Орталық-Азия өӊірініӊ өкілдері Астанада туберкулезді трансшекаралық бақылау мәселелерін талқылауда
2018 жылдыӊ 5-6 желтоқсан аралығында Астанада "Көші-қон және туберкулез: туберкулезді (ТБ) трансшекаралық бақылау және Орталық-Азия өӊіріндегі туберкулезге қарсы көмек" атты жоғары деӊгейдегі төртінші өӊірлік кездесу өтуде
Астана. 10 желтоқсан. Kazakhstan Today - Орталық-Азия өӊірініӊ өкілдері Астанада туберкулезді трансшекаралық бақылау мәселелерін талқылауда.
2018 жылдыӊ 5-6 желтоқсан аралығында Астанада "Көші-қон және туберкулез: туберкулезді (ТБ) трансшекаралық бақылау және Орталық-Азия өӊіріндегі туберкулезге қарсы көмек" атты жоғары деӊгейдегі төртінші өӊірлік кездесу өтуде. Еӊбек мигранттары арасындағы туберкулезді диагностикалау және емдеу механизмдерін үйлестіру мақсатында іс-шараға Орталық Азия елдері үкіметтерініӊ, ұлттық туберкулезге қарсы бағдарламалардыӊ және көші-қон қызметтерініӊ өкілдері, Дүниежүзілік денсаулық сақтау ұйымыныӊ, СТОП ТБ серіктестігініӊ, халықаралық ұйымдардыӊ, ұлттық және халықаралық үкіметтік емес ұйымдардыӊ сарапшылары, сондай-ақ азаматтық қоғам өкілдері қатысып отыр.
Төртінші өӊірлік кездесудіӊ пленарлық отырыстарында туберкулезді трансшекаралық бақылау бойынша 12-айлық Іс-қимыл жоспарыныӊ/Жол картасыныӊ орындалу нәтижелерін, Біріккен Ұлттар Ұйымы Бас Ассамблеясыныӊ туберкулез бойынша жоғары деӊгейдегі кеӊесініӊ қорытындыларын және туберкулезді трансшекаралық бақылау мәселелері бойынша декларациясын Орталық Азияда енгізу үшін қажет қадамдарды қарастырады. Баяндамашылар Қазақстанныӊ Қырғызстан және Тәжікстанмен туберкулезді трансшекаралық бақылау саласындағы екі жақты келісімге жету процесі туралы және елдердіӊ деректермен алмасуы үшін Дүниежүзілік денсаулық сақтау ұйымыныӊ электрондық платформасын пайдалануы туралы ақпарат ұсынбақ.
Жұмыс топтарыныӊ кездесуі барысында еӊбек мигранттарына арналған емделушілерге бағытталған қызметтерді әрі қарай енгізу, стигма және оныӊ туберкулерзі анықтауға және емдеуге әсері, сектораралық ынтымақтастық, сондай-ақ көпжақты серіктестікті қалыптастыруды талқыланады. Жетекші халықаралық сарапшылар туберкулезбен күрес бойынша үздік практикаларды және оларды өӊірлерде бейімдеу мүмкіндіктерін ұсынады.
"Қазақстанда төртінші жыл қатарынан өткізіліп отырған жоғары деӊгейдегі кездесулер дәстүрге айналды. Бұл Орталық Азияныӊ үкіметтік және үкіметтік емес ұйымдары өкілдерініӊ, халықаралық ұйымдар сарапшыларыныӊ қатысуымен туберкулезді трансшекаралық бақылау бойынша өзекті мәселелерді талқылауға арналған тиімді платформа. Өӊірдегі мемлекеттер арасында жүйелі ынтымақтастық жолға қойылды деп сеніммен айта аламын. Қазақстанныӊ Қырғызстан және Тәжікстанмен екі жақты келісімге келу жобалары мұныӊ дәлелі. Сонымен қатар, үшін Қазақстан Республикасы Денсаулық сақтау министрлігіне жыл сайын осы іс-шараны ұйымдастырып, туберкулезбен күрес жөніндегі кешенді жоспарды табысты жүзеге асырып отырғанына алғыс білдіргім келеді", - дейді Еуропа/Еуразия бойынша Project HOPE өӊірлік директоры Мариам Сианозова.
Кездесу қорытындысы бойынша қатысушылар Орталық Азия аймағында туберкулезді трансшекаралық бақылау бойынша ұсыныстарды қорытындылайтын қарар қабылдайды. Кеӊестіӊ шешімі денсаулық сақтау министрліктеріне және көші-қон мәселелерімен айналысатын басқа да мекемелерге жіберіледі. Туберкулезбен күрес бойынша келесі жылға трансшекаралық туберкулезді бақылау жөніндегі іс-шаралар жоспары/Жол картасы дайындалып, нақты іс-шараларды анықтау арқасында аймақтағы трансшекаралық туберкулезді бақылау саласындағы келісілген және тиімді жұмыс жасауға мүмкіндік беретін іс-шаралар жоспары әзірленеді.
Іс-шара шеӊберінде "Үйге сауығып орал!" фотокөрмесі ұйымдастырылды. Фотокөрме мақсаты - қоғамныӊ назарын туберкулезден зардап шеккен адамдардыӊ қиындықтарына назар аудару. "Көші-қон және туберкулез: туберкулезді трансшекаралық бақылау және Орталық-Азия өӊіріндегі туберкулезге қарсы көмек" атты жоғары деӊгейдегі 3-ші өӊірлік кездесу шеӊберінде фотокөрме былтыр ашылған болатын. Өткен жылы Қазақстанныӊ ғана фотожұмыстары ұсынылған болатын, ал биыл көрмеде Қырғызстан, Тәжікстан және Өзбекстанныӊ суреттерін де қамтып отыр. Қазақстаннан басқа, фотокөрме Қырғызстан мен Тәжікстанда да қойылған. ЖИТС, туберкулез және безгекпен күрес жаһандық қоры және АҚШ-тыӊ халықаралық даму агенттігініӊ (USAID) қолдауымен Project HOPE фотокөрмені ұйымдастырып отыр.
Жоғары деӊгейдегі төртінші өӊірлік кездесу Қазақстан Республикасында туберкулезбен күрестіӊ 2014-2016 жылдарға арналған кешенді жоспарын және Project HOPE халықаралық ұйымы ЖИТС-пен, туберкулезбен және безгекпен күрес жаһандық қорыныӊ (Жаһандық қор) және АҚШ-тыӊ халықаралық даму агенттігініӊ грантына іске асырып отырған "Қазақстан Республикасындағы еӊбек мигранттары арасындағы туберкулезді, көптеген және ауқымды дәрілерге көнбейтін туберкулезді (ТБ, КДК/АДК ТБ) және ТБ/АИТВ трансшекаралық бақылау және емдеу жөніндегі іс-шаралар" бағдарламасын іске асыру шеӊберінде ұйымдастырылып отыр. Қазақстан Республикасы Денсаулық сақтау министрлігі, Ұлттық фтизиопульмонология ғылыми орталығы және Project HOPE Жаһандық қордыӊ және АҚШ-тыӊ халықаралық даму агенттігініӊ қаржылық қолдауымен кездесуді ұйымдастырды.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Алматыда 27 сәуірде жаппай алма ағаштары отырғызылады
«Алматы – бақ қала» акциясы аясында осы жылдың 27 сәуірінде сағат 10.00-ден 13.00-ге дейін «Алматы – біздің ортақ үйіміз» науқанының аясында жасыл желек егумен қатар, жаппай алма ағаштары отырғызылады. 7705 жасыл желек, оның ішінде 4015 жеміс (3855 алма ағашы) және 1090 жапырақты ағаш, 2600 бұта (сәнтал, ырғай, қабыржық, қаржеміс және т.б.) отырғызылады, деп хабарлайды Алматы қаласы әкімдігінің баспасөз қызметінен.
«Алматы - бақ қала» жалпықалалық акциясына қатысуға Алматының барлық тұрғыны мен қонағы шақырылады. Акция барысында шығармашылық байқаулар (таңертеңгілік жаттығу, би флешмобы, йога, викторина, шеберлік дәрісі және т.б.) өткізу көзделген.
Көшет егу жоспарланған негізгі орындар:
- ҮАК бойындағы көшенің солтүстігінде, Жаңа Сайын көшесінің шығысында орналасқан саябақ аумағында 500 жеміс ағашы (алма ағашы – 250 дана, өрік – 250 дана);
- «ALA» саябағының аумағында 2 270 алма көшеті;
- Боралдай өзенінің бойындағы бақылау алаңында 1000 жапырақты ағаш.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда жаңа жағалау салынуда
Сурет: gov.kz
Қарғалы" жобасы: Алматыда өзен жағасында ыңғайлы демалыс аймағы пайда болады, деп хабарлайды Алматы қаласы әкімдігінің баспасөз қызметінен.
Алматы қаласының Наурызбай ауданында "Алматы - біздің ортақ үйіміз" науқаны аясында 7,7 шақырымға созылып жатқан "Қарғалы" өзенінің жағалауы қайта жаңғыртылуда.
Естеріңізге сала кетейік, науқанның үшінші аптасы "Біздің қала - біздің таулар, өзендер мен көлдер" ұраны аясында өтуде. Апта ішінде жағалаулар мен су айдындары, саябақтар, скверлер мен тау бөктері тазартылады.
Қарғалы жобасының мақсаты - бұл аймақтың экожүйесін сақтай отырып, қала тұрғындарының демалуы үшін неғұрлым ыңғайлы әрі тартымды орта жасау.
Мұнда өзен арнасын тазартып, серуендеу аймағын құру жоспарланған. 3 мыңға жуық ағаш отырғызылады. Сондай-ақ көпжылдық гүлдер мен шөптердің гүлзары, қылқан жапырақты және жапырақты ағаштар мен бұталар егіледі. Жалпы ұзындығы 2,7 шақырымға жететін суармалы су құбыры тартылады.
Ұзындығы 4,3 шақырым болатын 196 жарық бағанасы орнатылады. Келушілердің жайлылығы үшін 135 орындық пен қоқыс жәшігіне қою жоспарда бар.
Жобаның маңызды бөлігі сол, балалар мен спорт алаңдары, жаяу жүру жолдары мен өзен жағасында демалу мүмкіндігі бар жаңа қоғамдық кеңістік құру. Әткеншек, сырғанақ және өрмелеу сияқты ашық ойын элементтері балалардың моторикасы мен физикалық белсенділігін арттырады. Балаларға арналған құмсалғыштар мен су аймақтарын, сондай-ақ ата-аналарға арналған орындықтары мен үстелдері бар демалыс аймағын құру жоспарлануда.
Түрлі ерекшелігі бар балалар үшін де ойын алаңдарында инклюзивті элементтер қойылатындығын атап өткен жөн.
Көпір жолын қайта құрып, жаяу жүргіншілер мен велосипедшілерге қауіпсіздік пен қолжетімділік қамтамасыз етілмек. Тротуарлар мен велосипед жолдарын орнату қарастырылған.
Бұл жоба "Қарғалы" өзенінің жағалауын қала шетіндегі бірегей табиғи саябаққа айналдырады. Құрылыс жұмыстарын 2024 жылдың қараша айына дейін аяқтау жоспарда бар.
Алматы - біздің ортақ үйіміз" науқаны туралы барлық ақпарат https://www.almaty.kz/ сайтында, Алматы әкімдігінің әлеуметтік желілерінде орналастырылған. Сондай-ақ, веб-сайтқа қала бойынша баннерлерде, плакаттарда арнайы орналастырылған QR-код арқылы да кіруге болады.
Әлеуметтік медиа науқанының белсенді қатысушыларына арналған хэштегтер:
#АлматыНашОбщийДом, #НасМногоГородОдин, #АлматыБіздіңОртақҮйіміз, #БізКөппізҚалажалғыз.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда бірнеше күн бойы толассыз жаңбыр жауады
24-28 сәуір аралығында Алматы қаласында толассыз жаңбыр жауады деп күтілуде, деп хабарлайды Алматы қаласы әкімдігінің баспасөз қызметінен.
Жауын-шашын кезінде мотопомпа, шанц құралдарымен жабдықталған 52 жедел мобильді бригаданың кезекшілікке шығады, 2,5 мың қап құм дайындалады.
Күндіз жауын-шашын кезінде барлығы 465 бірлік арнайы техника, 28 мотопомпа және 810 жұмысшы, ал түнгі уақытта 236 бірлік арнайы техника және 215 жұмысшы жұмылдырылады.
Судың кедергісіз ағып кетуін қамтамасыз етіп, су басудың алдын алу үшін 320 жұмысшы мен 92 бірлік арнайы техника арық желілерін, арық өткелдерін тазалау бойынша жоспарлы жұмыс жүргізеді. Күн сайын арықтан 250 м3 лай және кездейсоқ қоқыс шығарылады.
Ауа-райының бұзылуына байланысты жүргізушілерге ағаштардың құлау қаупі мен электр желілерінің үзілуіне байланысты автомобильдерді жол жиектеріне қоюға кеңес берілмейді. Қала тұрғындары мен қонақтарына тауға бармауын сұраймыз. Су тасқынының алдын алу үшін тұрғындардан арық пен каналды қоқысқа толтырып, бітеп тастамауға шақырамыз.
Анықтама үшін:
Қазгидромет" РМК болжауынша:
24 сәуір: көшпелі бұлт шығады, 3 мм-ге дейін өткінші жауын, оңтүстік-батыстан 3-8 м/с жел соғады, күндіз ауа температурасы +23...+25°C.
25 сәуір: күн ала бұлтты, таңертең және түстен кейін 15 мм-ге дейін жаңбыр жауып, найзағай ойнайды. Оңтүстік-батыс, батыс 3-8 м/с жел, найзағай кезінде екпіні 15-20 м/с. Ауа температурасы түнде + 10...+12°, күндіз + 18...+20°C.
26 сәуір: көшпелі бұлт, түнде және таңертең 8 мм-ге дейін жаңбыр жауады. Батыс, солтүстік-батыс 3-8 м/с жел соғады, найзағай кезінде екпіні 15 м/с. Ауа температурасы түнде + 10...+12°, күндіз + 16...+18°C.
27 сәуір: күн ала бұлтты, күндізгі сағат 15-тен 23-ке дейін 3 мм-ге дейін жаңбыр жауады. Батыс, солтүстік-батыстан 3-8 м/с жел соғады. Термометр бағанасы түнде +8...+10°, күндіз +13...+15°C көрсетеді.
28 сәуір: көшпелі бұлт шығады. Батыс, солтүстік-батыстан 3-8 м/с жел соғады. Ауа температурасы түнде +7...+ 9°, күндіз + 13...+15°C.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Бірінші тоқсанның қорытындысы бойынша МӘСҚ-тен 840 мыңға жуық адам әлеуметтік төлем алды
2024 жылдың бірінші тоқсанының қорытындысы бойынша Мемлекеттік әлеуметтік сақтандыру қорынан (бұдан әрі - МӘСҚ) 840 мыңға жуық қазақстандық 215,2 млрд теңге сомасына әлеуметтік төлемдер алды, деп хабарлайды ҚР Еңбек және халықты әлеуметтік корғау министрлігінің баспасөз қызметінен.
Еңбекке қабілеттіліктен айырылған жағдайда төленетін әлеуметтік төлем бюджет қаражаты есебінен мүгедектігі бойынша мемлекеттік әлеуметтік жәрдемақыға қосымша тағайындалады. МӘСҚ-тен төлем медициналық-әлеуметтік сараптамада белгіленген 30%-дан 100%-ға дейінгі дәрежеде және еңбек қызметін жалғастыруына қарамастан жалпы еңбекке қабілеттілігін жоғалту кезеңінде жүзеге асырылады.
2024 жылғы 1 сәуірдегі жағдай бойынша бұл төлемді 11,5 млрд теңге сомасына 90 мыңнан астам адам алды, бұл 2023 жылдың сәйкес кезеңімен салыстырғанда 31% - ға артық. Белгіленген төлемнің ай сайынғы орташа мөлшері 57 346 теңгені құрады.
Асыраушысынан айырылған жағдайда төленетін әлеуметтік төлем міндетті әлеуметтік сақтандыру жүйесіне қатысушының асырауында болған адамдарға бюджет қаражаты есебінен төленетін асыраушысынан айырылуы бойынша мемлекеттік әлеуметтік жәрдемақысына қосымша тағайындалады. МӘСҚ-тен төлем асырауындағы адамдар 18 жасқа толғанға дейін, ал күндізгі оқу нысанында оқыған жағдайда 23 жасқа дейін төленеді.
Есепті кезеңде көрсетілген төлемді асыраушысынан айырылған 61,2 мың отбасы 8,6 млрд теңге сомасына алды, бұл 2023 жылдың сәйкес кезеңімен салыстырғанда 39%-ға көп. Белгіленген төлемнің ай сайынғы орташа мөлшері 58 543 теңгені құрады.
МӘСҚ-тен жұмысынан айырылу жағдайы бойынша әлеуметтік төлем әлеуметтік сақтандыру жүйесіне қатысушыға оның жұмыстан шығарылу себебіне қарамастан тағайындалады. Негізгі шарт - жұмыссыз ретінде тіркелу. Төлем мөлшері жұмыссыз ретінде тіркелгенге дейінгі соңғы 2 жыл ішінде МӘСҚ-ке әлеуметтік аударымдар жүргізілген орташа айлық табысқа, жүйеге қатысу өтіліне және табысты ауыстыру коэффициентіне (45%) байланысты.
2024 жылдың 3 айында бұл төлем 18,3 млрд теңге сомасына төленіп, оны 122,6 мың адам алды, бұл 2023 жылдың бірінші тоқсанындағы алушылар санынан 2 есе дерлік асып түсті. Өсім азаматтардың Электрондық үкімет және Электрондық еңбек биржасы порталдары, сондай-ақ екінші деңгейдегі банктердің мобильді қосымшалары арқылы төлемге өтініштер берудің электрондық нысанына сұранысқа байланысты. Белгіленген төлемнің ай сайынғы орташа мөлшері - 65 402 теңге.
Жүктілікке және босануға, жаңа туған баланы (балаларды) асырап алуға байланысты табысынан айырылу жағдайына байланысты әлеуметтік төлем жүктілік және босану бойынша демалыстың барлық күндеріне тағайындалады. Төлем мөлшері жүктілікке және босануға байланысты демалыс күніне дейінгі соңғы 12 айда МӘСҚ-ке әлеуметтік аударымдар жүргізілген орташа айлық табысқа және еңбекке жарамсыздық күндерінің санына байланысты болады.
2024 жылғы 1 сәуірдегі жағдай бойынша бұл біржолғы төлемді 65,8 мың болашақ ана жалпы сомасы 81,9 млрд теңгеге алды, бұл өткен жылдың сәйкес кезеңімен салыстырғанда 19%-ға артық. Тағайындалған төлемнің орташа мөлшері 1 460 282 теңгені құрады.
Бір жарым жасқа дейінгі бала күтіміне байланысты табысынан айырылу жағдайы бойынша ай сайынғы әлеуметтік төлем баланың туған күнінен бастап әлеуметтік сақтандыру жүйесіне қатысушыға тағайындалады. Төлем мөлшері соңғы 2 жылда МӘСҚ-ке әлеуметтік аударымдар жүргізілген орташа айлық табыстың 40%-ын құрайды. Екі және одан да көп бала туған кезде төлем әрбір балаға жеке тағайындалады.
2024 жылдың 3 айында бұл төлем 67 мың адамға тағайындалды, оның ай сайынғы орташа мөлшері 79 106 теңгені құрады. Төлем 94,9 млрд теңге сомасына жүргізілді, бұл 2023 жылдың осы кезеңімен салыстырғанда 1,8 есе көп.
Осылайша, міндетті әлеуметтік сақтандыру жүйесіне қатысатын жұмыс істейтін азаматтарды әлеуметтік қорғау жұмыс істемейтіндерге қарағанда әлдеқайда жоғары.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда жыл сайынғы жылу желілерін сынау өткізіледі
Сурет: gov.kz
2024 жылғы 24 сәуірден 15 мамырға дейін Алматының барлық аудандарының аумағында жылу желілерін гидравликалық сынау жүргізілетін болады, деп хабарлайды Алматы қаласы әкімдігінің баспасөз қызметінен.
Бұл күндері күн сайын сағат 04:00-ден 07:00-ге дейін магистральдық және тарату құбырларын тексеру тікелей жүргізілетін кезде қала тұрғындары мен мегаполис қонақтарына өте мұқият болуға, қарапайым сақтық ережелерін сақтауға кеңес береміз!
Қауіпсіздікті қамтамасыз ету шараларына қарамастан, кенеттен оқыс жағдайлар болып қалуы мүмкін: судың сыртқа ағуы,жол жабындысының ішінара бұзылуы және т.б.
Мұндай оқыс жағдайларда ешқандай дербес әрекет жасамаңыз, оқиға орнынан дереу кетіп, ол туралы "Алматы жылу желілері" ЖШС-не 378-06-48, 378-06-62 (тікелей нөмір), call-орталық: 341-07-00 немесе 341-07-77 (қосымша 1011 немесе 1014), сондай-ақ 109 телефондары арқылы хабарлаңыз.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.