Система Orphus

Маңғыстау облысының білім беру мекемелерінде "Адалдық сағаты" шарасы өткізілді

08.11.2019, 17:52 4618

Нұр-Сұлтан. 8 қараша. Kazakhstan Today - Қазақстан Республикасы Президентінің 2018 жылғы 5 қазандағы жолдауында еліміздің өніп-өркендеуінде жастардың алатын орнын ерекше екенін ескере келе, ағымдағы жылды "Жастар жылы" деп жариялаған болатын.

Осыған орай, өскелең ұрпақтың бойында сыбайлас жемқорлыққа нөлдік төзбеушілік, адалдық, әділдік, парасаттылық және отансүйгіштік сияқты құндылықтарды қалыптастыру мақсатында Маңғыстау облысының білім беру мекемелерінде "Адалдық сағаты" шарасы өткізілді.

Шараны өткізуге ҚР Сыбайлас жемқорлыққа қарсы іс-қимыл агенттігінің Маңғыстау облысы бойынша департаментінің қызметкерлері, облыстық білім беру басқармасы, "Маңғыстау - адалдық алаңы" жобалық кеңсесінің мүшелері, "Нұр Отан" ХДП Маңғыстау облыстық филиалыныңөкілдері лекторлар ретінде қатысты.

Әрбір лектор өз сөзінде Агенттік пен Департамент тарапынан атқарылып жатқан жұмыс жайында, осы шараға арнайы дайындалған бейнероликтерді көрсете отыра тыңдаушыларға сыбайлас жемқорлықтың теріс салдары жайында жеткізді.

Жалпы, шарамен облыстың 139 орта білім беру мектептері, 14 колледжі және 2 жоғары оқу орны қамтылды.

Осы шараларды жүргізу барысында тыңдаушылардың тақырып бойынша көкейдегі сұрақтарына нақты жауап берілді және олар сыбайлас жемқорлыққа қарсы мәдениетті қалыптастыру бағытындағы алда өткізілетін іс-шараларға белсенді қатысуға шақырылды.

Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны