Шығыс Қазақстан облыстық телекоммуникация дирекциясы 2014 жылы атқарылған жұмыстарын қорытындылап 2015 жылғы міндеттерін айқындады
Көп жылдар бойы Шығыс Қазақстан облыстық телекоммуникация дирекциясы еліміздіӊ шығысында байланыс және телекоммуникация саласын дамыту мен жетілдіруге өз үлесін қосып келеді. Осындай қомақты нәтижелерге таӊдаулы технология құрылымдарын, байланыс жүйелерін үнемі жетілдіру, абоненттер сол секілді ұжым мүшелері үшін қолайлы жағдайларды жасау арқылы қол жеткізілді.
Астана. 25 ақпан. Kazakhstan Today - Өткен күні Шығыс Қазақстан облыстық телекоммуникация дирекциясы 2014 жылғы жұмыстарын қорытындылап 2015 жылғы міндеттерін белгіледі, деп хабарлайды Kazakhstan Today агенттігініӊ тілшісі.
Көп жылдар бойы Шығыс Қазақстан облыстық телекоммуникация дирекциясы еліміздіӊ шығысында байланыс және телекоммуникация саласын дамыту мен жетілдіруге өз үлесін қосып келеді. Осындай қомақты нәтижелерге таӊдаулы технология құрылымдарын, байланыс жүйелерін үнемі жетілдіру, абоненттер сол секілді ұжым мүшелері үшін қолайлы жағдайларды жасау арқылы қол жеткізілді.
Облыс тұрғындарын заманауи байланыс қызметтерімен қамтамасыз ету үшін облыстық дирекция Қазақстан Республикасыныӊ стратегиялық даму мемлекеттік бағдарламаларына белсенді қатысады.
Қазіргі уақытта Көкпекті, Самар, Үлкен Нарын, Күршім, Ақсуат, Үржар, Ақжар, Мақаншы, Бесқарағай, Бородулиха, Қалбатау ауылдарына, Глубокое, Қ. Қайсенов кенттеріне, Риддер, Зырян, Зайсан, Шемонаиха, Аягөз қалаларына дейін талшықты оптикалық байланыс желіжолы (ТОБЖ) салу ойдағыдай аяқталды.
2014 жылы жалпы ұзындығы 333 км құрайтын "Өскемен - Таврия", "Семей - Шүлбі", "Семей -Курчатов", "Қалбатау - Шар" бағытында аймақішілік ТОБЖ салынды. Сондай-ақ алғаш рет заманауи NGN цифрлық технологиясы Шүлбі, Шуақ (Солнечный) кенттері мен Үржар ауылына жетті. NGN технологиясыныӊ дамуына ТОБЖ салу арқылы тасымалдау желісін жаӊғырту оӊ нәтижелерін беріп отыр.
2015 жылы "Семей-Қараул", "Шар-Иуезов" бағыттарына ТОБЖ құрылысын бастау жоспарланған. 2015 жылдыӊ аяғына дейін ШҚО барлық аудандық орталықтарына аймақішілік оптикалық желі құрылысын салу аяқталады. Жалпы 1700 км астам байланыс желіжолын салынатын болады.
2008 жылдан бастап CDMA/EVDO сымсыз қатынау желісініӊ негізінде ауылдық жерлердегі телекоммуникация желілерін жаӊғырту және дамыту шеӊберінде облыстыӊ барлық аудандарында 88 базалық станса пайдаланымға енгізілген, соныӊ ішінде "EVDO" технологиясын 79 базалық станса қабылдайды. 2014 жылы Ақшаулы, Емелтау, Маралды, Жезкент ТКК, Усть-Таловка ТКК, Белоусовка ТКК, Күшім АТС, Шемонаиха АТС, Риддер РТС, Берел РТС 10 базалық станса орнатылды. Базалық стансалардыӊ қамту аймағына 12 ауыл кірді. Бұл облыстыӊ қатынау мүмкіндігі күрделі, шалғай әрі аз қоныстанған өӊірлерді қоса алғанда ауылдық елді мекендерді телефондандыру мен интернетке қатынау деӊгейін ұлғайтады.
2014 жылы алғаш рет Шығыс Қазақстанда биіктігі 60 метрлік антенна-діӊгекті құрылғы Жарма ауданы Еӊірекей ауылыныӊ жанында бой көтерді. Абай ауданыныӊ орталығы Қараул ауылына цифрлы РРЖ салу аяқталды. Осы жаӊа технологиялар арқасында Жарма мен Абай аудандарындағы шалғай ауыл тұрғындары телефония, Интернетке кеӊ жолақты қатынау қызметтеріне қосылу мүмкіндігін алды.
Осы күні өӊірде 763 ауылдық елді мекен телефондандырылған, 467-сі (61%) Интернетке кеӊ жолақты қатынау қызметімен қамтылған.
Сонымен қатар облыс орталығы мен Семей қаласында көп қабатты үйлерге оптикалық желілерді тарту аяқталып, жоба шеӊберінде Өскемен қаласында - 1243, Семей қаласында 680, жалпы 1923 көп қабатты тұрғын үй осы технологияға қосылу мүмкіндігіне ие болды. "FTTH" технологиясы бойынша Семей қаласында көп қабатты үйлерге оптикалық желілерді тарту жобасыныӊ аяқталуына орай 2014 жылдыӊ соӊында қаланы 100% цифрлық форматқа көшіруге қол жетті. Қоғамдық жерлерде Интернет желісіне қатынауды ұйымдастыру мақсатында Өскемен, Семей, Риддер, Зырян қалаларында Wi-Fi технологиясы базасында 60 аса қатынау орындары ашылған.
2015 жылы Өскемен және Семей қалаларында телекоммуникация желілерінде GPON технологиясын одан әрі дамыту және Зырян, Риддер секілді шағын қалаларда алғаш рет FTTH оптикалық желілерін енгізу жоспарланған.
2013-2014 жылдары Өскемен, Семей, Риддер қалаларында 266 LTE базалық станса іске қосылды, бұл өз кезегінде осы қалалардыӊ шалғай аудандарына заманауи қызметтерді ұсынуға мүмкіндік бермек.
01.01.2015 ж. жағдай бойынша 38 мыӊнан астам абонент "iD Net", облыстыӊ 20 мыӊнан аса тұрғыны "iD TV" қызметтерін пайдаланса, 7 мыӊнан астам адам "iD Phone" қызметіне қосылған.
2014 жылдыӊ қазанынан бастап облыстық дирекция ұжымы облыс орталығыныӊ тұрғындарына жаӊа қызмет түрі бір SIM-картада екі нөмірді (қалалық+ұтқыр) біріктірген Имбебап нөмір және 4G жоғары жылдамдықты Интернетті белсенді енгізуде және алға жылжытуда. Қызметті пайдаланушылар оны қосу арқылы отбасы бюджетін үнемдеуге мүмкіндік алды.
Қызметтер саласындағы жаӊа бағыттардыӊ бірі ақпаратты-коммуникациялық технологиялар қызметтері болып табылды. Жаӊашыл қызметтіӊ ерекшелігі даму, жобаларды қолдау, күрделілік деӊгейі әртүрлі бизнес-үдерістерде ресурстарды үнемдеу және Интернеттегі аудиторияны қамту көлемі бойынша кешенді технологиялық міндеттерді шеше алмақ. Ұсынылатын қызметтер бизнесті дамыту барысында материалдық ресурстарды үнемдеуге және әрекеттегі үдерістерді жаӊғыртуға жағдай жасайды.
"Қазақтелеком" АҚ қоғаммен байланыс қызметі
тақырып бойынша жаңалықтар
Алматыда 27 сәуірде жаппай алма ағаштары отырғызылады
«Алматы – бақ қала» акциясы аясында осы жылдың 27 сәуірінде сағат 10.00-ден 13.00-ге дейін «Алматы – біздің ортақ үйіміз» науқанының аясында жасыл желек егумен қатар, жаппай алма ағаштары отырғызылады. 7705 жасыл желек, оның ішінде 4015 жеміс (3855 алма ағашы) және 1090 жапырақты ағаш, 2600 бұта (сәнтал, ырғай, қабыржық, қаржеміс және т.б.) отырғызылады, деп хабарлайды Алматы қаласы әкімдігінің баспасөз қызметінен.
«Алматы - бақ қала» жалпықалалық акциясына қатысуға Алматының барлық тұрғыны мен қонағы шақырылады. Акция барысында шығармашылық байқаулар (таңертеңгілік жаттығу, би флешмобы, йога, викторина, шеберлік дәрісі және т.б.) өткізу көзделген.
Көшет егу жоспарланған негізгі орындар:
- ҮАК бойындағы көшенің солтүстігінде, Жаңа Сайын көшесінің шығысында орналасқан саябақ аумағында 500 жеміс ағашы (алма ағашы – 250 дана, өрік – 250 дана);
- «ALA» саябағының аумағында 2 270 алма көшеті;
- Боралдай өзенінің бойындағы бақылау алаңында 1000 жапырақты ағаш.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда жаңа жағалау салынуда
Сурет: gov.kz
Қарғалы" жобасы: Алматыда өзен жағасында ыңғайлы демалыс аймағы пайда болады, деп хабарлайды Алматы қаласы әкімдігінің баспасөз қызметінен.
Алматы қаласының Наурызбай ауданында "Алматы - біздің ортақ үйіміз" науқаны аясында 7,7 шақырымға созылып жатқан "Қарғалы" өзенінің жағалауы қайта жаңғыртылуда.
Естеріңізге сала кетейік, науқанның үшінші аптасы "Біздің қала - біздің таулар, өзендер мен көлдер" ұраны аясында өтуде. Апта ішінде жағалаулар мен су айдындары, саябақтар, скверлер мен тау бөктері тазартылады.
Қарғалы жобасының мақсаты - бұл аймақтың экожүйесін сақтай отырып, қала тұрғындарының демалуы үшін неғұрлым ыңғайлы әрі тартымды орта жасау.
Мұнда өзен арнасын тазартып, серуендеу аймағын құру жоспарланған. 3 мыңға жуық ағаш отырғызылады. Сондай-ақ көпжылдық гүлдер мен шөптердің гүлзары, қылқан жапырақты және жапырақты ағаштар мен бұталар егіледі. Жалпы ұзындығы 2,7 шақырымға жететін суармалы су құбыры тартылады.
Ұзындығы 4,3 шақырым болатын 196 жарық бағанасы орнатылады. Келушілердің жайлылығы үшін 135 орындық пен қоқыс жәшігіне қою жоспарда бар.
Жобаның маңызды бөлігі сол, балалар мен спорт алаңдары, жаяу жүру жолдары мен өзен жағасында демалу мүмкіндігі бар жаңа қоғамдық кеңістік құру. Әткеншек, сырғанақ және өрмелеу сияқты ашық ойын элементтері балалардың моторикасы мен физикалық белсенділігін арттырады. Балаларға арналған құмсалғыштар мен су аймақтарын, сондай-ақ ата-аналарға арналған орындықтары мен үстелдері бар демалыс аймағын құру жоспарлануда.
Түрлі ерекшелігі бар балалар үшін де ойын алаңдарында инклюзивті элементтер қойылатындығын атап өткен жөн.
Көпір жолын қайта құрып, жаяу жүргіншілер мен велосипедшілерге қауіпсіздік пен қолжетімділік қамтамасыз етілмек. Тротуарлар мен велосипед жолдарын орнату қарастырылған.
Бұл жоба "Қарғалы" өзенінің жағалауын қала шетіндегі бірегей табиғи саябаққа айналдырады. Құрылыс жұмыстарын 2024 жылдың қараша айына дейін аяқтау жоспарда бар.
Алматы - біздің ортақ үйіміз" науқаны туралы барлық ақпарат https://www.almaty.kz/ сайтында, Алматы әкімдігінің әлеуметтік желілерінде орналастырылған. Сондай-ақ, веб-сайтқа қала бойынша баннерлерде, плакаттарда арнайы орналастырылған QR-код арқылы да кіруге болады.
Әлеуметтік медиа науқанының белсенді қатысушыларына арналған хэштегтер:
#АлматыНашОбщийДом, #НасМногоГородОдин, #АлматыБіздіңОртақҮйіміз, #БізКөппізҚалажалғыз.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда бірнеше күн бойы толассыз жаңбыр жауады
24-28 сәуір аралығында Алматы қаласында толассыз жаңбыр жауады деп күтілуде, деп хабарлайды Алматы қаласы әкімдігінің баспасөз қызметінен.
Жауын-шашын кезінде мотопомпа, шанц құралдарымен жабдықталған 52 жедел мобильді бригаданың кезекшілікке шығады, 2,5 мың қап құм дайындалады.
Күндіз жауын-шашын кезінде барлығы 465 бірлік арнайы техника, 28 мотопомпа және 810 жұмысшы, ал түнгі уақытта 236 бірлік арнайы техника және 215 жұмысшы жұмылдырылады.
Судың кедергісіз ағып кетуін қамтамасыз етіп, су басудың алдын алу үшін 320 жұмысшы мен 92 бірлік арнайы техника арық желілерін, арық өткелдерін тазалау бойынша жоспарлы жұмыс жүргізеді. Күн сайын арықтан 250 м3 лай және кездейсоқ қоқыс шығарылады.
Ауа-райының бұзылуына байланысты жүргізушілерге ағаштардың құлау қаупі мен электр желілерінің үзілуіне байланысты автомобильдерді жол жиектеріне қоюға кеңес берілмейді. Қала тұрғындары мен қонақтарына тауға бармауын сұраймыз. Су тасқынының алдын алу үшін тұрғындардан арық пен каналды қоқысқа толтырып, бітеп тастамауға шақырамыз.
Анықтама үшін:
Қазгидромет" РМК болжауынша:
24 сәуір: көшпелі бұлт шығады, 3 мм-ге дейін өткінші жауын, оңтүстік-батыстан 3-8 м/с жел соғады, күндіз ауа температурасы +23...+25°C.
25 сәуір: күн ала бұлтты, таңертең және түстен кейін 15 мм-ге дейін жаңбыр жауып, найзағай ойнайды. Оңтүстік-батыс, батыс 3-8 м/с жел, найзағай кезінде екпіні 15-20 м/с. Ауа температурасы түнде + 10...+12°, күндіз + 18...+20°C.
26 сәуір: көшпелі бұлт, түнде және таңертең 8 мм-ге дейін жаңбыр жауады. Батыс, солтүстік-батыс 3-8 м/с жел соғады, найзағай кезінде екпіні 15 м/с. Ауа температурасы түнде + 10...+12°, күндіз + 16...+18°C.
27 сәуір: күн ала бұлтты, күндізгі сағат 15-тен 23-ке дейін 3 мм-ге дейін жаңбыр жауады. Батыс, солтүстік-батыстан 3-8 м/с жел соғады. Термометр бағанасы түнде +8...+10°, күндіз +13...+15°C көрсетеді.
28 сәуір: көшпелі бұлт шығады. Батыс, солтүстік-батыстан 3-8 м/с жел соғады. Ауа температурасы түнде +7...+ 9°, күндіз + 13...+15°C.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Бірінші тоқсанның қорытындысы бойынша МӘСҚ-тен 840 мыңға жуық адам әлеуметтік төлем алды
2024 жылдың бірінші тоқсанының қорытындысы бойынша Мемлекеттік әлеуметтік сақтандыру қорынан (бұдан әрі - МӘСҚ) 840 мыңға жуық қазақстандық 215,2 млрд теңге сомасына әлеуметтік төлемдер алды, деп хабарлайды ҚР Еңбек және халықты әлеуметтік корғау министрлігінің баспасөз қызметінен.
Еңбекке қабілеттіліктен айырылған жағдайда төленетін әлеуметтік төлем бюджет қаражаты есебінен мүгедектігі бойынша мемлекеттік әлеуметтік жәрдемақыға қосымша тағайындалады. МӘСҚ-тен төлем медициналық-әлеуметтік сараптамада белгіленген 30%-дан 100%-ға дейінгі дәрежеде және еңбек қызметін жалғастыруына қарамастан жалпы еңбекке қабілеттілігін жоғалту кезеңінде жүзеге асырылады.
2024 жылғы 1 сәуірдегі жағдай бойынша бұл төлемді 11,5 млрд теңге сомасына 90 мыңнан астам адам алды, бұл 2023 жылдың сәйкес кезеңімен салыстырғанда 31% - ға артық. Белгіленген төлемнің ай сайынғы орташа мөлшері 57 346 теңгені құрады.
Асыраушысынан айырылған жағдайда төленетін әлеуметтік төлем міндетті әлеуметтік сақтандыру жүйесіне қатысушының асырауында болған адамдарға бюджет қаражаты есебінен төленетін асыраушысынан айырылуы бойынша мемлекеттік әлеуметтік жәрдемақысына қосымша тағайындалады. МӘСҚ-тен төлем асырауындағы адамдар 18 жасқа толғанға дейін, ал күндізгі оқу нысанында оқыған жағдайда 23 жасқа дейін төленеді.
Есепті кезеңде көрсетілген төлемді асыраушысынан айырылған 61,2 мың отбасы 8,6 млрд теңге сомасына алды, бұл 2023 жылдың сәйкес кезеңімен салыстырғанда 39%-ға көп. Белгіленген төлемнің ай сайынғы орташа мөлшері 58 543 теңгені құрады.
МӘСҚ-тен жұмысынан айырылу жағдайы бойынша әлеуметтік төлем әлеуметтік сақтандыру жүйесіне қатысушыға оның жұмыстан шығарылу себебіне қарамастан тағайындалады. Негізгі шарт - жұмыссыз ретінде тіркелу. Төлем мөлшері жұмыссыз ретінде тіркелгенге дейінгі соңғы 2 жыл ішінде МӘСҚ-ке әлеуметтік аударымдар жүргізілген орташа айлық табысқа, жүйеге қатысу өтіліне және табысты ауыстыру коэффициентіне (45%) байланысты.
2024 жылдың 3 айында бұл төлем 18,3 млрд теңге сомасына төленіп, оны 122,6 мың адам алды, бұл 2023 жылдың бірінші тоқсанындағы алушылар санынан 2 есе дерлік асып түсті. Өсім азаматтардың Электрондық үкімет және Электрондық еңбек биржасы порталдары, сондай-ақ екінші деңгейдегі банктердің мобильді қосымшалары арқылы төлемге өтініштер берудің электрондық нысанына сұранысқа байланысты. Белгіленген төлемнің ай сайынғы орташа мөлшері - 65 402 теңге.
Жүктілікке және босануға, жаңа туған баланы (балаларды) асырап алуға байланысты табысынан айырылу жағдайына байланысты әлеуметтік төлем жүктілік және босану бойынша демалыстың барлық күндеріне тағайындалады. Төлем мөлшері жүктілікке және босануға байланысты демалыс күніне дейінгі соңғы 12 айда МӘСҚ-ке әлеуметтік аударымдар жүргізілген орташа айлық табысқа және еңбекке жарамсыздық күндерінің санына байланысты болады.
2024 жылғы 1 сәуірдегі жағдай бойынша бұл біржолғы төлемді 65,8 мың болашақ ана жалпы сомасы 81,9 млрд теңгеге алды, бұл өткен жылдың сәйкес кезеңімен салыстырғанда 19%-ға артық. Тағайындалған төлемнің орташа мөлшері 1 460 282 теңгені құрады.
Бір жарым жасқа дейінгі бала күтіміне байланысты табысынан айырылу жағдайы бойынша ай сайынғы әлеуметтік төлем баланың туған күнінен бастап әлеуметтік сақтандыру жүйесіне қатысушыға тағайындалады. Төлем мөлшері соңғы 2 жылда МӘСҚ-ке әлеуметтік аударымдар жүргізілген орташа айлық табыстың 40%-ын құрайды. Екі және одан да көп бала туған кезде төлем әрбір балаға жеке тағайындалады.
2024 жылдың 3 айында бұл төлем 67 мың адамға тағайындалды, оның ай сайынғы орташа мөлшері 79 106 теңгені құрады. Төлем 94,9 млрд теңге сомасына жүргізілді, бұл 2023 жылдың осы кезеңімен салыстырғанда 1,8 есе көп.
Осылайша, міндетті әлеуметтік сақтандыру жүйесіне қатысатын жұмыс істейтін азаматтарды әлеуметтік қорғау жұмыс істемейтіндерге қарағанда әлдеқайда жоғары.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда жыл сайынғы жылу желілерін сынау өткізіледі
Сурет: gov.kz
2024 жылғы 24 сәуірден 15 мамырға дейін Алматының барлық аудандарының аумағында жылу желілерін гидравликалық сынау жүргізілетін болады, деп хабарлайды Алматы қаласы әкімдігінің баспасөз қызметінен.
Бұл күндері күн сайын сағат 04:00-ден 07:00-ге дейін магистральдық және тарату құбырларын тексеру тікелей жүргізілетін кезде қала тұрғындары мен мегаполис қонақтарына өте мұқият болуға, қарапайым сақтық ережелерін сақтауға кеңес береміз!
Қауіпсіздікті қамтамасыз ету шараларына қарамастан, кенеттен оқыс жағдайлар болып қалуы мүмкін: судың сыртқа ағуы,жол жабындысының ішінара бұзылуы және т.б.
Мұндай оқыс жағдайларда ешқандай дербес әрекет жасамаңыз, оқиға орнынан дереу кетіп, ол туралы "Алматы жылу желілері" ЖШС-не 378-06-48, 378-06-62 (тікелей нөмір), call-орталық: 341-07-00 немесе 341-07-77 (қосымша 1011 немесе 1014), сондай-ақ 109 телефондары арқылы хабарлаңыз.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.