Қазақстанда олимпиадалық резервті даярлау бойынша 17 орталық жұмыс істейді - Т.Есентаев
Қазақстанда олимпиадалық резервті даярлау бойынша 17 орталық жұмыс істейді, деп ҚР Спорт және дене шынықтыру агенттігінде өткен кеңейтілген отырыста ведомство басшысы Тастанбек Есентаев мәлім етті.
Алматы. 3 наурыз. Kazakhstan today. Қазақстанда олимпиадалық резервті даярлау бойынша 17 орталық жұмыс істейді, деп ҚР Спорт және дене шынықтыру агенттігінде өткен кеңейтілген отырыста ведомство басшысы Тастанбек Есентаев мәлім етті.
"Мемлекеттің сапалы спорттық резервін даярлау бойынша 17 олимпиадалық резервті даярлау орталығы жұмыс істейді. Онда барлығы 1359 спортшы өз шеберлігін шыңдауда, ал, 9 республикалық мамандандырылған олимпиада резервін даярлау бойынша орталықтарда 1275 спортшы өз біліктілігін арттыруда. Орталықта жаттығатындардың 95% Қазақстанның ұлттық жастар және жасөспірімдер құрама қомандасына кіреді", - деді Т. Есентаев.
Коллегияда спорттық жыл қорытындыланды. Жалпы құрама қомандаға кіретін спортсмендер әртүрлі деңгейдегі 732 медалді иеленді.
"Олимпиадалық емес спорт түрі бойынша барлығы 279 медальге қол жетсе, оның - 112 алтын, 80 күміс, 87 қола. Олардың ішінде 92 әлем чемпионатынан, Азиядан - 43, халықаралық турнирлерден - 144 медаль", - деп Агенттік басшысы хабарлады.
Оның айтуынша, мүмкіндігі шектеулі спортшылар халықаралық жарыстарда 28 медальды қанжығасына байласа, олардың 9 алтын, 13 күміс және 4 қола.
тақырып бойынша жаңалықтар
Қазақстандық гимнаст батуттық гимнастикадан Париждегі Олимпиадаға тағы бір жолдаманы жеңіп алды
Сурет: gov.kz
Қазақстандық гимнаст батуттық гимнастикадан Париждегі Олимпиадаға тағы бір жолдаманы жеңіп алды, деп хабарлайды ҚР Туризм және спорт министрлігінің баспасөз қызметінен.
Батуттық гимнастикадан әлем кубогының 5 кезеңінің қорытындысы бойынша, 25 жастағы Данил Мұсабаев Париж Олимпиадасының жолдамасын жеңіп алды.
2023 жылы Ханчжоудағы жазғы Азия ойындарында батуттық гимнастикадан жеке жаттығуда бірінші рет күміс жүлде иеленген.
Бұған дейін батуттық гимнастикадан 2016 жылы Рио Олимпиадасында алғаш Пирмаммад Алиев қатысып, 12-орынға табан тіреген еді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық гимнаст Испаниядағы Гран-при кезеңінде алтын медаль жеңіп алды
Сурет: instagram/kazgymfederation
Эльжана Таниева Испаниядағы Гран-При кезеңінде алтын медаль жеңіп алды, деп хабарлайды Қазақстан гимнастика федерациясының баспасөз қызметінен.
Көркем гимнастикадан Испанияның Марбелье қаласында өткен Гран-При кезеңінде қазақстандық Эльжана Таниева тұғыр биігінен көрінді.
Доппен жаттығудың финалында өнер көрсеткен спортшымыз төрешілерден 33.400 ұпай алып, алтын жүлдеге қол жеткізді.
Бұл сында өзбекстандық спортшы күміс медаль (32.600) иегері атанса, словениялық гимнасшы (32.200) үздік үштікті түйіндеді.
Эльжана Таниева мен бапкері Әлия Махсұтқызын алтын жүлдемен құттықтаймыз!
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық теннисшілер Индиан-Уэллс турнирін жеңіспен бастады
Сурет: KTF
Қазақстандық теннисшілер Индиан-Уэллс турнирін жеңіспен бастады, деп хабарлайды ҚТФ баспасөз қызметінен.
Әлемнің 51-ракеткасы Александр Шевченко Индиан-Уэллс мастерс жарысының алғашқы айналымында рейтингіде өзінен екі саты жоғары тұрған германиялық Доминик Кепфермен сынға түсті.
Бірінші партияда Шевченко 6:3 есебімен басымдық танытса, екіншісінде есе жіберді - 1:6. Дегенмен шешуші, үшінші сетте тай-брейкте жеңісті жұлып алды - 7:6 (7:3).
Александр Шевченко екінші айналымда әлемнің 22-ракеткасы, аргентиналық Франсиско Черундоломен шеберлік байқасады.
Әйелдер арасында Индиан-Уэллс WTA 1000 додасында әлемнің 79-ракеткасы Юлия Путинцева да сәтті ойнай алды. Ол рейтингіде 76-орындағы тағы бір германиялық Тамара Корпачты екі сетте жеңді - 6:2, 6:3.
Юлия Путинцеваның келесі қарсыласы - әлемнің 16-ракеткасы, ресейлік Екатерина Александрова.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.