Система Orphus

Түркістан облысының әкімі жеңімпаз спортшылар мен олардың бапкерлерімен кездесті

15.05.2019, 18:04 4834

Түркістан. 15 мамыр. Kazakhstan Today - Түркістан облысының әкімі Өмірзақ Шөкеев еліміздің абыройын асқақтатып жүрген жеңімпаз спортшылар мен олардың бапкерлерімен кездесті. Олардың қатарында бокстан ҚР еңбегі сіңген жаттықтырушы Мырзағали Айтжанов, Тоғызқұмалақтан ҚР еңбегі сіңген жаттықтырушы Камила Көпбаева, бокстан ҚР халықаралық дәрежедегі спорт шебері, Азия чемпионы Бек Нұрмағанбет, Тоғызқұмалақтан ҚР еңбегі сіңген спорт шебері Әсел Далиева, Тоғызқұмалақтан ҚР халықаралық дәрежедегі спорт шебері, Әлем чемпионы Лина Каримова және тоғызқұмалақтан спорт шебері, Әлем чемпионатының күміс жүлдегері Саят Жандарбек бар.

Биыл сәуір айында Түркияның Анталия қаласында өткен Әлем чемпионатында тоғызқұмалақтан жарысқа түскен жерлестеріміз сәтті өнер көрсете білді. Жиырмаға жуық елден спортшылар қатысқан дүбірлі бәсекеде Түркістан облысының спортшылары 2 алтын және 2 күміс медальға қол жеткізді. Атап айтсақ, Әсел Дәлиева бір алтын және бір күміс медальға иелік етсе, Лина Каримова да ел қоржынына алтын жүлде салды. Ал Жандарбек Саят күміс медальды жеңіп алды. Осылайша, облысымыздың 2 өрені әлем чемпионы атанып отыр.

Сонымен қатар Тайландтың Банкок қаласында ұйымдастырылған бокстан ересектер арасындағы Азия чемпионатында түркістандық Бек Нұрмағанбет жеңімпаз атанған болатын.

Облыс әкімі Өмірзақ Естайұлы елдің абыройын асқақтатқан спортшылар мен білікті жаттықтырушыларға құрмет көрсетіп, сый-сыяпат жасады. Спортшылар қауымы өңір басшысына ризашылықтарын білдіріп, алдағы байрақты бәсекелерде жеңісті жолды жалғастыруға күш салатындарын жеткізді.

Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны