2016 жылы ветеринарлық бақылау саласыныӊ лауазымды тұлғаларына қатысты 31 сыбайлас жемқорлық қылмыс тіркелді
2017 жылғы 3 тамызда Қазақстан Республикасыныӊ Мемлекеттік қызмет істері және сыбайлас жемқорлыққа қарсы агенттікте мүдделі мемлекеттік органдардыӊ, қоғамдық бірлестіктердіӊ және бизнес қауымдастық өкілдерініӊ қатысуымен ветеринарлық және санитарлық-эпидемиологиялық бақылау салаларында жүргізілген жұмыстыӊ нәтижелерін қорытындылау бойынша бейнеконференцбайланыс арқылы кеӊес өтті.
Астана. 3 тамыз. Kazakhstan Today - 2017 жылғы 3 тамызда Қазақстан Республикасыныӊ Мемлекеттік қызмет істері және сыбайлас жемқорлыққа қарсы агенттікте мүдделі мемлекеттік органдардыӊ, қоғамдық бірлестіктердіӊ және бизнес қауымдастық өкілдерініӊ қатысуымен ветеринарлық және санитарлық-эпидемиологиялық бақылау салаларында жүргізілген жұмыстыӊ нәтижелерін қорытындылау бойынша бейнеконференцбайланыс арқылы кеӊес өтті.
Қазақстан Республикасыныӊ Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасыныӊ Орынбасары Алик Шпекбаев кеӊесті аша отырып, Қазақстан Doing Business - 2017 халықаралық рйтингте 35 орынды иеленіп, іскерлік ортаны жақсарту бойынша бұрын-сонды болмаған шаралар қабылдағанын атап өтті. Алайда, сауалнамалар нәтижелері бойынша компаниялардыӊ айтарлықтай саны әлі күнге дейін әкімшілік кедергілер мен сыбайлас жемқорлық тәуекелдерін бизнес жүргізудіӊ ауыр салмағы деп санайды.
Оныӊ айтуынша, бұл бірінші кезекте нұсқамаларда көрсетілген орындалмайтын міндетті талаптардыӊ және әкімшілік рәсімдердіӊ көп болуымен байланысты. Олардыӊ қатарына ветеринариялық және санитариялық-эпидемиологиялық бақылау салалары жатады.
Осыған растау ретінде қорытындысы бойынша санитарлық-эпидемиологиялық қызмет сыбайлас жемқорлық схемалардыӊ жоғары жиілігі байқалатын мемлекеттік органдардыӊ үштігіне жатқызылған "Атамекен" ҰКП тапсырысы бойынша Экономикалық зерттеулер институтымен жүргізілген "Іскерлік климат-2016" әлеуметтік зерттеудіӊ нәтижесі болып табылады.
Оны құқықтық статистика дәлелдейді. Оған сәйкес аталған салада тіркелген сыбайлас жемқорлық қылмыстардыӊ саны өсуде. Осылайша, 2016 жылы олардыӊ жалпы саны 12 іс болса, ал 2017 жылдыӊ тек бірінші жартыжылдығыныӊ қорытындысы бойынша 14 фактінін тіркелуі сыбайлас жемқорлықтыӊ айтарлықтай өскенін көрсетеді.
Ұқсас жағдай ветеринарлық бақылау саласында орын алды. Мәселен, 2016 жылы осы саланыӊ лауазымды тұлғаларына қатысты 31 сыбайлас жемқорлық қылмыс тіркелді, өз кезегінде, ағымдағы жылдыӊ тек 1-жартыжылдығында сыбайлас жемқорлық істердіӊ саны 27 құрады.
Кеӊеске қатысушылармен келесі сыбайлас жемқорлық тәуекелдерініӊ бар болуы туралы атап өтілді:
ветеринарлық және санитарлық-эпидемиологиялық бақылау салаларын реттейтін нормативтік құқықтық актілер арасында қарама-қайшылықтар мен олқылықтар;
тексеріс қорытындылары бойынша нұсқамаларда көрсетілген бұзушылықтарды жоюдыӊ нақты мерзімдерініӊ болмауы;
нақты орындалмайтын міндетті талаптарды немесе әкімшілік рәсімдерді ұсыну (Алматы қ. тексеру нәтижелері бойынша кәсіпкерге қатысты әкімшілік жаза қолдану туралы қаулы мен оныӊ орналасқан аумағы Алматы жылу желілері ЖШС - табиғи монополия субъектісімен қызмет көрсетілмейтіндігіне қарамастан орталық ыстық су жүйесімен қамтамасыз ету туралы тиісті нұсқама шығарылды);
тексерілетін объекті қызметініӊ сипаттамасы және ерекшелігі бойынша тексеру парақтарыныӊ ара жігін анық ажыратудыӊ болмауы (теміржол, су, әуе, емдеу-алдын алу мекемелері, сумен жабдықтау объектілері және т. б.).
Бұл ретте, сондай-ақ осы салалардағы мүдделер қақтығысы фактілерініӊ жиі туындауы атап өтілді.
Мемлекеттік сатып алуды өткізу кезінде бірігу тұрғысында талдау барысында Жезқазған қалалық ветеринариялық станцияда мүдделер қақтығысы анықталды. Оныӊ директоры "Ветсервис" ЖШС-мен 2015-2017 жылдарға жалпы сомасы 17 млн. тенгеден астам ветеринариялық препараттарды жеткізу бойынша шарт жасасты. Алайда, аталаған ЖШС-тіӊ басшысы аффилиирленген тұлға (жұбайыныӊ анасы)болып шықты.
Сонымен қатар, талдау Жаӊақорған аудандық ветеринария бөлімініӊ басшысы бөлімініӊ сектор меӊгерушісі болып табылатын бұрынғы жұбайына қатысты лауазымы бойынша жылжыту және сыйақы түрінде бірнеше рет артықшылықтар көрсеткенін анықтады.
Сонымен бірге, аталған салаларда көрсетілетін мемлекеттік қызметтер бөлігінде көп сұрақтар туындады.
Осылайша, талдау Ауыл шаруашылығы министрлігініӊ 7 мемлекеттік қызмет көрсетулерді "Азаматтарға арналған үкімет" мемлекеттік корпорациясы арқылы көрсете отырып қызмет алушымен тікелей қатынасты жою мүмкіндігі бар екенін анықтады.
Сондай-ақ, Ауыл шаруашылығы министрлігініӊ қызметшілерімен жеке өзіне артықшылықтар алу мақсатында қолданылуы мүмкін министрліктіӊ 3 мемлекеттік қызмет көрсетулерінде дискреттік өкілеттіктер бар.
Кеӊес қорытындысы бойынша Агенттік 49 ұсыным әзірледі, оныӊ 55% нормативтік құқықтық актілерде сыбайлас жемқорлық тәуекелдерді жоюға бағытталған болса, ал 45% - ұйымдастырушылық-басқару қызметте.
Жалпы, Агенттік басшысыныӊ орынбасары Агенттіктіӊ аумақтық департаменттерімен және өӊірлік кәсіпкерлер палаталарымен атқарылған жұмысты қорытындылай келе, уәкілетті орган енгізілген ұсыныстардыӊ орындалуын кейін министрліктерге және комитеттерге шығу арқылы бақылайтынын атап өтті.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Алматыдағы рекреациялық аймаққа 230 гектарға жуық жер қайтарылды
Антикор Қоғамдық кеңесінің отырысында Алматы қаласының тау бөктеріндегі құрылыстың проблемалық мәселелері қаралды, деп хабарлайды Сыбайлас жемқорлыққа қарсы іс-қимыл агенттігінің баспасөз қызметінен.
Ағымдағы жылдың 26 сәуірінде Алматы қаласында Қазақстан Республикасы Сыбайлас жемқорлыққа қарсы іс-қимыл агенттігінің Қоғамдық кеңесінің көшпелі отырысы өтті.
Іс-шараға Агенттіктің Төрағасы Асхат Жұмағали, Алматы қаласының әкімі Ерболат Досаев, өнеркәсіп және құрылыс, ауыл шаруашылығы, төтенше жағдайлар, су ресурстары, экология, денсаулық сақтау министрліктерінің басшылық құрамы және т.б. қатысты.
Іс-шараның модераторы Парламент Мәжілісінің депутаты, Қоғамдық кеңестің төрағасы Марат Башимов болды.
Күн тәртібінде Агенттіктің 2023 жылы әкімдікпен бірлесіп өткізген Алматы қаласының тау бөктеріндегі құрылыс саласындағы жемқорлық тәуекелдерін сыртқы талдау қорытындылары бойынша ұсынымдарды іске асыру мәселесі қаралды.
Агенттік Төрағасы кіріспе сөзінде талдау қорытындысы бойынша анықталған негізгі жемқорлық тәуекелдері туралы айтып, олардың орындалуы ерекше бақылауда екенін атап өтті.
Өздеріңіз білетіндей, Мемлекет басшысы Алматы қаласын дамытуға, оңтүстік астананың жайлы қалалық ортасын құруға ерекше көңіл бөледі. Ел Президенті қаланың нүктелік құрылыс тәжірибесін жою қажеттігін бірнеше рет атап өтті, ал құрылыс кезінде оның тұрғындарының мүдделерін міндетті түрде ескеру қажет", - деп атап өтті Антикор басшысы.
Осыған байланысты, отырыс барысында жауапты орындаушылар тарапынан ұсыныстарды орындаудың сапасы мен уақыттылығына, формализмді жоюға ерекше назар аударылды.
Іс-шара аясында баяндамашылар жүргізілген жұмыстың нәтижелерін айтты.
Мәселен, Алматы қаласының жаңа Бас жоспары әзірленіп, бекітілді, онда табиғи сипаттағы төтенше жағдайларға ұшыраған аумақтар ескерілді.
Тұрғын аймақтан 229 га жер рекреациялық аймаққа қайтарылды, сібір жарасы бар жер учаскесі мемлекеттік меншікке берілді, барлық су объектілеріне түгендеу жүргізілді.
Тау бөктерінде анықталған 54 заңсыз объект бойынша мемлекет пайдасына 36 сот актісі шешілді, оның 30-ы заңды күшіне енді, 2 заңсыз объект бұзылды, тағы 3-і бұзуды күтуде.
Сонымен қатар, Парламент Мәжілісінде бірқатар заң жобалары қаралуда, онда Агенттіктің мемлекеттік сәулет-құрылыс бақылауының жауапкершілігін күшейту, ТЖМ-ге қала құрылысы жобаларын келісу, жекелеген құрылыс ұғымдарын регламенттеу және т.б. өкілеттіктер беру жөніндегі ұсынымдары ескерілген.
Қорытындылай келе, Агенттік Төрағасы қаралған мәселенің маңыздылығын атап өтіп, бірінші кезекте мегаполис тұрғындарының қауіпсіздігіне баса назар аудару қажеттігін айтты.
Бұл алаң кездейсоқ таңдалған жоқ, себебі талқыланып отырған мәселе қала жұртшылығы үнемі назарында және әрбір тұрғын бұл үшін алаңдайды, бұл халықты осы бағыттағы мемлекет жүргізіп жатқан жұмыс туралы хабардар етуді талап етеді", - деп атап өтті Антикор басшысы.
Іс-шара соңында жауапты орындаушыларға жоспарланған іс-шараларды қысқа мерзімде аяқтау үшін толық шаралар қабылдау бойынша нақты ұсыныстар берілді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан Президенті су тасқынынан кейін өңірлерді қалпына келтіру мерзімдерін белгіледі
Сурет: ТЖМ
Қазақстан президенті Қасым-Жомарт Тоқаев Қазақстан халқы Ассамблеясының "Бірлік. Жасампаздық. Өрлеу" атты ХХХІІІ сессиясының отырысында сөйлеген сөзінде су тасқынынан кейін өңірлерді қалпына келтіру мерзімдерін белгіледі, деп хабарлайды Мемлекет басшысының баспасөз қызметі.
Қазақта "Алпыс күн тасыған дария, алты күнде қайтады" деген сөз бар. Көп ұзамай қарғын су кетіп, жұрт күнделікті өмірге оралады. "Әр қиындықтың қайыры бар" дейді халқымыз.
Біріншіден, тасқын кезінде ел бірлігі нығая түсті. Арқадағы ағайынға, Жайықтағы жұртқа бүкіл Қазақстан халқы көмектесуге ұмтылды. Апат аймағында тұратын адамдар барша отандасымыздың шынайы жанашырлығын сезінді.
Екіншіден, елдің жағдайын жақсарту үшін ешкім қиындықтың келуін күтіп отырмайтыны анық. Дегенмен, мұндай апаттар біраз шаруаны шұғыл қолға алуға себепкер болады.
Тасқын аяқталған соң кейбір ауылдар тың жерге қоныстанып, жаңадан бой көтереді. Жол салынады, су тартылады. Ауылдарымыз мүлде жаңа келбетке ие болады. Жалпы, әлемдегі үлкен дағдарыстардың қарқынды дамуға жол ашатыны белгілі", деді президент.
Қазіргі алапат тасқын да, түптеп келгенде, елімізге оң әсерін тигізеді деп ойлаймын. Сын сағатта жұдырықтай жұмылған жұртымыз осы қалпында өрлеу, жаңғыру кезеңіне қадам басады. Бәрі де жақсы болады.
Бәріміз - бір елдің азаматымыз. Тарих тоғыстырған тағдырымыз - бір, сеніммен қадам басатын келешегіміз - бір. Біз біртұтас ұлт ретінде әрдайым бабалар аманатына адал боламыз. Қасиетті қара шаңырағымыз - Қазақстанның жарқын болашағын бірге жасаймыз. Біздің мақсатымыз - айқын, бұл - Әділетті Қазақстанды құру.
Мен Қазақстан Республикасының Тәуелсіздігін қорғауды Президент ретіндегі ең басты міндетім деп санаймын. Осы қастерлі міндет Әділетті Қазақстанды құру және белсенді әрі сындарлы сыртқы саясат жүргізу арқылы ғана орындалады. Биік мақсатқа жету үшін түрлі кедергіден өтеміз, барлық қиындықты жеңеміз. Ауқымды міндеттерді орындаймыз. Біз еліміздің басты құндылықтары мен бағыт-бағдарынан айнымаймыз. Мемлекеттілігімізді нығайтып, тәуелсіздік туын әрдайым биік ұстаймыз. Мен бұған нық сенемін және сол үшін бәрін жасаймын. Бұл - менің президенттік әрі перзенттік парызым.
Еліміз аман, жұртымыз тыныш болсын!", деп түйіндеді өз сөзін Қасым-Жомарт Тоқаев.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Бектенов Атырау облысында су басу қаупін азайту үшін қабылданып жатқан шаралардың барысын тексерді
Қазақстан Премьер-Министрі Олжас Бектенов Мемлекет басшысы Қасым-Жомарт Тоқаевтың тапсырмаларын орындау аясында Атырау облысында су басу қаупін азайту үшін қабылданып жатқан шаралардың барысын тексерді, деп хабарлайды Үкіметтің баспасөз қызметінен.
Олжас Бектенов облыс орталығындағы тұрғын үй алаптары бекіністерін тексеру барысында Атырау қаласының су тасқынының болжамды екінші толқынына дайындық жұмыстарымен танысты. Батыс өңірде Ресей Федерациясының Ириклин су қоймасынан судың келуіне байланысты, сондай-ақ Жайық өзеніне құйылар сағадағы ірі тасқын мен су деңгейінің көтерілуі салдарынан жағдай күрделі күйінде қалып отыр.
Бұрын хабарланғандай, Батыс Қазақстан облысындағы ірі су тасқынынан кейін ағын су өзен арнасымен Атырау облысына қарай жылжып, Каспий теңізіне құяды. Соңғы тәулікте БҚО тарапынан келетін судың әсерінен Атырау қаласында су деңгейінің 6 см-ге көтерілуі тіркелді (су тасқыны басталғаннан бері жалпы көтерілуі 227 см-ді құрады).
Тұрғын үй алаптарын нығайту, сондай-ақ Жайықтың өткізу қабілетін арттыру үшін өзен түбін тереңдету жұмыстарының қарқыны тексерілді. Тиісті күштердің көлемді судың келуіне дайындық деңгейін қарап көрді.
Үкімет басшысы Олжас Бектенов Атырау облысына су тасқыны жағдайы тұрақтанған өңірлерден әскери қызметшілер мен техниканы жедел жеткізіп, күштерді арттыруды тапсырды.
Бүгінгі таңда су тасқынының алдын алу шараларының 92%-ы орындалды. Жұмысты тиімді жүргізу үшін қала 111 секторға бөлінген. Ұзындығы 482 км қорғаныс бөгеттері салынды, аяқталған учаскелер техникалық қадағалау арқылы тексерілді. Жұмыстарға ТЖМ, ІІМ, Қорғаныс министрлігі, Ұлттық ұланның 6 мыңға жуық әскери қызметшісі, әкімдік қызметкерлері, 2 мыңға жуық техника жұмылдырылған. Еріктілер тарапынан белсенді көмек көрсетілуде. Өткен сенбіде жағалауды нығайту сенбілігі аясында қаланы қорғау жұмыстарына 9 мыңға жуық ерікті қатысты.
Сонымен қатар Жайық өзенінен Каспий теңізіне су өткізу қабілетін арттыру үшін өзен түбін тереңдету жұмыстары жүргізілуде. Су жолдарын тазарту, тереңдету және кеңейту мақсатында арнайы техникалық флоттық кемелер, гидравликалық экскаваторлар қолданылуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.