ҚР Мемлекеттік Орталық музейінде "Қазақстан спортыныӊ тарихы" атты көрменіӊ ашылуы өтті
ҚР Мемлекеттік Орталық музейінде Алматы қаласындағы XXVIII Дүниежүзілік қысқы Универсиадаға орайластырылған "Қазақстан спортыныӊ тарихы" атты көрменіӊ ашылуы өтті.
Алматы. 27 қаӊтар. Kazakhstan Today - ҚР Мемлекеттік Орталық музейінде Алматы қаласындағы XXVIII Дүниежүзілік қысқы Универсиадаға орайластырылған "Қазақстан спортыныӊ тарихы" атты көрменіӊ ашылуы өтті.
Көрмені Қазақстан Республикасы Мемлекеттік орталық музейі директорыныӊ орынбасары Қақабаев Бейбітқали Смағұлұлы ашты.
Елімізде XXVIII Дүниежүзілік қысқы Универсиаданыӊ өтуі және Қазақстанныӊ ТМД елдерініӊ ішінде еӊ алғашқы болып осы қысқы Универсиаданы өткізуі - бүгінгі Егемен Қазақстанныӊ спорттық державалар алдында спорт саласында үлкен нәтижелерге жеткенін мойындатып, зор беделге ие болып отырғандығыныӊ дәлелі.
Көрменіӊ ашылуына келген құрметті қонақтар - грек-рим күресініӊ палуаны, Халықаралық спорт шебері, КСРО-ға Еӊбегі сіӊген спорт шебері, қазақтан шыққан тұӊғыш Олимпиада чемпионы және Илем чемпионы Жақсылық Имірәліұлы Үшкемпіров, Қазақстандағы алғашқы КСРО-ға Еӊбегі сіӊген спорт жаттықтырушысы, биология ғылымдарыныӊ кандидаты, профессор Хван Май Ундеевич, Қазақ КСР-іне Еӊбегі сіӊген спорт жаттықтырушысы, Самбодан алғашқы қазақстандық халықаралық дәрежедегі төреші, профессор, Қазақ спорт және туризм академиясы күрес кафедрасыныӊ меӊгерушісі Шепетюк Михаил Николаевич сөз алды.
Қазақстан Республикасы Мемлекеттік орталық музейі Мәдени-білім жұмысы орталығыныӊ музейлік педагогика секторы қызметкерлері Алматы қаласындағы XXVIII Дүниежүзілік қысқы Универсиадаға арналған музей қорыныӊ коллекциясы негізінде құрылған "Қазақстан спортыныӊ тарихы" көрмесі аясында 5-7 сынып оқушыларына қазақ және орыс тілдерінде мәдени-білім беру бағдарламасын әзірледі. Мақсаты - Қазақстан спортыныӊ даму тарихымен таныстыру мен отандық спортшылардыӊ жетістіктерін насихаттау.
Көрменіӊ ашылуы күні №96 жалпы білім беретін мектеп және №24 физикалық-математикалық лицей оқушылары үшін XXVIII Дүниежүзілік қысқы Универсиадаға арналған жедел-сауалнама мен "Қазақстан спортыныӊ тарихы" көрмесі экспозициясыныӊ негізінде құрастырылған 8 Зияткерлік интерактивті ойын-викторинасы жүргізілді. Жеӊімпаз топтарға Қазақстан Республикасы Мемлекеттік орталық музейі атынан мадақтама және кәдесыйлар берілді.
Көрме Универсиада өтетін уақытта және оқушылардыӊ қысқы демалыс кезінде 26 наурызға дейін жұмыс істейді.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстандық гимнаст батуттық гимнастикадан Париждегі Олимпиадаға тағы бір жолдаманы жеңіп алды
Сурет: gov.kz
Қазақстандық гимнаст батуттық гимнастикадан Париждегі Олимпиадаға тағы бір жолдаманы жеңіп алды, деп хабарлайды ҚР Туризм және спорт министрлігінің баспасөз қызметінен.
Батуттық гимнастикадан әлем кубогының 5 кезеңінің қорытындысы бойынша, 25 жастағы Данил Мұсабаев Париж Олимпиадасының жолдамасын жеңіп алды.
2023 жылы Ханчжоудағы жазғы Азия ойындарында батуттық гимнастикадан жеке жаттығуда бірінші рет күміс жүлде иеленген.
Бұған дейін батуттық гимнастикадан 2016 жылы Рио Олимпиадасында алғаш Пирмаммад Алиев қатысып, 12-орынға табан тіреген еді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық гимнаст Испаниядағы Гран-при кезеңінде алтын медаль жеңіп алды
Сурет: instagram/kazgymfederation
Эльжана Таниева Испаниядағы Гран-При кезеңінде алтын медаль жеңіп алды, деп хабарлайды Қазақстан гимнастика федерациясының баспасөз қызметінен.
Көркем гимнастикадан Испанияның Марбелье қаласында өткен Гран-При кезеңінде қазақстандық Эльжана Таниева тұғыр биігінен көрінді.
Доппен жаттығудың финалында өнер көрсеткен спортшымыз төрешілерден 33.400 ұпай алып, алтын жүлдеге қол жеткізді.
Бұл сында өзбекстандық спортшы күміс медаль (32.600) иегері атанса, словениялық гимнасшы (32.200) үздік үштікті түйіндеді.
Эльжана Таниева мен бапкері Әлия Махсұтқызын алтын жүлдемен құттықтаймыз!
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық теннисшілер Индиан-Уэллс турнирін жеңіспен бастады
Сурет: KTF
Қазақстандық теннисшілер Индиан-Уэллс турнирін жеңіспен бастады, деп хабарлайды ҚТФ баспасөз қызметінен.
Әлемнің 51-ракеткасы Александр Шевченко Индиан-Уэллс мастерс жарысының алғашқы айналымында рейтингіде өзінен екі саты жоғары тұрған германиялық Доминик Кепфермен сынға түсті.
Бірінші партияда Шевченко 6:3 есебімен басымдық танытса, екіншісінде есе жіберді - 1:6. Дегенмен шешуші, үшінші сетте тай-брейкте жеңісті жұлып алды - 7:6 (7:3).
Александр Шевченко екінші айналымда әлемнің 22-ракеткасы, аргентиналық Франсиско Черундоломен шеберлік байқасады.
Әйелдер арасында Индиан-Уэллс WTA 1000 додасында әлемнің 79-ракеткасы Юлия Путинцева да сәтті ойнай алды. Ол рейтингіде 76-орындағы тағы бір германиялық Тамара Корпачты екі сетте жеңді - 6:2, 6:3.
Юлия Путинцеваның келесі қарсыласы - әлемнің 16-ракеткасы, ресейлік Екатерина Александрова.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Елена Рыбакина Доха турнирінің ширек финалына өтті
Сурет: ktf
Елена Рыбакина Доха (Қатар) WTA 1000 турнирінің ширек финалына шықты, деп хабарлайды ҚТФ баспасөз қызметінен.
Жарыстың 3-ракеткасы болып тіркелген қазақстандық теннисші үшінші айналымда дүниежүзілік рейтингіде 23-орында тұрған америкалық, 22 жастағы Эмма Наварромен шеберлік байқасты.
Бірінші партияда Рыбакина 5:0 есебімен алға кетіп, бет қаратпады - 6:1.
Керісінше тартысты өрбіген екінші сетте тай-брейкте Наварроның асығы алшысынан түсті - 7:6 (8:6).
Үшінші, шешуші партияда Елена брейк жасап, 4:2 есебімен алға шықты. Ақыры осы басымдылығынан танған жоқ - 6:4.
Екі сағат 10 минутқа созылған тартысты бәсеке барысында қазақстандық спортшы 10 эйс жасап, 10 брейк-пойнттың алтауын мүлт жіберген жоқ.
Елена Рыбакина жартылай финалға шығу үшін әлемнің 38-ракеткасы, 2021 жылғы АҚШ ашық чемпионатының финалисі, канадалық Лейла Фернандеспен кездеседі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.