АСТАНА. 10-шілде. Kazakhstan Today. ҚР Туризм және спорт министрлігі Маңғыстау облысында "Ақтау сити" аумағында ойын бизнесін жүргізу мүмкіндігін қарастыруды сұрады. Бүгін өткен үкіметтің отырысында туризм және спорт министрі Темірхан Досмұханбетов осындай ұсыныс білдірді, деп хабарлайды Kazakhstan Today тілшісі.
"Осы орайда инвестициялық тартымдылықты арттыру мақсатында "Ақтау сити" аумағында ойын бизнесін жүргізу мүмкіндігін қарастыру жөніндегі инвесторлардың өтінішін үкімет басшысына жеткізе кеткім келеді. Бұл көп функциялы әмбебап туристік кластер құруға және ұлттық туристік өнімдердің бәсекелік қабілетін көтеруге, ішкі және сыртқы туристік ағында арттыруға септігін тигізеді",- деді Т. Досмұхамбетов.
Ол Маңғыстау облысында туристік кластер құрып дамыту мәселесі дәйектеліп, министрлікпен бірлесе отырып "Ақтау сити" аумағында жағалауда туризмді дамытудың мастар-жоспары жасалып жатқанын" еске сала кетті.
Министрдің айтуынша, "Ақтау-Сити" - "таза коммерциялық жоба, оған мемлекет бір тиын да жұмсап отырған жоқ". "Ондағы жеке инвестиция көлемі қазір жоспарлап отырғандай 30 млрд АҚШ доллары емес, бұдан да ауқымды болмақ", - деді министр. Оның ақпаратына сүйенсек, жобаны жүзеге асырудың тек бірінші кезеңінде инвесторлар 7 - 8 жылда 15 - 16 млрд АҚШ доллары көлемінде қаржы жұмсауды жоспарлауда.
Т. Досмұхамбетовтың нақтылауынша, жоба инвесторларының қатарында Сауд Арабиясы, Катар, Біріккен Араб Имірліктері, Кувейт, Еуропалық және Азиялық қайта құру және даму банктерінің, сондай-ақ, "екі-үш АҚШ фирмаларының" өкілдері бар. "Инвесторлар қазірдің өзінде жерді сатып алып, жоба жасау жұмыстарына 100 млн АҚШ доллары көлемінде қаржы жұмсап үлгерді, 15 қыркүйекте іргетасы қаланып, құрылыс жұмыстары басталады", - деді ол.
Министрдің пікірінше, инвесторлар үшін болашақ "Ақтау-Ситидің" географиялық орналасуы тартымды болмақ. "Туризмді дамытудың бірегей мүмкіндіктері, Каспий арқылы Қазақстан, Ресей, Иран, Түрікменстан және Изербайжанның қатысуымен халықаралық теңіздегі круиз ұйымдастыру мүмкіндігі бар", - деді Т. Досмұхамбетов. "Инвесторлар тек өз ақшаларын ақтап қана қоймай, үлкен пайда табатындығына сенімді", деді министр.
Ол сонымен бірге қазір ҚХР, Гонконг пен Кореяның потенциалдық инвесторларымен Қапшағай су қоймасының жағалауында "Жаңа Іле" туристік орталығын дамытуға атсалысу жөнінде келіссөздер жүргізіліп жатқанын жеткізді. "Ойын бизнесі туралы" жаңа заңға сәйкес бұл жерге еліміздегі ойын бизнесінің бір бөлігі орын тебетіні белгілі. "Жалпы алғанда туризмді дамыту жөніндегі мемлекеттік бағдарламаның табысты жүзеге асырылуы ішкі туризм бойынша туристер ағынын тұрақты өсіріп, туристер санының 2006-жылғы 3,2 млн адамнан 2009-жылы 4 млн адамға дейін, ал елге келетін туризм бойынша тиісінше 4,7 млн адамнан 6 млн адамға жеткізуге мүмкіндік тумақ", -деді Т. Досмұхамбетов.
Өз кезегінде еліміздің мәдениет және ақпарат министрі Ермұхамет Ертісбаев туризм және спорт министрінен Отырарда этноэкологиялық мәдени-туристік орталық құру мүмкіндігін қарастыруды сұрады. "Туристік инфрақұрылымның негізін қалауда туризмді дамытуға тарихи-мәдени мұра тұрғысынан аса назар аудара қарауды сұраймын. Өйткені, Грециядағы Парфенон жыл сайын өз еліне 70 млрд доллар әкеледі, бұл елге мұнай қажет емес.Тіпті мына тұрған Самаркандтың өзі Өзбекстанға кейінгі жылдары туризмнен 3 - 4 млрд долар көлемінде пайда әкелуде", - деді Е.Ертісбаев. "Отырарды қайта жаңғыртуға, онда қуатты этноэкологиялық мәдени-туристік орталық құруға, айталық, тіпті 25 ғасырлық мемлекеттілігіміздің тамыры жатқан Берел қорғаны маңында саябақ құруға назар аударсаңыздар деймін, бұл аса қызғылықты әрі келешегі бар бағыт болар еді", - деді министр.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
ҚР Туризм және спорт министрлігі Маңғыстау облысында ойын бизнесін жүргізу мүмкіндігін қарастыруды сұрады
тақырып бойынша жаңалықтар
Алматылық меценаттар жаңа буын жатақханаларын салып жатыр
Алматы әкімі Ерболат Досаев жеке инвестициялар есебінен салынған болашақ ұстаздарға арналған жаңа заманауи студенттер жатақханасына барды, деп хабарлайды Алматы қаласы әкімдігінің баспасөз қызметінен.
1 млрд 350 млн теңгенің жобасын "Karazhal operating", "Rise capital", "Daco Motors KZ", "San tyres", "Pine education", "Kazintel group" және т.б. 50-ден астам компанияны, меценат пен инвесторды біріктірген "Mugalim" қоғамдық бірлестігі жүзеге асырды.
Бұған дейін Алматының Бостандық ауданындағы Жароков және Дунаевский көшелерінің бойындағы осы учаскеде 6 жылдан астам уақыт бойы иесіз қалған қараусыз қалған ғимарат болған. Ауданы 2 мың шаршы метр және жобалық қуаты 200 адамға дейінгі студенттердің жаңа үйі Йель, Оксфорд университеттері сияқты жоғары оқу орындарының жатақханаларының халықаралық стандарты бойынша салынған, мұнда тұратындар үшін коворкинг-орталық, конференц-зал, Study room, шатырдағы үлкен терраса және т.б. барлық жағдай жасалған.
Жатақхана Абай атындағы Қазақ ұлттық педагогикалық университеті, Қазақ ұлттық қыздар педагогикалық университеті, Қазақ ұлттық университеті, С. Демирель атындағы университет және т.б. жоғары оқу орындарының болашақ оқытушы-студенттеріне арналған.
Жаңа заманауи жағдайда жайлы өмір сүру мүмкіндігінің пайда болғанына қуаныштымыз. Мұнда жобалармен жұмыс істеуге, шығармашылықпен айналысуға болатын коворкинг орталығы бар, ол үшін барлық жағдай жасалған. Бұл пәтер жалдауға қалтасы көтермейтін студенттерге таптырмас дүние", - деді Абай атындағы Қазақ ұлттық педагогикалық университетінің студенті Жанерке Тоқтарова.
Сапар барысында Алматы әкімі Ерболат Досаев бұл нысандардың қаланың әлеуметтік инфрақұрылымын жақсарту үшін маңызы зор екенін атап өтті. "Мұғалімдердің мәртебесін көтеру үшін уақыт талабына сай қолайлы жағдай жасау маңызды. Заманау мұғалім тек мұғалім ғана емес, сонымен қатар әдіскер, тәлімгер, тәрбиеші. Қала атынан алғыс айтып, бизнеске, меценаттарға осындай маңызды әлеуметтік жобаларды іске асыруға белсенді қатысуға шақырамын", - деді Е.Досаев.
Mugalim" ҚБ-ның айтуынша, тағы бірнеше білім беру нысанын салу жоспарланған. Жыл соңына дейін Zhibek Dorm қоғамдық бірлестігінің меценаты тағы 100 орындық жатақхана салуды жоспарлап отыр. Сондай-ақ, "Mugalim" ҚБ 110 орындық студенттер үйін (меценат - Yamoto ЖК) және 135 орындық жатақхананы ("Кемел" жеке қоры) жүзеге асыруды жоспарлап отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда тағы күн суытады
Болжам бойынша, сәуірдің соңғы күні мен мамырдың басында ауа температурасы төмендейді деп күтілуде, деп хабарлайды "Zakon.kz "Қазгидромет" РМК сілтеме жасай отырып.
Батыс Ресей облыстарынан соққан антициклонның екпіні солтүстік, шығыс және орталық облыстарда ауа температурасының түнде 0+5°С, аяз -1-6°С, күндіз +5°С дейін төмендеуіне әкеледі. Сондай-ақ, +13°C суық фронт республиканың оңтүстік аймақтарына біртіндеп ауысып, ауа температурасы түнде +2+7°С, аяз -2°С, күндіз. +15+25°C".
Синоптиктер республиканың басым бөлігінде атмосфералық фронтальды бөліктердің өтуімен жауын-шашын күтілетінін атап өтті: 1-2 мамырда еліміздің солтүстігінде, шығысында, оңтүстік-шығысында және орталығында қатты жауын-шашын болады, түнде жауын-шашын болады. жаңбыр қарға айналуы мүмкін.
Елдің оңтүстік-шығысында да найзағай ойнап, бұршақ жаууы мүмкін. Республика бойынша екпінді жел күшейеді, түнде солтүстік және шығыс облыстарда тұман күтіледі".
Бұдан бұрын хабарланғандай, 2024 жылдың 29 сәуірінде Астанада және еліміздің 10 облысында дауылды ескерту жарияланған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда субұрқақтар 1 мамырда іске қосылады
1 мамырда Алматы қаласында 60 субұрқақ іске қосылады. Қала балансында барлығы 66 субұрқақ бар, оның 6-ын қайта жаңғыртуда ("Одуванчик", "Аққу", "Қызғалдақ" субұрқақтары, М. Әуезов Қазақ ұлттық драма театрының алдында Әл-Фараби атындағы ҚазҰУ және ҚР Мемлекеттік мұражайы), деп хабарлайды Алматы қаласы әкімдігінің баспасөз қызметінен.
Алматы - біздің ортақ үйіміз" науқаны аясында субұрқақтардың тостағандары, түптері, қабырғалары тазартылып, гранит плиталарын қалпына келтіру бойынша дайындық жұмыстары жүргізілді. Мамандар субұрқақтардың сәндік элементтерін бояды, электр жабдықтары мен сорғыларына, электр энергиясының инженерлік желілеріне, суық сумен жабдықтауға және кәрізге ревизия жүргізді. Коммуналдық қызметтерді жеткізушілермен сумен жабдықтау және электрмен жабдықтау жүйелері қайта консервацияланды. Дайындық жұмыстары барысында авариялық учаскелер анықталды, қазіргі уақытта инженерлік сумен жабдықтау және электрмен жабдықтау желілерін қалпына келтіру жұмыстары аяқталуда.
Естеріңізге сала кетейік, 8 сәуірден 8 мамырға дейін "Алматы - біздің ортақ үйіміз" науқаны өтіп жатыр, оның аясында қалада және таулар, өзендер мен көлдер аумағында қоқыстардан тазарту, ағаштарды, гүлдер мен бұталарды жаппай отырғызу, ғимараттардың қасбеттерін жуу, шағын сәулет нысандарын, қоршауларды, балалар жән спорт алаңдары жөнделіп, айнала абаттандырылуда.
Әрбір алматылық қаланың тазалығы мен игілігіне үлес қоса алады. Толық ақпарат аlmaty.kz сайтында, Алматы әкімдігінің әлеуметтік желілерінде орналастырылған. Веб-сайтқа қала бойынша орналастырылған баннерлер, постерлер мен афишалардағы арнайы QR-код арқылы кіруге болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда 27 сәуірде жаппай алма ағаштары отырғызылады
«Алматы – бақ қала» акциясы аясында осы жылдың 27 сәуірінде сағат 10.00-ден 13.00-ге дейін «Алматы – біздің ортақ үйіміз» науқанының аясында жасыл желек егумен қатар, жаппай алма ағаштары отырғызылады. 7705 жасыл желек, оның ішінде 4015 жеміс (3855 алма ағашы) және 1090 жапырақты ағаш, 2600 бұта (сәнтал, ырғай, қабыржық, қаржеміс және т.б.) отырғызылады, деп хабарлайды Алматы қаласы әкімдігінің баспасөз қызметінен.
«Алматы - бақ қала» жалпықалалық акциясына қатысуға Алматының барлық тұрғыны мен қонағы шақырылады. Акция барысында шығармашылық байқаулар (таңертеңгілік жаттығу, би флешмобы, йога, викторина, шеберлік дәрісі және т.б.) өткізу көзделген.
Көшет егу жоспарланған негізгі орындар:
- ҮАК бойындағы көшенің солтүстігінде, Жаңа Сайын көшесінің шығысында орналасқан саябақ аумағында 500 жеміс ағашы (алма ағашы – 250 дана, өрік – 250 дана);
- «ALA» саябағының аумағында 2 270 алма көшеті;
- Боралдай өзенінің бойындағы бақылау алаңында 1000 жапырақты ағаш.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда жаңа жағалау салынуда
Сурет: gov.kz
Қарғалы" жобасы: Алматыда өзен жағасында ыңғайлы демалыс аймағы пайда болады, деп хабарлайды Алматы қаласы әкімдігінің баспасөз қызметінен.
Алматы қаласының Наурызбай ауданында "Алматы - біздің ортақ үйіміз" науқаны аясында 7,7 шақырымға созылып жатқан "Қарғалы" өзенінің жағалауы қайта жаңғыртылуда.
Естеріңізге сала кетейік, науқанның үшінші аптасы "Біздің қала - біздің таулар, өзендер мен көлдер" ұраны аясында өтуде. Апта ішінде жағалаулар мен су айдындары, саябақтар, скверлер мен тау бөктері тазартылады.
Қарғалы жобасының мақсаты - бұл аймақтың экожүйесін сақтай отырып, қала тұрғындарының демалуы үшін неғұрлым ыңғайлы әрі тартымды орта жасау.
Мұнда өзен арнасын тазартып, серуендеу аймағын құру жоспарланған. 3 мыңға жуық ағаш отырғызылады. Сондай-ақ көпжылдық гүлдер мен шөптердің гүлзары, қылқан жапырақты және жапырақты ағаштар мен бұталар егіледі. Жалпы ұзындығы 2,7 шақырымға жететін суармалы су құбыры тартылады.
Ұзындығы 4,3 шақырым болатын 196 жарық бағанасы орнатылады. Келушілердің жайлылығы үшін 135 орындық пен қоқыс жәшігіне қою жоспарда бар.
Жобаның маңызды бөлігі сол, балалар мен спорт алаңдары, жаяу жүру жолдары мен өзен жағасында демалу мүмкіндігі бар жаңа қоғамдық кеңістік құру. Әткеншек, сырғанақ және өрмелеу сияқты ашық ойын элементтері балалардың моторикасы мен физикалық белсенділігін арттырады. Балаларға арналған құмсалғыштар мен су аймақтарын, сондай-ақ ата-аналарға арналған орындықтары мен үстелдері бар демалыс аймағын құру жоспарлануда.
Түрлі ерекшелігі бар балалар үшін де ойын алаңдарында инклюзивті элементтер қойылатындығын атап өткен жөн.
Көпір жолын қайта құрып, жаяу жүргіншілер мен велосипедшілерге қауіпсіздік пен қолжетімділік қамтамасыз етілмек. Тротуарлар мен велосипед жолдарын орнату қарастырылған.
Бұл жоба "Қарғалы" өзенінің жағалауын қала шетіндегі бірегей табиғи саябаққа айналдырады. Құрылыс жұмыстарын 2024 жылдың қараша айына дейін аяқтау жоспарда бар.
Алматы - біздің ортақ үйіміз" науқаны туралы барлық ақпарат https://www.almaty.kz/ сайтында, Алматы әкімдігінің әлеуметтік желілерінде орналастырылған. Сондай-ақ, веб-сайтқа қала бойынша баннерлерде, плакаттарда арнайы орналастырылған QR-код арқылы да кіруге болады.
Әлеуметтік медиа науқанының белсенді қатысушыларына арналған хэштегтер:
#АлматыНашОбщийДом, #НасМногоГородОдин, #АлматыБіздіңОртақҮйіміз, #БізКөппізҚалажалғыз.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.