Система Orphus

Еліміздегі әйелдердің құқықтары мен мүмкіндіктерін арттыру мәселелерін талқыланды

03.08.2019, 00:12 8614

Нұр-Сұлтан. 3 тамыз. Kazakhstan Today - Мемлекеттік қызмет істері агенттігінде МҚІА төрайымы Анар Жаилғанова БҰҰ құрылымының өкілдерімен Қазақстандағы гендерлік теңдік, әйелдердің құқықтары мен мүмкіндіктерін арттыру мәселелері бойынша кездесуі өткізді.

Кездесуде гендерлік теңгерімге қол жеткізу және елдің саяси, экономикалық және әлеуметтік өміріне әйелдердің белсене қатысуы үшін тең мүмкіндіктер тудыру мәселелері талқыланды.

Анар Жаилғанова елімізде гендерлік-бағдарланған кадрлық саясат жүргізіліп жатқандығы, барлық деңгейде қызмет бойынша алға жылжу үшін тең бастапқы мүмкіндіктер жасалғанын, стереотиптерді еңсеру мақсатында гендерлік ағарту іске асырылатынын атап өтті.

"Елбасы саясатын жүзеге асыруды жалғастыра отырып, Мемлекет басшысы өзінің "Игілік баршаға! Сабақтастық. Әділдік. Өрлеу" сайлауалды бағдарламасында әйелдердің еңбек құқықтарын қорғауды қамтамасыз ету, гендерлік белгісі бойынша кемсітушілікке жол бермеу, жұмыспен қамтудың икемді нысандарын енгізу, сондай-ақ олардың барлық деңгейлерде және корпоративтік секторда мемлекетті басқаруға қатысуын кеңейту маңыздылығын атап өтті.

Қазіргі таңда әйелдер шешім қабылдаудың жоғары деңгейінде - Парламент депутаттары, Үкімет мүшелері, Конституциялық Кеңес пен Орталық сайлау комиссиясы, өңірлердегі әкімдердің орынбасарлары лауазымдарында және мемлекеттік басқарудың барлық сатыларында қызмет атқарады", - деп атап өтті Төраға.

Өз кезегінде Қазақстандағы "БҰҰ - Әйелдер" құрылымының өкілі Илейн Конкиевич ханым Қазақстандағы "БҰҰ-әйелдер" құрылымының ағымдағы жобалары, оларды іске асыру барысы туралы ақпаратты ұсынды.

Оның айтуынша, Президент Қасым-Жомарт Тоқаев мемлекеттік жұмыспен қамту саясатының басты бағыттарының бірі ретінде гендерлік теңдікті нығайтуды айқындағаны қуанышты.

Илейн Конкиевич олардың жыныстық тиістілігіне қарамастан, азаматтардың ресурстары мен мүмкіндіктеріне тең қол жеткізуді қамтамасыз етудің бірлескен шараларын қабылдау қажеттілігін атап өтті.

Айталық, Илейн Конкиевич ханым адам құқықтары мен заңның үстемдігі, гендерлік мәселелер, демократиялық институттарды дамыту, қайшылықтарды реттеу және превентивті дипломатия саласында 25 жылдан астам жұмыс тәжірибесі бар халықаралық даму саласындағы тәжірибелі маман болып табылады.

МҚІА Төрағасы кездесуге қатысушыларды гендерлік теңдікті қамтамасыз ету бойынша Агенттік қабылдап жатқан шаралар туралы хабардар етті.

"Агенттік әйелдерді көшбасшылық қасиеттерге оқыту бойынша шаралар қабылдауда, декреттен жұмысқа шығу, қашықтан жұмыс мүмкіндіктері қарастырылуда, жұмыс уақытының икемді кестесі енгізілді, әкелер үшін баланы күту бойынша демалыстарды дәріптеуге жеке назар аударылуда", - деп атап өтті А.Жаилғанова.

Тараптар мақсаттарды, міндеттерді және мақсатты индикаторларға қол жеткізуді айқындай отырып, мемлекеттік басқару жүйесінде әйелдер және ерлер үшін тең құқықтар мен мүмкіндіктерді қамтамасыз ету мәселелері бойынша белсенді ынтымақтастық туралы келісті.

Анықтамалық ақпарат:

2019 жылғы 1 қаңтардағы жағдай бойынша елдегі мемлекеттік қызметшілер арасында әйелдердің үлесі нақты санның 55,4 % құрады.

Сонымен бірге мемлекеттік қызметте басқарушы лауазымдарда жұмыс істейтін әйелдердің үлесі - 39,8 %

Әйелдердің басшылық лауазымдарға қатысуы келесі түрде ұсынылған: өңір әкімдері орынбасарларының ішінде әйелдердің үлесі 10,7%, қалалар мен аудан әкімдерінің - 1,5%, комитет төрағаларының орынбасарлары мен орталық мемлекеттік органдар департаменттерінің директорларының - 30,4%, орталық мемлекеттік органдардың аумақтық бөлімшелерінің басшыларының - 14,2%, облыстық департаменттер басшыларының - 17,6%, қала және аудан әкімдері орынбасарларының - 15,4% құрайды.

Агенттік мемлекеттік қызметке орналасу үшін тең мүмкіндіктер жасаудың маңызды шарты болып табылатын конкурстық рәсімдердің ашықтығын қамтамасыз ету бойынша шаралар қабылдауда.

2018 жылы "Б" корпусының әкімшілік лауазымына орналасуға арналған конкурстарға қатысушылардың жалпы санының 48,1% -ын әйелдер құрады.

"Б" корпусының мемлекеттік әкімшілік лауазымына алғаш тағайындалған мемлекеттік қызметшілердің біліктілігін арттыру курстарының оқу жоспарларына "Мемлекеттік басқару жүйесіндегі гендерлік аспектілер" атты пән енгізілді. Курстарда қоғамдық өмірдің әртүрлі салаларындағы ерлер мен әйелдердің теңдігіне бағытталған мемлекеттік және қоғамдық қызметтің өзекті мәселелер қарастырылады.

Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны