Система Orphus

Апатқа ұшыраған Ми-8 тікұшағының әскери қызметшілері "Жауынгерлік ерлігі үшін" медальдарымен марапатталды

09.05.2019, 15:27 8074

Нұр-Сұлтан. 9 мамыр. Kazakhstan Today - Елбасы - ҚР ҚК Жоғарғы Бас қолбасшысының Жарлығымен әскери және қызметтік борышты үлгілі орындағаны, Ми-8 тікұшағының апатқа ұшырауы кезінде қаза тапқан әскери қызметшілердің ерліктері мен жанқиярлықтары үшін олар қаза болғаннан кейін "Жауынгерлік ерлігі үшін" медальдарымен марапатталды.

Майор Роман Костыгов, майор Тимур Құдайбердиев, майор Данияр Қоңырбай, майор Сабыр Тоқбаев, капитан Сырым Мәсәлім, лейтенант Аслан Айтбаев, 3-сыныпты сержант Қайрат Нұрсапанов, аға сержант Мұрат Шәріпов, кіші сержант Асхат Әбділманат, ефрейтор Айдын Әбділдинов, ефрейтор Қуаныш Сарқытбаев, ефрейтор Өмірхан Қауқаев, ефрейтор Мирас Жұматаев қаза болғаннан кейін мемлекеттік наградаларға ие болды.

Отан қорғаушы және Ұлы Жеңіс күні қарсаңында медальдар қаза болған жауынгерлердің туған-туысқандарына табыс етілді.

Әскери қызметшілердің қаза болуы - бұл олардың туған-туысқандары үшін ғана емес, сонымен бірге Қазақстанның бүкіл армиясы үшін орны толмас қайғы-қасірет екенін айта кетейік. Олар ақтық демдері таусылғанша өз әскери борыштарын адал орындады, деп хабарлайды ҚР Қорғаныс министрлігі.

Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны