СҚО әкiмi Құмар Ақсақалов үздiк ардагерлер ұйымы бойынша байқау жариялады
Солтүстiк Қазақстан облысыныӊ әкiмi Құмар Ақсақалов ардагерлер ұйымыныӊ құрылғанына 30 жыл толуына арналған салтанатты жиынға қатысты.
Петропавловск. 5 сәуір. Kazakhstan Today - Солтүстiк Қазақстан облысыныӊ әкiмi Құмар Ақсақалов ардагерлер ұйымыныӊ құрылғанына 30 жыл толуына арналған салтанатты жиынға қатысты.
Мерейтой иелерiн құттықтаған өӊiр басшысы аға буынныӊ ауызбiрлiгi мен жанқиярлығы жоғарғы патриотизм мен өз Отанына шын берiлушiлiгi әрқашан да лайықты үлгi болатынын атап өттi.
"Ардагерлер - бiздiӊ алтын дiӊгегiмiз. Қарты бар ел - қазыналы ел" деген халық даналығы тегiн айтылмаған. Тарихтыӊ көзi, өткеннiӊ дәлелi, кешегiнiӊ жалғасы - осы отырған ақ сақалды ағаларымыз бен ақ жаулықты аналарымыз. Ардагерлердiӊ Елбасы ұсынған тапсырмаларды жүзеге асыруға, елiмiздегi тұрақтылық пен татулықтыӊ, этносаралық келiсiмнiӊ нығаюына қосып жатқан үлесi зор. Халқымыз әуелден аталы сөздi өнеге қылған. Ауылдыӊ үлкенiнiӊ ақылына тоқтап, ақ сақалды қариядан бата алған. Сондай аға-апаларымыз бүгiн де елiмiздiӊ қоғамдық өмiрiне белсендi араласып, ақылдарын айтып, бiлгендерiн үйретiп келедi",- дедi Құмар Iргебайұлы.
Сондай-ақ, облыс әкiмi ардагерлердiӊ қоғамдық-саяси өмiрге араласып, жас ұрпақты тәрбиелеуге белсендi қатысатынын атап өттi.
"Халқымызда "Ауылыӊдағы қария - жазып қойған хатпен теӊ" деген сөз бар. Сiздердiӊ өмiрлерiӊiз- бiз үшiн сабақ. Өткен кездесулерде де Елбасы қойған тапсырмаларды орындауда, облыстыӊ әлеуметтiк-экономикалық өсiмiн қамтамасыз етуде Сiздердiӊ ақыл-кеӊестерiӊiздiӊ қажеттiгiн айтқан едiм. Осынау атаулы күнi Сiздерге, сiздердiӊ отбасыларыӊызға және туған-туысқандарыӊызға мықты денсаулық пен ұзақ ғұмыр, баянды бақыт пен бейбiт өмiр тiлеймiн!", - деп атап өттi өӊiр басшысы.
Солтүстiк Қазақстан облысында ардагерлер қозғалысы жүз мыӊнан астам адамды бiрiктiредi.
Сонымен қатар, Құмар Ақсақалов ардагерлер ұйымыныӊ құрылғанына 30 жыл толуына байланысты үздiк ардагерлер ұйымы бойынша байқау жариялады. Бас жүлде - облыс әкiмiнiӊ гранты. Байқау қорытындылары түрлi санаттар бойынша қарастырылып, Қазақстан Республикасыныӊ Тұӊғыш президентi күнi - 1 желтоқсанда жарияланатын болады.
Ұзақ жылғы, адал еӊбегi, облыстыӊ жас ұрпағын патриоттық, рухани-адамгершiлiк тәрбиелеуге қосқан зор үлесi үшiн және ардагерлер ұйымыныӊ құрылғанына 30 жыл толуына байланысты облыс әкiмiнiӊ Құрмет грамоталарымен "Бос уақыт" ардагерлер клубыныӊ төрағасы Серiк Ыбыраев, Петропавл қаласы әкiмi аппаратыныӊ бастауыш ардагерлер ұйымыныӊ төрайымы Екатерина Ильина, Аққайыӊ ауданыныӊ ардагерлер кеӊесiнiӊ төрағасы Борис Баяшев марапатталды. Сондай-ақ, Алғыс хатпен облыстық ардагерлер кеӊесi ұйымдастыру-әдiстемелiк жұмыс жөнiндегi тұрақты комиссиясыныӊ төрағасы Аманжол Нұртаев пен Жамбыл ауданыныӊ Благовещенка ауылдық округiнiӊ бастауыш ардагерлер ұйымыныӊ төрағасы Александр Мордась марапатталды.
Ардагерлердi Орталық ардагерлер кеӊесi төрағасыныӊ орынбасары Бекболат Мұқышев құттықтады.
"Үш онжылдық өттi, алайда ұйымы қызметiнiӊ мақсаттары бұрынғыдай - зейнеткерлердiӊ құқығын, абыройы мен мүддесiн қорғау, материалдық жағдайларын жақсарту, патриоттық жұмыс, еӊ алдымен жастармен жұмыс жасау", - дедi Бекболат Мұқышев.
Бекболат Бапанұлы Орталық ардагерлер кеӊесiнiӊ Құрмет белгiлерiн Мамлют ауданыныӊ ардагерлер кеӊесiнiӊ төрағасы Төлеген Омаровқа және "Одақ" қоғамдық ұйымыныӊ трағасы мен облыстық ардагерлер ұйымыныӊ бақылау комиссиясыынӊ мүшесi Валерий Масловқа табыстады.
Құрмет грамотасымен журналистика ардагерi, "северный Казахстан" баспасыныӊ директоры, аға редакторы Иван Моор, Аққайыӊ ауданыныӊ Астрахан ауылдық округiнiӊ бастауыш ұйымыныӊ төрайымы Светлана Қасымова, Мағжан Жұмабаев ауданыныӊ Возвышенка ауылдық округiнiӊ бастауыш ұйымыныӊ төрағасы Вячеслав Ярмольчук, сонымен қатар үш ардагер дипломдармен марапатталды.
Орталық кеӊестiӊ Құрмет кiтабына Мағжан Жұмабаев ауданыныӊ ардагерлер ұйымыныӊ төрағасы Оралбай Сағындықов енгiзiлдi.
Ұйымныӊ мейтойымен ардагерлер кеӊесiнiӊ төрағасы Ескендiр Елеусiзов құттықтады.
Өӊiрдiӊ жетi ардагерi "Солтүстiк Қазақстан облысыныӊ Құрметтi ардагерi" төсбелгiсiне, тағы екi адам Құрмет грамотасына ие болды.
Мерекелiк бағдарлама Петропавл қаласыныӊ шығармашылық ұжымдарыныӊ концертiмен жалғасты.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Алматыда жаңа жағалау салынуда
Сурет: gov.kz
Қарғалы" жобасы: Алматыда өзен жағасында ыңғайлы демалыс аймағы пайда болады, деп хабарлайды Алматы қаласы әкімдігінің баспасөз қызметінен.
Алматы қаласының Наурызбай ауданында "Алматы - біздің ортақ үйіміз" науқаны аясында 7,7 шақырымға созылып жатқан "Қарғалы" өзенінің жағалауы қайта жаңғыртылуда.
Естеріңізге сала кетейік, науқанның үшінші аптасы "Біздің қала - біздің таулар, өзендер мен көлдер" ұраны аясында өтуде. Апта ішінде жағалаулар мен су айдындары, саябақтар, скверлер мен тау бөктері тазартылады.
Қарғалы жобасының мақсаты - бұл аймақтың экожүйесін сақтай отырып, қала тұрғындарының демалуы үшін неғұрлым ыңғайлы әрі тартымды орта жасау.
Мұнда өзен арнасын тазартып, серуендеу аймағын құру жоспарланған. 3 мыңға жуық ағаш отырғызылады. Сондай-ақ көпжылдық гүлдер мен шөптердің гүлзары, қылқан жапырақты және жапырақты ағаштар мен бұталар егіледі. Жалпы ұзындығы 2,7 шақырымға жететін суармалы су құбыры тартылады.
Ұзындығы 4,3 шақырым болатын 196 жарық бағанасы орнатылады. Келушілердің жайлылығы үшін 135 орындық пен қоқыс жәшігіне қою жоспарда бар.
Жобаның маңызды бөлігі сол, балалар мен спорт алаңдары, жаяу жүру жолдары мен өзен жағасында демалу мүмкіндігі бар жаңа қоғамдық кеңістік құру. Әткеншек, сырғанақ және өрмелеу сияқты ашық ойын элементтері балалардың моторикасы мен физикалық белсенділігін арттырады. Балаларға арналған құмсалғыштар мен су аймақтарын, сондай-ақ ата-аналарға арналған орындықтары мен үстелдері бар демалыс аймағын құру жоспарлануда.
Түрлі ерекшелігі бар балалар үшін де ойын алаңдарында инклюзивті элементтер қойылатындығын атап өткен жөн.
Көпір жолын қайта құрып, жаяу жүргіншілер мен велосипедшілерге қауіпсіздік пен қолжетімділік қамтамасыз етілмек. Тротуарлар мен велосипед жолдарын орнату қарастырылған.
Бұл жоба "Қарғалы" өзенінің жағалауын қала шетіндегі бірегей табиғи саябаққа айналдырады. Құрылыс жұмыстарын 2024 жылдың қараша айына дейін аяқтау жоспарда бар.
Алматы - біздің ортақ үйіміз" науқаны туралы барлық ақпарат https://www.almaty.kz/ сайтында, Алматы әкімдігінің әлеуметтік желілерінде орналастырылған. Сондай-ақ, веб-сайтқа қала бойынша баннерлерде, плакаттарда арнайы орналастырылған QR-код арқылы да кіруге болады.
Әлеуметтік медиа науқанының белсенді қатысушыларына арналған хэштегтер:
#АлматыНашОбщийДом, #НасМногоГородОдин, #АлматыБіздіңОртақҮйіміз, #БізКөппізҚалажалғыз.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда бірнеше күн бойы толассыз жаңбыр жауады
24-28 сәуір аралығында Алматы қаласында толассыз жаңбыр жауады деп күтілуде, деп хабарлайды Алматы қаласы әкімдігінің баспасөз қызметінен.
Жауын-шашын кезінде мотопомпа, шанц құралдарымен жабдықталған 52 жедел мобильді бригаданың кезекшілікке шығады, 2,5 мың қап құм дайындалады.
Күндіз жауын-шашын кезінде барлығы 465 бірлік арнайы техника, 28 мотопомпа және 810 жұмысшы, ал түнгі уақытта 236 бірлік арнайы техника және 215 жұмысшы жұмылдырылады.
Судың кедергісіз ағып кетуін қамтамасыз етіп, су басудың алдын алу үшін 320 жұмысшы мен 92 бірлік арнайы техника арық желілерін, арық өткелдерін тазалау бойынша жоспарлы жұмыс жүргізеді. Күн сайын арықтан 250 м3 лай және кездейсоқ қоқыс шығарылады.
Ауа-райының бұзылуына байланысты жүргізушілерге ағаштардың құлау қаупі мен электр желілерінің үзілуіне байланысты автомобильдерді жол жиектеріне қоюға кеңес берілмейді. Қала тұрғындары мен қонақтарына тауға бармауын сұраймыз. Су тасқынының алдын алу үшін тұрғындардан арық пен каналды қоқысқа толтырып, бітеп тастамауға шақырамыз.
Анықтама үшін:
Қазгидромет" РМК болжауынша:
24 сәуір: көшпелі бұлт шығады, 3 мм-ге дейін өткінші жауын, оңтүстік-батыстан 3-8 м/с жел соғады, күндіз ауа температурасы +23...+25°C.
25 сәуір: күн ала бұлтты, таңертең және түстен кейін 15 мм-ге дейін жаңбыр жауып, найзағай ойнайды. Оңтүстік-батыс, батыс 3-8 м/с жел, найзағай кезінде екпіні 15-20 м/с. Ауа температурасы түнде + 10...+12°, күндіз + 18...+20°C.
26 сәуір: көшпелі бұлт, түнде және таңертең 8 мм-ге дейін жаңбыр жауады. Батыс, солтүстік-батыс 3-8 м/с жел соғады, найзағай кезінде екпіні 15 м/с. Ауа температурасы түнде + 10...+12°, күндіз + 16...+18°C.
27 сәуір: күн ала бұлтты, күндізгі сағат 15-тен 23-ке дейін 3 мм-ге дейін жаңбыр жауады. Батыс, солтүстік-батыстан 3-8 м/с жел соғады. Термометр бағанасы түнде +8...+10°, күндіз +13...+15°C көрсетеді.
28 сәуір: көшпелі бұлт шығады. Батыс, солтүстік-батыстан 3-8 м/с жел соғады. Ауа температурасы түнде +7...+ 9°, күндіз + 13...+15°C.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Бірінші тоқсанның қорытындысы бойынша МӘСҚ-тен 840 мыңға жуық адам әлеуметтік төлем алды
2024 жылдың бірінші тоқсанының қорытындысы бойынша Мемлекеттік әлеуметтік сақтандыру қорынан (бұдан әрі - МӘСҚ) 840 мыңға жуық қазақстандық 215,2 млрд теңге сомасына әлеуметтік төлемдер алды, деп хабарлайды ҚР Еңбек және халықты әлеуметтік корғау министрлігінің баспасөз қызметінен.
Еңбекке қабілеттіліктен айырылған жағдайда төленетін әлеуметтік төлем бюджет қаражаты есебінен мүгедектігі бойынша мемлекеттік әлеуметтік жәрдемақыға қосымша тағайындалады. МӘСҚ-тен төлем медициналық-әлеуметтік сараптамада белгіленген 30%-дан 100%-ға дейінгі дәрежеде және еңбек қызметін жалғастыруына қарамастан жалпы еңбекке қабілеттілігін жоғалту кезеңінде жүзеге асырылады.
2024 жылғы 1 сәуірдегі жағдай бойынша бұл төлемді 11,5 млрд теңге сомасына 90 мыңнан астам адам алды, бұл 2023 жылдың сәйкес кезеңімен салыстырғанда 31% - ға артық. Белгіленген төлемнің ай сайынғы орташа мөлшері 57 346 теңгені құрады.
Асыраушысынан айырылған жағдайда төленетін әлеуметтік төлем міндетті әлеуметтік сақтандыру жүйесіне қатысушының асырауында болған адамдарға бюджет қаражаты есебінен төленетін асыраушысынан айырылуы бойынша мемлекеттік әлеуметтік жәрдемақысына қосымша тағайындалады. МӘСҚ-тен төлем асырауындағы адамдар 18 жасқа толғанға дейін, ал күндізгі оқу нысанында оқыған жағдайда 23 жасқа дейін төленеді.
Есепті кезеңде көрсетілген төлемді асыраушысынан айырылған 61,2 мың отбасы 8,6 млрд теңге сомасына алды, бұл 2023 жылдың сәйкес кезеңімен салыстырғанда 39%-ға көп. Белгіленген төлемнің ай сайынғы орташа мөлшері 58 543 теңгені құрады.
МӘСҚ-тен жұмысынан айырылу жағдайы бойынша әлеуметтік төлем әлеуметтік сақтандыру жүйесіне қатысушыға оның жұмыстан шығарылу себебіне қарамастан тағайындалады. Негізгі шарт - жұмыссыз ретінде тіркелу. Төлем мөлшері жұмыссыз ретінде тіркелгенге дейінгі соңғы 2 жыл ішінде МӘСҚ-ке әлеуметтік аударымдар жүргізілген орташа айлық табысқа, жүйеге қатысу өтіліне және табысты ауыстыру коэффициентіне (45%) байланысты.
2024 жылдың 3 айында бұл төлем 18,3 млрд теңге сомасына төленіп, оны 122,6 мың адам алды, бұл 2023 жылдың бірінші тоқсанындағы алушылар санынан 2 есе дерлік асып түсті. Өсім азаматтардың Электрондық үкімет және Электрондық еңбек биржасы порталдары, сондай-ақ екінші деңгейдегі банктердің мобильді қосымшалары арқылы төлемге өтініштер берудің электрондық нысанына сұранысқа байланысты. Белгіленген төлемнің ай сайынғы орташа мөлшері - 65 402 теңге.
Жүктілікке және босануға, жаңа туған баланы (балаларды) асырап алуға байланысты табысынан айырылу жағдайына байланысты әлеуметтік төлем жүктілік және босану бойынша демалыстың барлық күндеріне тағайындалады. Төлем мөлшері жүктілікке және босануға байланысты демалыс күніне дейінгі соңғы 12 айда МӘСҚ-ке әлеуметтік аударымдар жүргізілген орташа айлық табысқа және еңбекке жарамсыздық күндерінің санына байланысты болады.
2024 жылғы 1 сәуірдегі жағдай бойынша бұл біржолғы төлемді 65,8 мың болашақ ана жалпы сомасы 81,9 млрд теңгеге алды, бұл өткен жылдың сәйкес кезеңімен салыстырғанда 19%-ға артық. Тағайындалған төлемнің орташа мөлшері 1 460 282 теңгені құрады.
Бір жарым жасқа дейінгі бала күтіміне байланысты табысынан айырылу жағдайы бойынша ай сайынғы әлеуметтік төлем баланың туған күнінен бастап әлеуметтік сақтандыру жүйесіне қатысушыға тағайындалады. Төлем мөлшері соңғы 2 жылда МӘСҚ-ке әлеуметтік аударымдар жүргізілген орташа айлық табыстың 40%-ын құрайды. Екі және одан да көп бала туған кезде төлем әрбір балаға жеке тағайындалады.
2024 жылдың 3 айында бұл төлем 67 мың адамға тағайындалды, оның ай сайынғы орташа мөлшері 79 106 теңгені құрады. Төлем 94,9 млрд теңге сомасына жүргізілді, бұл 2023 жылдың осы кезеңімен салыстырғанда 1,8 есе көп.
Осылайша, міндетті әлеуметтік сақтандыру жүйесіне қатысатын жұмыс істейтін азаматтарды әлеуметтік қорғау жұмыс істемейтіндерге қарағанда әлдеқайда жоғары.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда жыл сайынғы жылу желілерін сынау өткізіледі
Сурет: gov.kz
2024 жылғы 24 сәуірден 15 мамырға дейін Алматының барлық аудандарының аумағында жылу желілерін гидравликалық сынау жүргізілетін болады, деп хабарлайды Алматы қаласы әкімдігінің баспасөз қызметінен.
Бұл күндері күн сайын сағат 04:00-ден 07:00-ге дейін магистральдық және тарату құбырларын тексеру тікелей жүргізілетін кезде қала тұрғындары мен мегаполис қонақтарына өте мұқият болуға, қарапайым сақтық ережелерін сақтауға кеңес береміз!
Қауіпсіздікті қамтамасыз ету шараларына қарамастан, кенеттен оқыс жағдайлар болып қалуы мүмкін: судың сыртқа ағуы,жол жабындысының ішінара бұзылуы және т.б.
Мұндай оқыс жағдайларда ешқандай дербес әрекет жасамаңыз, оқиға орнынан дереу кетіп, ол туралы "Алматы жылу желілері" ЖШС-не 378-06-48, 378-06-62 (тікелей нөмір), call-орталық: 341-07-00 немесе 341-07-77 (қосымша 1011 немесе 1014), сондай-ақ 109 телефондары арқылы хабарлаңыз.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.