Доха қаласында Халықаралық әскери спорт кеңесі спорт комитеттері басшыларының отырысы өтті
Естеріңізге сала кетейік, Қазақстан Республикасының Қарулы Күштері CISM басшылығының құрамына енді және 2019 жылдың қазанынан бастап бокс бойынша комитетті басқарады.
Алматы. 27 қаңтар. Kazakhstan Today - Катар астанасы Доха қаласында Халықаралық әскери спорт кеңесі - CISM президентінің басшылығымен спорт комитеттері басшыларының отырысы өтті. ҚР Қорғаныс Министрлігінен бұл отырысқа ҚР ҚМ АОСК спорт комитетінің басшылығы қатысты.
Халықаралық әскери спорт кеңесі 135 елді біріктіретін және Дүниежүзілік әскери ойындарды қоса алғанда, маңызды халықаралық спорттық іс-шаралардың ұйымдастырушысы болып табылатын әлемдегі ең ірі спорт ұйымдарының бірі болып табылады. Кездесуге қатысушылар әскери-қолданбалы және олимпиадалық спорт түрлерін дамытуға қатысты бірқатар мәселелерді талқылады. Сондай-ақ кездесу барысында "Самбо" спортының жаңа түрін CISM бағдарламасына және спорттық шаралардың екі жылдық жоспар-кестесін енгізу туралы ұсыныс қаралды.
Отырыста VII Дүниежүзілік әскери ойындарының қорытындысы шығарылып, онда комитеттің әрбір Президенті жетекшілік ететін спорт түрлері бойынша атқарылған жұмыстар туралы баяндады. Белгілі болғандай, ойындарды өткізу кезінде спорттық бағдарлау, футбол және баскетбол бойынша ұйымдастырушылар тарапынан ережелерді өрескел бұзуға жол берілген. Болашақта мұндай жағдайларды болдырмау үшін әрбір жағдай бойынша тергеу тағайындалған.
"CISM жыл сайын әртүрлі спорт түрлерінен әскери қызметшілер арасында 20-дан астам әлем чемпионатын және әр төрт жыл сайын Дүниежүзілік жазғы және қысқы әскери ойындарды ұйымдастырады. Бұл әскери қызметшілерге арналған Олимпиада" - деп атап өтті Спорт комитетінің төрағасы ҚР ҚМ АОСК бастығы Айталап Қорғанбаев.
Естеріңізге сала кетейік, Қазақстан Республикасының Қарулы Күштері CISM басшылығының құрамына енді және 2019 жылдың қазанынан бастап бокс бойынша комитетті басқарады.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
Қазақстандық гимнаст батуттық гимнастикадан Париждегі Олимпиадаға тағы бір жолдаманы жеңіп алды
Сурет: gov.kz
Қазақстандық гимнаст батуттық гимнастикадан Париждегі Олимпиадаға тағы бір жолдаманы жеңіп алды, деп хабарлайды ҚР Туризм және спорт министрлігінің баспасөз қызметінен.
Батуттық гимнастикадан әлем кубогының 5 кезеңінің қорытындысы бойынша, 25 жастағы Данил Мұсабаев Париж Олимпиадасының жолдамасын жеңіп алды.
2023 жылы Ханчжоудағы жазғы Азия ойындарында батуттық гимнастикадан жеке жаттығуда бірінші рет күміс жүлде иеленген.
Бұған дейін батуттық гимнастикадан 2016 жылы Рио Олимпиадасында алғаш Пирмаммад Алиев қатысып, 12-орынға табан тіреген еді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық гимнаст Испаниядағы Гран-при кезеңінде алтын медаль жеңіп алды
Сурет: instagram/kazgymfederation
Эльжана Таниева Испаниядағы Гран-При кезеңінде алтын медаль жеңіп алды, деп хабарлайды Қазақстан гимнастика федерациясының баспасөз қызметінен.
Көркем гимнастикадан Испанияның Марбелье қаласында өткен Гран-При кезеңінде қазақстандық Эльжана Таниева тұғыр биігінен көрінді.
Доппен жаттығудың финалында өнер көрсеткен спортшымыз төрешілерден 33.400 ұпай алып, алтын жүлдеге қол жеткізді.
Бұл сында өзбекстандық спортшы күміс медаль (32.600) иегері атанса, словениялық гимнасшы (32.200) үздік үштікті түйіндеді.
Эльжана Таниева мен бапкері Әлия Махсұтқызын алтын жүлдемен құттықтаймыз!
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық теннисшілер Индиан-Уэллс турнирін жеңіспен бастады
Сурет: KTF
Қазақстандық теннисшілер Индиан-Уэллс турнирін жеңіспен бастады, деп хабарлайды ҚТФ баспасөз қызметінен.
Әлемнің 51-ракеткасы Александр Шевченко Индиан-Уэллс мастерс жарысының алғашқы айналымында рейтингіде өзінен екі саты жоғары тұрған германиялық Доминик Кепфермен сынға түсті.
Бірінші партияда Шевченко 6:3 есебімен басымдық танытса, екіншісінде есе жіберді - 1:6. Дегенмен шешуші, үшінші сетте тай-брейкте жеңісті жұлып алды - 7:6 (7:3).
Александр Шевченко екінші айналымда әлемнің 22-ракеткасы, аргентиналық Франсиско Черундоломен шеберлік байқасады.
Әйелдер арасында Индиан-Уэллс WTA 1000 додасында әлемнің 79-ракеткасы Юлия Путинцева да сәтті ойнай алды. Ол рейтингіде 76-орындағы тағы бір германиялық Тамара Корпачты екі сетте жеңді - 6:2, 6:3.
Юлия Путинцеваның келесі қарсыласы - әлемнің 16-ракеткасы, ресейлік Екатерина Александрова.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Елена Рыбакина Доха турнирінің ширек финалына өтті
Сурет: ktf
Елена Рыбакина Доха (Қатар) WTA 1000 турнирінің ширек финалына шықты, деп хабарлайды ҚТФ баспасөз қызметінен.
Жарыстың 3-ракеткасы болып тіркелген қазақстандық теннисші үшінші айналымда дүниежүзілік рейтингіде 23-орында тұрған америкалық, 22 жастағы Эмма Наварромен шеберлік байқасты.
Бірінші партияда Рыбакина 5:0 есебімен алға кетіп, бет қаратпады - 6:1.
Керісінше тартысты өрбіген екінші сетте тай-брейкте Наварроның асығы алшысынан түсті - 7:6 (8:6).
Үшінші, шешуші партияда Елена брейк жасап, 4:2 есебімен алға шықты. Ақыры осы басымдылығынан танған жоқ - 6:4.
Екі сағат 10 минутқа созылған тартысты бәсеке барысында қазақстандық спортшы 10 эйс жасап, 10 брейк-пойнттың алтауын мүлт жіберген жоқ.
Елена Рыбакина жартылай финалға шығу үшін әлемнің 38-ракеткасы, 2021 жылғы АҚШ ашық чемпионатының финалисі, канадалық Лейла Фернандеспен кездеседі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.