі итбалықтарды жинау және өлім себептерін анықтау бойынша жұмыстар жүргізіліп жатқанын айтты.

Еске салайық, бұл Каспийдегі итбалықтар қырылып жатқан алғашқы жағдай емес. Бұған дейін мамандар Форт-Шевченко теңіз порты аумағынан 64 итбалық тапқан болатын.

26 сәуірден бері Каспий жағалауында өлі итбалықтар табылып жатыр.

Ақпарат көзі: tengrinews.kz

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Алматы әуежайы штаттық режимде жұмыс істейді

тақырып бойынша жаңалықтар

Ең көп оқылғаны