01.11.2022, 14:14 42211

2023 жылы Алматыда 20 жаңа мектеп салына бастайды - Аймағамбетов

Келесі жылы бұрын-соңды болмаған көлемде мектептердің құрылысы басталады, деді министр.
2023 жылы Алматыда 20 жаңа мектеп салына бастайды - Аймағамбетов
Астана. 1 қараша. KAZAKHSTAN TODAY - Үкімет отырысында Қазақстанның оқу-ағарту министрі Асхат Аймағамбетов мектептердегі орын тапшылығы мәселесін шешу үшін қабылданып жатқан шаралар туралы айтып берді.
 

Мемлекет басшысы "Жайлы мектеп" ұлттық жобасын іске асыру жөнінде тапсырма берді. Ұлттық жоба аясында 2025 жылдың соңына дейін 800 мыңнан астам оқушы орны беріледі, бұл үш ауысымды және апатты мектептер мәселесін толығымен шешеді. Жаңа мектептер үшін құрылыс пен жарақтандырудың ең жоғары, заманауи және бірыңғай стандарттары қолданылады", - деді А. Аймағамбетов.

 
Келесі жылы бұрын-соңды болмаған көлемде мектептердің құрылысы басталады.
 

Мысалы, ендігі жылы, Алматы қаласы бойынша әкімдікпен бірге жаңа 20 мектептің құрылысын бастауды жоспарлап отырмыз, сәйкесінше 2024 жылы Алматыда 80 мың орын салынып проблема толығымен шешіледі", - деді министр.

 
Бұған дейін хабарланғандай, бүгінде мыңдаған қазақстандық оқушылар 30-40 оқушыдан тұратын толып жатқан сыныптарда оқиды, 130 мектепте үш ауысымдық оқыту жүргізілуде. Бұл жағдайда балалар сапалы білім ала алмайды. Үш ауысыммен байланысты мәселе Алматыда, сондай-ақ Маңғыстау, Жамбыл және Ақмола облыстарында өткір тұр. Елорда мен Шымкенттегі бірнеше мектепте де жағдай осындай. Үш ауысымды мектептер мәселесі тек 2025 жылы шешіледі деп уәде етілгенімен, 2019 жылы Президент Қасым-Жомарт Тоқаев бұл мәселені күн тәртібінен толығымен алып тастауды тапсырған болатын.
 
Естеріңізге сала кетейік, НЗМ-ді мемлекеттік қаржыландыру мемлекеттік мектептерге жұмсалатын шығындардан 3,7 есе артық.
 

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.


тақырып бойынша жаңалықтар

Ең көп оқылғаны