"Туған өлкем" балалар шығармашылығының көрмесі ашылды
Көрме 2019 жылғы 23 қарашаға дейін жалғасады.
Алматы. 25 қазан. Kazakhstan Today - 23 қазан күні Қазақстан Республикасының Тұңғыш Президенті - Елбасы кітапханасының музейінде Көкшетау қ. Балалар көркемсурет мектебі түлектерінің дипломдық жұмыстары қойылған "Туған өлкем" көрмесінің ашылу салтанаты өтті. Көрмеге түрлі жанр мен техникада орындалған 50-ден астам жұмыс ұсынылды.
- Көкшетау жеріндегі табиғат жаратылысының осынау тамашасына тамсанған ақындар Көкше өңірін "кербез Көкше" деп жырласа, балалық шағы Көкшетаудың Сырымбетіндегі Айғаным әжесі тұрған хан ордасында өткен қазақтың ұлы ғалымы, суретшісі Шоқан Уәлихановтан бастау алатын қылқалам шеберлері ондағы пейзаж тудыратын құбылысты салудан еш жалықпаған. Арқаның кербез сұлу Көкшетауы республикамыздағы көркемсурет өнері дамыған орталықтардың бірі болып табылады. Сондықтан, Көкше өңірінің ізбасарларын дайындайтын Балалар көркемсурет мектебі түлектерінің дипломдық жұмыстарының көрмесі астаналық өнерсүйер қауым үшін өте маңызды оқиға деп білемін, - деп атап өтті көрменің ашқан Елбасы кітапханасының директоры, профессор Әмірхан Рахымжанов.
Көрме балалар шығармашылығы мен қосымша білім беру ұйымдарын қолдау жөніндегі "Туған өлкем" республикалық бағдарламасын жүзеге асыру аясында өтуде. Жоба серіктесі - Нұр-Сұлтан қ. Балалар көркемсурет мектебі - ЮНЕСКО клубы.
Іс-шараға Нұр-Сұлтан қ. Балалар көркемсурет мектебі - ЮНЕСКО клубының директоры Гүлзия Исеновада қатысты. Ол Көкшетау қ. Балалар көркемсурет мектебі ұжымын көрменің ашылуымен құттықтады және балалар шығармашылығын қолдап, көрме алаңын ұсынғаны үшін Елбасы кітапханасына ризашылығын білдірді.
Елбасы Н.Ә. Назарбаевтың "Рухани жаңғыру" бағдарламалық мақаласына жауап ретінде жүзеге асырырылып отырған балалар шығармашылығын қолдау жөніндегі"Туған өлкем" республикалық бағдарламасы жас дарындарды іріктеуге және республикалық қосымша білім беру ұйымдарының жұмысын насихаттауға бағытталған. Елбасы кітапханасында екі жыл бойыжүзеге асырылып келе жатқанбағдарлама аясында Қарағанды,Семей, Шымкент, Павлодар, ЕкібастұзжәнеТеміртау қалалары көркемсурет мектептері түлектерінің үздік жұмыстарының көрмесі ұсынылды.
- "Туған өлкем" бағдарламасы өңірлік көркемсурет мектептеріне Елбасы кітапханасы сынды кәсіби алаңға, көрме кеңістігіне шығуға мүмкіндік береді. Бұл біз үшін жоғары құрмет. Жобаның бастамашылары мен ұйымдастырушыларына алғысымды білдіремін. Бүгінгі көрмеге шәкірттеріміздің қорытынды емтихандық көркем және қолданбалы жұмыстарын ұсынып отырмыз. Олар алуан түрлі техникада орындалған: кілем тоқу өнері, құрғақ және дымқыл жабағылану, майлы, акрилді сурет өнері, графика.Көкшетау қ. Балалар көркемсурет мектебі ұстаздарының деңгейі өте жоғары, бізде алты Суретшілер одағының мүшесі қызмет жасайды. Қазақ хандығының негізін қалаған Керей мен Жәнібек хандар, Кеңес одағының батыры И.Панфилов ескерткіштерінің,"Қазақ еліне мың алғыс"монументініңжәне басқа да мүсіндік туындылардың авторы, белгілі мүсінші Ринат Әбенов-біздің мектебіміздің түлегі.Ал Болат Мекебаев - көптеген халықаралық конкурстардың лауреаты және қазақстандық патриотизмнің шынайы үлгісі. Ол Отанынан шалғай, Германияда 20 жылдан астам өмір сүріп жүрсе де туған халқының мәдениеті мен тарихын өз өнерімен насихаттаудан танбауда, - деді Көкшетау қ. Балалар көркемсурет мектебінің директоры, ҚР Суретшілер одағының мүшесі Юлия Желобкова.
Сондай-ақ, көрменің ашылуы аясында Көкшетау қ. Балалар көркемсурет мектебінің ұстаздары Ақмарал Сәрсенбаева мен Татьяна Соловьеваның "Флюид арт" (сұйық акрилмен сурет салу) және "Дудлинг" (дудлинг техникасындағы монограмма) шеберлік сыныптары өтті.
- Маған шеберлік сынып қатты ұнады. Біз жаңа, әрі қызықты техникамен таныстық. Мен міндетті түрде өз жұмысымды сұйық акрилмен салып көремін. Көрме де ұнады, әдемі туындылар қойылған, - деді шеберлік сыныптан алған әсерімен бөліскен Нұр-Сұлтан қ. Балалар көркемсурет мектебінің 4-сынып оқушысы Лиза Копылова.
Көкшетау қ. Балалар көркемсурет мектебінің негізі 1979 жылы қаланған. Ұстаздар мен оқушылардың белсенді шығармашылық еңбегі мектептің қала өмірінде ерекше орын алуына мүмкіндік берді. Көкшетау қ. Балалар көркемсурет мектебі халықаралық, республикалық, облыстық және қалалық фестивальдар, конкурстар мен көрмелерге тұрақты түрде қатысады. Балалар көркемсурет мектебі ашылғалы 40 жыл ішінде оны 2000-нан астам балалар тәмамдады. Олардың көпшілігі кәсіби суретші, сәулетші, дизайнер және мүсінші атанды.
Көрме 2019 жылғы 23 қарашаға дейін жалғасады.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
Алматылық меценаттар жаңа буын жатақханаларын салып жатыр
Алматы әкімі Ерболат Досаев жеке инвестициялар есебінен салынған болашақ ұстаздарға арналған жаңа заманауи студенттер жатақханасына барды, деп хабарлайды Алматы қаласы әкімдігінің баспасөз қызметінен.
1 млрд 350 млн теңгенің жобасын "Karazhal operating", "Rise capital", "Daco Motors KZ", "San tyres", "Pine education", "Kazintel group" және т.б. 50-ден астам компанияны, меценат пен инвесторды біріктірген "Mugalim" қоғамдық бірлестігі жүзеге асырды.
Бұған дейін Алматының Бостандық ауданындағы Жароков және Дунаевский көшелерінің бойындағы осы учаскеде 6 жылдан астам уақыт бойы иесіз қалған қараусыз қалған ғимарат болған. Ауданы 2 мың шаршы метр және жобалық қуаты 200 адамға дейінгі студенттердің жаңа үйі Йель, Оксфорд университеттері сияқты жоғары оқу орындарының жатақханаларының халықаралық стандарты бойынша салынған, мұнда тұратындар үшін коворкинг-орталық, конференц-зал, Study room, шатырдағы үлкен терраса және т.б. барлық жағдай жасалған.
Жатақхана Абай атындағы Қазақ ұлттық педагогикалық университеті, Қазақ ұлттық қыздар педагогикалық университеті, Қазақ ұлттық университеті, С. Демирель атындағы университет және т.б. жоғары оқу орындарының болашақ оқытушы-студенттеріне арналған.
Жаңа заманауи жағдайда жайлы өмір сүру мүмкіндігінің пайда болғанына қуаныштымыз. Мұнда жобалармен жұмыс істеуге, шығармашылықпен айналысуға болатын коворкинг орталығы бар, ол үшін барлық жағдай жасалған. Бұл пәтер жалдауға қалтасы көтермейтін студенттерге таптырмас дүние", - деді Абай атындағы Қазақ ұлттық педагогикалық университетінің студенті Жанерке Тоқтарова.
Сапар барысында Алматы әкімі Ерболат Досаев бұл нысандардың қаланың әлеуметтік инфрақұрылымын жақсарту үшін маңызы зор екенін атап өтті. "Мұғалімдердің мәртебесін көтеру үшін уақыт талабына сай қолайлы жағдай жасау маңызды. Заманау мұғалім тек мұғалім ғана емес, сонымен қатар әдіскер, тәлімгер, тәрбиеші. Қала атынан алғыс айтып, бизнеске, меценаттарға осындай маңызды әлеуметтік жобаларды іске асыруға белсенді қатысуға шақырамын", - деді Е.Досаев.
Mugalim" ҚБ-ның айтуынша, тағы бірнеше білім беру нысанын салу жоспарланған. Жыл соңына дейін Zhibek Dorm қоғамдық бірлестігінің меценаты тағы 100 орындық жатақхана салуды жоспарлап отыр. Сондай-ақ, "Mugalim" ҚБ 110 орындық студенттер үйін (меценат - Yamoto ЖК) және 135 орындық жатақхананы ("Кемел" жеке қоры) жүзеге асыруды жоспарлап отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда тағы күн суытады
Болжам бойынша, сәуірдің соңғы күні мен мамырдың басында ауа температурасы төмендейді деп күтілуде, деп хабарлайды "Zakon.kz "Қазгидромет" РМК сілтеме жасай отырып.
Батыс Ресей облыстарынан соққан антициклонның екпіні солтүстік, шығыс және орталық облыстарда ауа температурасының түнде 0+5°С, аяз -1-6°С, күндіз +5°С дейін төмендеуіне әкеледі. Сондай-ақ, +13°C суық фронт республиканың оңтүстік аймақтарына біртіндеп ауысып, ауа температурасы түнде +2+7°С, аяз -2°С, күндіз. +15+25°C".
Синоптиктер республиканың басым бөлігінде атмосфералық фронтальды бөліктердің өтуімен жауын-шашын күтілетінін атап өтті: 1-2 мамырда еліміздің солтүстігінде, шығысында, оңтүстік-шығысында және орталығында қатты жауын-шашын болады, түнде жауын-шашын болады. жаңбыр қарға айналуы мүмкін.
Елдің оңтүстік-шығысында да найзағай ойнап, бұршақ жаууы мүмкін. Республика бойынша екпінді жел күшейеді, түнде солтүстік және шығыс облыстарда тұман күтіледі".
Бұдан бұрын хабарланғандай, 2024 жылдың 29 сәуірінде Астанада және еліміздің 10 облысында дауылды ескерту жарияланған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда субұрқақтар 1 мамырда іске қосылады
1 мамырда Алматы қаласында 60 субұрқақ іске қосылады. Қала балансында барлығы 66 субұрқақ бар, оның 6-ын қайта жаңғыртуда ("Одуванчик", "Аққу", "Қызғалдақ" субұрқақтары, М. Әуезов Қазақ ұлттық драма театрының алдында Әл-Фараби атындағы ҚазҰУ және ҚР Мемлекеттік мұражайы), деп хабарлайды Алматы қаласы әкімдігінің баспасөз қызметінен.
Алматы - біздің ортақ үйіміз" науқаны аясында субұрқақтардың тостағандары, түптері, қабырғалары тазартылып, гранит плиталарын қалпына келтіру бойынша дайындық жұмыстары жүргізілді. Мамандар субұрқақтардың сәндік элементтерін бояды, электр жабдықтары мен сорғыларына, электр энергиясының инженерлік желілеріне, суық сумен жабдықтауға және кәрізге ревизия жүргізді. Коммуналдық қызметтерді жеткізушілермен сумен жабдықтау және электрмен жабдықтау жүйелері қайта консервацияланды. Дайындық жұмыстары барысында авариялық учаскелер анықталды, қазіргі уақытта инженерлік сумен жабдықтау және электрмен жабдықтау желілерін қалпына келтіру жұмыстары аяқталуда.
Естеріңізге сала кетейік, 8 сәуірден 8 мамырға дейін "Алматы - біздің ортақ үйіміз" науқаны өтіп жатыр, оның аясында қалада және таулар, өзендер мен көлдер аумағында қоқыстардан тазарту, ағаштарды, гүлдер мен бұталарды жаппай отырғызу, ғимараттардың қасбеттерін жуу, шағын сәулет нысандарын, қоршауларды, балалар жән спорт алаңдары жөнделіп, айнала абаттандырылуда.
Әрбір алматылық қаланың тазалығы мен игілігіне үлес қоса алады. Толық ақпарат аlmaty.kz сайтында, Алматы әкімдігінің әлеуметтік желілерінде орналастырылған. Веб-сайтқа қала бойынша орналастырылған баннерлер, постерлер мен афишалардағы арнайы QR-код арқылы кіруге болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда 27 сәуірде жаппай алма ағаштары отырғызылады
«Алматы – бақ қала» акциясы аясында осы жылдың 27 сәуірінде сағат 10.00-ден 13.00-ге дейін «Алматы – біздің ортақ үйіміз» науқанының аясында жасыл желек егумен қатар, жаппай алма ағаштары отырғызылады. 7705 жасыл желек, оның ішінде 4015 жеміс (3855 алма ағашы) және 1090 жапырақты ағаш, 2600 бұта (сәнтал, ырғай, қабыржық, қаржеміс және т.б.) отырғызылады, деп хабарлайды Алматы қаласы әкімдігінің баспасөз қызметінен.
«Алматы - бақ қала» жалпықалалық акциясына қатысуға Алматының барлық тұрғыны мен қонағы шақырылады. Акция барысында шығармашылық байқаулар (таңертеңгілік жаттығу, би флешмобы, йога, викторина, шеберлік дәрісі және т.б.) өткізу көзделген.
Көшет егу жоспарланған негізгі орындар:
- ҮАК бойындағы көшенің солтүстігінде, Жаңа Сайын көшесінің шығысында орналасқан саябақ аумағында 500 жеміс ағашы (алма ағашы – 250 дана, өрік – 250 дана);
- «ALA» саябағының аумағында 2 270 алма көшеті;
- Боралдай өзенінің бойындағы бақылау алаңында 1000 жапырақты ағаш.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда жаңа жағалау салынуда
Сурет: gov.kz
Қарғалы" жобасы: Алматыда өзен жағасында ыңғайлы демалыс аймағы пайда болады, деп хабарлайды Алматы қаласы әкімдігінің баспасөз қызметінен.
Алматы қаласының Наурызбай ауданында "Алматы - біздің ортақ үйіміз" науқаны аясында 7,7 шақырымға созылып жатқан "Қарғалы" өзенінің жағалауы қайта жаңғыртылуда.
Естеріңізге сала кетейік, науқанның үшінші аптасы "Біздің қала - біздің таулар, өзендер мен көлдер" ұраны аясында өтуде. Апта ішінде жағалаулар мен су айдындары, саябақтар, скверлер мен тау бөктері тазартылады.
Қарғалы жобасының мақсаты - бұл аймақтың экожүйесін сақтай отырып, қала тұрғындарының демалуы үшін неғұрлым ыңғайлы әрі тартымды орта жасау.
Мұнда өзен арнасын тазартып, серуендеу аймағын құру жоспарланған. 3 мыңға жуық ағаш отырғызылады. Сондай-ақ көпжылдық гүлдер мен шөптердің гүлзары, қылқан жапырақты және жапырақты ағаштар мен бұталар егіледі. Жалпы ұзындығы 2,7 шақырымға жететін суармалы су құбыры тартылады.
Ұзындығы 4,3 шақырым болатын 196 жарық бағанасы орнатылады. Келушілердің жайлылығы үшін 135 орындық пен қоқыс жәшігіне қою жоспарда бар.
Жобаның маңызды бөлігі сол, балалар мен спорт алаңдары, жаяу жүру жолдары мен өзен жағасында демалу мүмкіндігі бар жаңа қоғамдық кеңістік құру. Әткеншек, сырғанақ және өрмелеу сияқты ашық ойын элементтері балалардың моторикасы мен физикалық белсенділігін арттырады. Балаларға арналған құмсалғыштар мен су аймақтарын, сондай-ақ ата-аналарға арналған орындықтары мен үстелдері бар демалыс аймағын құру жоспарлануда.
Түрлі ерекшелігі бар балалар үшін де ойын алаңдарында инклюзивті элементтер қойылатындығын атап өткен жөн.
Көпір жолын қайта құрып, жаяу жүргіншілер мен велосипедшілерге қауіпсіздік пен қолжетімділік қамтамасыз етілмек. Тротуарлар мен велосипед жолдарын орнату қарастырылған.
Бұл жоба "Қарғалы" өзенінің жағалауын қала шетіндегі бірегей табиғи саябаққа айналдырады. Құрылыс жұмыстарын 2024 жылдың қараша айына дейін аяқтау жоспарда бар.
Алматы - біздің ортақ үйіміз" науқаны туралы барлық ақпарат https://www.almaty.kz/ сайтында, Алматы әкімдігінің әлеуметтік желілерінде орналастырылған. Сондай-ақ, веб-сайтқа қала бойынша баннерлерде, плакаттарда арнайы орналастырылған QR-код арқылы да кіруге болады.
Әлеуметтік медиа науқанының белсенді қатысушыларына арналған хэштегтер:
#АлматыНашОбщийДом, #НасМногоГородОдин, #АлматыБіздіңОртақҮйіміз, #БізКөппізҚалажалғыз.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.